ហេតុ​ផលពីរ​យ៉ាង ដែល​ក្រុម​គ្រូពេទ្យ​​ចាំបាច់ធ្វើតេស្តសាក​សព​រក​កូវីដ១៩
Connect with us
Helistar Cambodia - Helicopter Charter Services

ព័ត៌មានខ្លីៗ

ហេតុ​ផលពីរ​យ៉ាង ដែល​ក្រុម​គ្រូពេទ្យ​​ចាំបាច់ធ្វើតេស្តសាក​សព​រក​កូវីដ១៩

បានផុស

នៅ

លោក​ជំទាវ ឱ វណ្ណឌីន​ រដ្ឋលេខាធិការ​​ និង​ជា​អ្នក​នាំ​ពាក្យ​ក្រសួង​សុខាភិបាល​​​កាល​​ពី​ថ្ងៃ​ទី​២៤​ ខែ​មិថុនា​ ម្សិល​មិញ​បាន​ថ្លែង​លើក​ឡើង​ពី​សារ​ប្រយោជន៍​​ពីរ​យ៉ាង​​​​នៃ​ការ​ធ្វើ​តេស្ត​លើ​​សាកសព​ស្វែង​រក​​ជំងឺ​កូវីដ១៩​។​​​អ្នក​ជំងឺ​​ដែល​បាត់​ជីវិត​​នៅ​ផ្ទះ ​ឬ​នៅ​មន្ទីរពេទ្យ​​ ដោយ​ជំងឺ​ផ្សេង​ៗ​រមែង​មាន​​ការ​ធ្វើ​តេស្ត​រក​​ជំងឹ​កូវីដ​១៩​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​​

លោក​ជំទាវ​បាន​លើក​ឡើង​ថា​ ជា​លក្ខណៈ​បច្ចេកទេស​សុខាភិបាល​​សារប្រយោជន៍​ទី​​១ នៃ​ការ​ធ្វើ​តេស្ត​លើ​សាក​សព​ គឺ​​គេ​អាច​ដឹង​​ថា តើ​​អ្នក​ជំងឺ​បាន​​​ឈឺ​ ឬ​ឆ្លង​ជំងឺ​កូវីដ១៩ ដែរ​ឬ​ទេ​? ខណៈ​មាន​​អ្នក​ជំងឺ​មួយ​ចំនួន​​គាត់​ឈឺ​ដែរ​ តែ​អត់​បាន​​ដឹង​ ដោយ​សារ​មាន​ជំងឺ​​ប្រចាំ​កាយ​​ផ្សេង​លាយ​ឡំ​​​។​ ម្យ៉ាង​បើ​​​ក្រុម​គ្រួ​ពេទ្យ​​មិន​បាន​​ធ្វើ​តេស្ត​នឹង​​អាច​បង្ក​ជា​ហានិភ័យ​​ចម្លង​​ទៅ​​ក្រុម​គ្រួសារ​សព​ ដែល​​មក​ជួប​ជុំ​គ្នា​។ ​ចំណុច​​ទី​២​ អាច​ជួយ​ដល់​គ្រួសារ​​សាច់​ញាតិ​​បាន​ដឹង​ ដើម្បី​ការ​ពារ​ ក៏​ដូច​ជា​ស្រាវ​ជ្រាវ​រក​​អ្នក​ពាក់ព័ន្ធ​​បន្ថែម​​ទៀត​​ ពិសេស​​​ក្នុង​ចំណោម​ក្រុម​គ្រួសារ​សព​ថា តើ​មាន​​អ្នក​ណា​ខ្លះ​ដែល​បាន​​ឆ្លង ឬ​បាន​ប៉ះពាល់​​សាក​សព​កន្លង​មក​ និង​ឈាន​​ទៅ​ចាត់​វិធាន​ការ​សុខាភិបាល​បាន​ទាន់​ពេល​។

​លោក​ជំទាវ​បាន​បន្ថែម​​ទៀត​ថា​ តាម​​ព័ត៌មាន​ ដែល​ទទួល​បាន​ពី​​​អង្គការ​សុខភាព​ពិភពលោក​​អ្នក​ជំងឺ​​ប្រមាណ​ ៨០%​​បាន​ឆ្លង​​​កូវីដ១៩​ហើយ​​តែ​មិន​ចេញ​រោគសញ្ញា​ទេ​ និង​មិន​មាន​​លក្ខណៈ​ធ្ងន់ធ្ងរ​​ ដែល​​គេ​ចាត់​បញ្ចូល​ក្នុង​ចំណោម​​ការ​ចម្លង​​ស្ងាត់​ស្ងៀម ពី​​ទី​កន្លែង​ណាមួយ​ ឬ​បណ្ដុំ​​កន្លែង​ណា​មួយ ដែល​គេ​មិន​អាច​ដឹង​ជាមុន​។ ​​​

