ជីវិតកម្សាន្ដ

ស៊ឹម ស្រីនិច បញ្ជាក់ច្បាស់ៗក្រោយផ្ទុះរឿងអាស្រូវយល់ច្រឡំពាក់ព័ន្ធប្តីគេ

បានផុស

៤ ខែ មុន

នៅ

ថ្ងៃសៅរ៍ ៣ កក្កដា ២០២១

ដោយ

ភ្នំពេញ ៖ តារាសម្តែងស្រីរូបស្រស់កញ្ញា ស៊ឹម ស្រីនិចស្របពេលដែលទើបនឹងប្រកាសលាឈប់ពីអាជីពសិល្ប:មិនទាន់បានប៉ុន្មានថ្ងៃផងក៏ស្រាប់តែផ្ទុះរឿងរ៉ាវអាស្រូវដែលត្រូវគេទម្លាយថានាងយកប្តីគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញរឿងរ៉ាវចោទប្រកាន់នេះដែរ តារាសម្តែងសាច់ខ្ចី ស៊ឹម ស្រីនិច បានប្រាប់កម្ពុជាថ្មីនៅរសៀលថ្ងៃទី ០៣ខែកក្កដាឆ្នាំ២០២១នេះថានាងមិនមានអ្វីពា ក់ព័ន្ធជាមួយបុគ្គលណាទេ។ ចំណែករឿងដែលគេចោទប្រកាន់នោះគ្រាន់តែការយល់ច្រឡំមួយដែលប្រឌិតឡើងហួសហេតុដើម្បីជាការជាន់ពន្លិចនិងបង្ខូចកិត្តិយសប៉ុណ្ណោះ។

ស៊ឹម ស្រីនិច បានបញ្ជាក់ថា ”សម្រាប់ខ្ញុំនៅតែមានជំហរថាបើសិនជាមានអ្វីកើតឡើងធ្ងន់ធ្ងរឬបញ្ហាអ្វី មួយដែលពាក់ព័ន្ធនឹងការចោទប្រកាន់ណាដែលមិនច្បាស់លាស់គឺសូមឲ្យភាគីនោះចេញមុខមកតទល់ដោយផ្ទាល់និងនិយាយគ្នាតាមផ្លូវច្បាប់”។

តារាស្រី ស៊ឹម ស្រីនិច បានបន្តថា នាងមិនចាំបាច់និយាយច្រើនជាងនេះទេព្រោះបុគ្គលណាដែលធ្វើគឺដឹងខ្លួនច្បាស់ខ្លួនឯងហើយ ហើយសម្រាប់នាងក៏ចង់និយាយចុងក្រោយថាឈាមសងដោយឈាមទ្រព្យសងដោយទ្រព្យ ហើយក៏គ្មានគំនិតអាក្រក់ណាមួយលើនរណាម្នាក់មុនដែរ។

ស្រីនិច បន្ថែមដែរថាបើសិនជាមានព័ត៌មានណាដែលគ្មានការបញ្ជាក់ ឬ បកស្រាយពីនាងផ្ទាល់គឺសូមធ្វើការច្រានចោលទាំងអស់។ សូមជម្រាបថា ការបកស្រាយរបស់ ស៊ឹម ស្រីនិច នេះបានឡើងបន្ទាប់ពីមានគណនីមួយបានចូលរិះគន់និងដៀលថា បានពាក់ព័ន្ធជាមួយប្តីគេប៉ុន្តែត្រូវ ស្រីនិច បដិសេធន៍៕

ដោយ ៖ ចាន់រ៉ា