ស្លុតចិត្ត! អ្នកនាង ស៊ិន ឧត្តមផល្លា ទើបហ៊ានទម្លាយការពិតឈឺមហារីកដំណាក់កាលចុងក្រោយ

ភ្នំពេញ៖ កន្លងមកពុំធ្លាប់មានមហាជន ឬអ្នកគាំទ្រណាម្នាក់បានដឹងទេថា តារាចម្រៀងស្រីចេះទាំងភាសាខ្មែរ ចិន និងអង់គ្លេស អ្នកនាង ស៊ិន ឧត្តមផល្លា បច្ចុប្បន្នកំពុងរស់ជាមួយជំងឺដ៏កាចសាហាវឡើយ។ ប៉ុន្តែទើបថ្មីៗនេះនាងដាច់ចិត្តហ៊ានទម្លាយការពិតឱ្យមហាជនបានដឹងគ្រប់គ្នា។

តារាចម្រៀងមេម៉ាយកូនបី ស៊ិន ឧត្តមផល្លា បានស្រាយចម្ងល់ប្រាប់ការពិតឱ្យអ្នកគាំទ្របានដឹងថា កន្លងមកនាងតែងតែព្យាយាមលាក់បាំងការពិតចំពោះរឿងនេះ តែឥឡូវនាងក៏បានសម្រេចចិត្តច្បាស់ថា ត្រូវតែបង្ហាញនូវការពិតដើម្បីឱ្យគ្រប់បានដឹងហើយឈប់ឆ្ងល់ទៀត។

អ្នកនាង ស៊ិន ឧត្តមផល្លា បានរៀបរាប់ថា៖ “បងប្អូនតែងតែសួរខ្ញុំថា តើខ្ញុំកើតអី្វមែនទេ? ឥឡូវនេះ​ខ្ញុំ​សម្រេចថាបង្ហាញការពិតហើយ គឺខ្ញុំកំពុង​តែ​រស់​នៅ​ជាមួយជំងឺមហារីកដំណាក់កាលចុងក្រោយ ហើយក្នុងចិត្តខ្ញុំ គ្រាន់តែចង់ឃើញកូនៗខ្ញុំមានប្តីមានប្រពន្ធ រួចហើយចាំយកខ្ញុំទៅពេលណាក៏បានដែរ”។ 

ដោយឡែកបើតាមប្រភពពីអ្នកសិល្ប:ដែលជិតដិតនាងក៏បានបង្ហើបថា ការពិតស្រ្តីម្នាក់នេះបានតស៊ូរស់នៅជាមួយនឹងជំងឺដ៏កាចសាហាវនេះយូរមកហើ យ (មហារីកកូនកណ្តុរ តំណាក់កាលចុងក្រោយ) ដោយសារតែនាងមិនចង់ចាកចោលកូនៗជាទីស្រឡាញ់ និងឪពុកម្តាយទើបនាងខំប្រឹងតស៊ូរហូតមក៕

អត្ថបទ៖ ចាន់រ៉ា