ជីវិតកម្សាន្ដ
កវីនិពន្ធ ម៉ៅ សំណាង ទម្លាយអារម្មណ៍សង្វេគនៃការចាកចេញរបស់អតីតស្វាមី និងកូនស្រីទោលនៅពេលនេះ
លោកស្រី ម៉ៅ សំណាង ជាកវីនិពន្ធប្រលោមលោក និងភាពយន្តល្បីឈ្មោះ នៅថ្ងៃទី២១ ខែមិថុនានេះ បានបង្ហាញអារម្មណ៍ពិបាកទទួលយក តែត្រូវតែទទួលថា លោកស្រីបានតស៊ូធ្វើដំណើរវែងឆ្ងាយដោយហត់នឿយណាស់ព្រោះតែចង់បានជីវិតគ្រួសារមួយដែលពោរពេញដោយសុភមង្គល។ ប៉ុន្តែគ្រប់យ៉ាងមិនអាចក្លាយជាការពិត។
លោកស្រីបានរំលឹកថា៖ “ថ្ងៃមួយស្រាប់តែស្វាមីខ្ញុំប្រាប់ថាគាត់បានស្រឡាញ់ស្រីថ្មីហើយថែមទាំងមានកូនប្រុសម្នាក់ទៀតផងព្រោះតែខ្ញុំជាស្រីដែលមានពេលវេលាសម្រាប់តែការងារនិពន្ធរបស់ខ្ញុំប៉ុន្តែគ្មានពេលវេលាសម្រាប់គាត់។ ខ្ញុំអត់មានវិធីកែប្រែអ្វីបានក្រៅពីទទួលកំហុសហើយឈរសម្លឹងមើលគាត់ចាកចេញទៅ”។
ស្ត្រីកវីនិពន្ធរូបនេះបានបន្តថា លោកស្រីគិតថាមិនថ្វីទេ ដ្បិតលោកស្រីនៅមានកូនស្រីតែម្នាក់ គឺគ្រប់គ្រាន់ហើយ។
លោកស្រីបានលើកឡើងថា៖ “ដោយសារយើងមានតែម្ដាយមួយកូនមួយ ខ្ញុំមិនដែលឱ្យកូនស្រីខ្ញុំឃ្លាតពីខ្ញុំមួយជំហានទេ ខ្ញុំតែងមើលឃើញនាងនៅតែជាក្មេងស្រីអាយុ ៣ឆ្នាំដដែល។ ខ្ញុំសម្លឹងមើលនាងគ្រប់ជំហានមិនថាដេកដើរឈរអង្គុយ។ ស្រាប់តែថ្ងៃមួយរស្មីបានប្រាប់ខ្ញុំថាកូនធំហើយ កូនត្រូវទៅធ្វើការងារនៅឆ្ងាយពីម៉ាក់! កូនសុំរៀនធ្វើជាមនុស្សរឹងមាំឯករាជ្យដូចម៉ាក់ពីក្មេងអីចឹង”។
អ្នកនិពន្ធមាននាមប៉ាកកា ថាទន្សាយ បានពោល បន្តថា ទីបំផុតលោកស្រីបានត្រឹមតែឈរសម្លឹងមើលកូនស្រីទោលចាកចេញទៅធ្វើការឆ្ងាយពីលោកស្រីម្នាក់ទៀត ដោយគ្មានជម្រើសទាល់តែសោះ។
លោកស្រីលើកឡើងថា៖ “៤០ឆ្នាំមុន ខ្ញុំបានឈរនៅត្រង់នេះម្នាក់ឯងក្នុងនាមជានារីវ័យ២២ឆ្នាំពោរពេញដោយការជឿជាក់ និងមុះមុត តែខណៈនេះខ្ញុំឈរនៅត្រង់នេះតែម្នាក់ឯងដដែល ក្នុងនាមជាស្ត្រីចាស់ជរាដែលបានត្រឹមឈរសម្លឹងមើលថ្ងៃអស្តង្គត”។
លោកស្រីបានបញ្ចប់នូវសម្ដី១ឃ្លាថា គ្រប់យ៉ាងមិនមែនជារបស់យើងទេអ្វីៗគង់តែត្រូវបាត់បង់ទៅគ្រាន់តែយូរ ឬឆាប់ប៉ុណ្ណោះ។
គួរបញ្ជាក់ថា លោកស្រី ម៉ៅ សំណាងមានកូនស្រីម្នាក់ឈ្មោះ កញ្ញា ម៉ៅ ចាន់រស្មី ជាអ្នកនិពន្ធប្រលោមលោក និងភាពយន្តផងដែរ ដែលមានរហស្សនាម “កូនទន្សាយ”។ នាងចូលចិត្តអានប្រលោមលោក និងមើលភាពយន្តតាំងពីបឋមសិក្សា។ រហូតដល់ឆ្នាំ២០១១ ទើបនាងចាប់ផ្តើមរៀនសូត្រពីការងារនិពន្ធតាមរយៈការវាយអត្ថបទនិពន្ធរបស់ម្ដាយ ដើម្បីជួយការងារម្ដាយ ដោយគ្មានបំណងចង់ក្លាយជាអ្នកនិពន្ធអ្វីទេ។ ក្រោយមកនាងទទួលស្គាល់ថា អ្វីដែលធ្វើឲ្យនាងសម្រេចចិត្តចាប់ស្លាបប៉ាកកានិពន្ធនោះ អាចមកពីឥទ្ធិពលប្រឡូកការងាររបស់អ្នកស្រី ម៉ៅ សំណាង ជាម្តាយបង្កើត។
កញ្ញា ម៉ៅ ចាន់រស្មី ធ្លាប់បានសម្តែងនៅក្នុងភាពយន្ត ព្រហ្មលិខិត និងឃុនឆាង ឃុនផែន ពីកុមារភាពក្នុងអំឡុងឆ្នាំ ២០០៤។
អត្ថបទ៖ ច័ន្ទ វីរៈ
-
ជីវិតកម្សាន្ដ៦ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍១ សប្តាហ៍ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៦ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៩ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានជាតិ៥ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?