ថៃ ដល់ដំណាក់កាលបែងចែកអុកស៊ីសែន រើសអ្នកជំងឺកូវីដណាត្រូវព្យាបាល និងទុកឲ្យស្លាប់

ខណៈនេះករណីឆ្លង និងស្លាប់ដោយសារជំងឺកូវីដ ១៩ នៅប្រទេសថៃ កាន់តែធ្ងន់ធ្ងរពីមួយថ្ងៃទៅមួយថ្ងៃ ដោយកំពុងធ្វើឲ្យស្ថានភាពប្រទេសនេះដើរហួសបន្ទាត់ក្រហមទៅហើយ ។

ទន្ទឹមនោះ ថៃ បានចេញច្បាប់សម្រចឲ្យក្រុមគ្រូពេទ្យជាតុលាវិនិច្ឆ័យអ្នកជំងឺកូវីដណាត្រូវព្យាបាល ឬមិនអាចបន្តព្យាបាលបាន ដោយសារតែកង្វះក្រុមគ្រូពេទ្យ ឧបករណ៍សម្ភារៈ ក៏ដូចជាគ្រែពេទ្យសម្រាប់ព្យាបាលជាដើម ។

ស្របពេលជាមួយគ្នានេះ មន្ទីរពេទ្យសាកលវិទ្យាល័យ Thammasat បានចេញសេចក្ដីប្រកាសព័ត៌មានមួយ ពាក់ព័ន្ធនឹងការពិចារណាដកអុកស៊ីសែនសម្រាប់អ្នកជំងឺកូវីដណាដែលគ្មានលទ្ធភាពរស់នៅបន្តផងដែរ ។

ក្នុងសេចក្ដីប្រកាសនោះបានឲ្យដឹងថា មន្ទីរពេទ្យនឹងធ្វើការជ្រើសរើសអ្នកដែលត្រូវរស់នៅបន្ត និងអ្នកដែលត្រូវស្លាប់ដោយមិនចាំបាច់ចំណាយឧបករណ៍សម្ភារៈ ឬគ្រូពេទ្យទៅព្យាបាលឡើយ ។

សេចក្ដីប្រកាសនោះបានសង្កត់ធ្ងន់លើអ្នកដែលមានជំងឺប្រចាំកាយរ៉ាំរ៉ៃធ្ងន់ធ្ងរ និងមនុស្សចាស់អាយុចាប់ពី ៧៥ ឆ្នាំឡើងទៅដែលឆ្លងកូវីដ នឹងមិនត្រូវព្យាបាលនោះទេ ពោលគឺទុកឲ្យស្លាប់តែម្ដង ខណៈអ្នកជំងឺកូវីដណាដែលស្រាល ឬទោះមិនទាន់ជាស្រួលបួលក៏ដោយ ក៏ត្រូវចាកចេញពីមន្ទីរពេទ្យក្នុងពេល ២៤ ម៉ោង ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Newsdirectory3

ចុចអាន ៖ ស្ថានភាពកាន់តែអាក្រក់! ថៃ ដល់ថ្នាក់មានអ្នកស្លាប់តាមដងផ្លូវដោយសារ កូវីដ