ជីវិតកម្សាន្ដ

ថ្ងៃវិសាខបូជា លោក ព្រាប សុវត្ថិ ធ្វើរឿងមួយនេះផ្ទុះការសរសើរគ្រប់គ្នា

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

កំពូលតារាចម្រៀងលោក ព្រាប សុវត្ថិ ទោះបីជាលោកបានឈានជើងដើរលើវិថីសិល្ប:យូរឆ្នាំហើយក៏ពិតមែន តែសម្រាប់សន្ទុះនៃការគាំទ្រនិងប្រជាប្រិយភាពនៅតែរក្សាបានដូចដើម។

ទន្ទឹមគ្នាដែលការគាំទ្រនិងប្រជាប្រិយភាពនៅតែជោគជ័យលើវិថីសិល្ប:លោក ព្រាប សុវត្ថិ ក៏បន្តទទួលបានការលើកសរសើរជាច្រើនពីមហាជនទាំងអត្តចរិក និងសកម្មភាពមនុស្សធម៌នានាក្នុងការជួយសង្គមជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងកាលពីថ្ងៃទី២៦ ខែមេសា ម្សិលមិញដែលជាថ្ងៃពិធីបុណ្យវិសាខបូជា លោក ព្រាប សុវត្ថិ បានបង្ហាញសកម្មភាពការងារសង្គមតាមរយ:ការចែកអំណោយមួយចំនួនជូនដល់ពលរដ្ឋដែលជួបការខ្វះខាត។ មិនតែប៉ុណ្ណោះលោកក៏បានបួងសួងសុំសេចក្តីសុខជូនពលរដ្ឋខ្មែរទូទាំងប្រទេសចៀសឆ្ងាយពីជំងឺកាចសាហាវកូវីដ-១៩ផងដែរ។

បង្ហាញតាមរយ:វីដេអូខ្លីតារាចម្រៀងលោក ព្រាប សុវត្ថិ បានលើកឡើងខ្លឹមសារដូច្នេះថា ទាំងនេះគឺ ជាការចែករំលែកដល់បងប្អូន អ្នកភូមិ ក្នុងថ្ងៃវិសាខបូជា។ ជូនពរឲ្យបងប្អូនទាំងអស់ជួបតែសេចក្តីសុខ សេចក្តីចម្រើនមានសេចក្តីសុខពេញមួយជីវិត ជំងឺចង្រៃបរវាសចៀសឆ្ងាយចេញពីបងប្អូនពីពេលនេះទៅ៕

អត្ថបទ ៖ ចាន់រ៉ា