លោក​ជំទាវ​បាន​ក្រើន​រំលឹក​ពលរដ្ឋ​ជា​ថ្មី បង្កើន​ការ​ប្រុង​ប្រយ័ត្ន​ខ្ពស់​ពី​ការ​ឆ្លង​ជំងឺ​កូវីដ​១៩​ ខណៈ​បច្ចុប្បន្ន​​ករណី​ឆ្លង​​​មិន​ទាន់​មាន​​ការ​ថម​ថយ​នៅ​ឡើយ​។​ដូច្នេះ​ក្រសួង​ចាំ​បាច់​ត្រូវ​​តែ​ប្រើ​ប្រាស់​វិធាន​​ការ​សុខាភិបាល​​ ដើម្បី​ឈាន​​ទៅ​​កាត់​បន្ថយ​​ការ​ឆ្លង​​​រីក​រាល​ដាល​នៃ​វីរុស​កូវីដ១៩​។​

គិត​ត្រឹម​​ថ្ងៃ​ទី​២៥ ខែ​មិថុនា ឆ្នាំ​២០២១​នេះ​ក្រសួង​សុខាភិបាល​បាន​ប្រកាស​រក​​ឃើញ​ករណី​ឆ្លងកូវីដ១៩ ចំនួន​៦៩៩នាក់ ​ករណី​នាំ​ចូល​ចំនួន​១១៣​នាក់​ និង​​​អ្នក​​ស្លាប់​ចំនួន​១៦​នាក់​។​ដូច្នេះ​សរុប​ចំនួន​អ្នក​ស្លាប់​បាន​​កើន​ឡើង​​​ចំនួន៥០៩​នាក់​​៕

​​

​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ១ ម៉ោង មុន

ថ្ងៃ​ចុងក្រោយ នៃ​ការឃោសនាបោះឆ្នោត​ជ្រើសរើស​ក្រុមប្រឹក្សា​ក្រុង​បូកគោ មាន​គណបក្ស​នយោបាយ​ចំនួន​១ បានធ្វើ​សកម្មភាព​

ព័ត៌មានខ្លីៗ១ ម៉ោង មុន

មកដឹងតម្លៃស្រូវសើមនៅវាលស្រែ គិតត្រឹមថ្ងៃទី២៣ កក្កដា នេះ

ព័ត៌មានជាតិ១ ម៉ោង មុន

សម្តេចតេជោ អញ្ជើញ​ទទួល​ជំនួយ​វ៉ាក់សាំង អា​ស្ត្រា​ហ្សេ​នី​កា (AstraZeneca) ដែល​ជា​ជំនួយ​របស់​ប្រទេស​ជប៉ុន នៅព្រលាន​យន្តហោះ​អន្តរជាតិ​ភ្នំពេញ

កូវីដ-១៩២ ម៉ោង មុន

អាជ្ញាធរ​រាជធានី​សម្រេច​បន្ត​ដាក់ចេញ​វិធានការ​រដ្ឋបាល ជា​បណ្តោះ​អាសន្ន​ចំពោះ​សកម្មភាព​ការងារ មុខរបរ ឬ អាជីវកម្ម​ដែល​មាន​ហានិភ័យ​ខ្ពស់​នៃ​ការ​ឆ្លង​រាលដាល​ជំងឺ​កូ​វីដ​-១៩

ព័ត៌មានជាតិ២ ម៉ោង មុន

រដ្ឋបាល​រាជធានី ណែនាំ​ដល់ ម្ចាស់​ការដ្ឋាន​សំណង់​គ្រប់​ប្រភេទ ក្នុងភូមិ​សាស្ត្រ​រាជធានី​ភ្នំពេញ រឹត​បន្តឹង​ការ អនុវត្ត​វិធានការ​បង្ការ និង​ទប់ស្កាត់​ការឆ្លង​រាលដាល​ជំងឺ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services