ជីវិតកម្សាន្ដ
ការពិតគួរឱ្យភ្ញាក់ផ្អើល ពីក្រោយភាពល្បីល្បាញនៃភាពយន្ត “Squid Game”
ភាពយន្តភាគកូរ៉េខាងត្បូង Squid Game កំពុងទទួលបានប្រជាប្រិយភាពខ្លាំងស្ទើរទូទាំងពិភពលោក ជាពិសេសតំបន់អាស៊ី ក្នុងនោះក៏មានកម្ពុជាផងដែរ។
មនុស្ស ៤៥៦ នាក់បានចូលរួមប្រកួតប្រជែងលេងហ្គេម ៦ប្រភេទដ៏គ្រោះថ្នាក់បំផុត រហូតយកជីវិតទៅភ្នាល់។ ចុងក្រោយមានតែម្នាក់ប៉ុណ្ណោះដែលមានសំណាងរស់រានមានជីវិតពីការស្លាប់ ហើយអាចទទួលប្រាក់រង្វាន់ចំនួន ៤៥.៦ ប៊ីលានវ៉ុន (៣៨.៥លានដុល្លារអាមេរិក) ត្រឡប់ទៅផ្ទះ។ ទាំងនេះជាខ្លឹមសារនៃសាច់រឿង Squid Game។
យ៉ាងណាក្ដី ទស្សនិកដែលធ្លាប់ទស្សនារឿងភាគមួយនេះចប់ហើយ ឬកំពុងទស្សនាក្ដី ប្រាកដជាបានយល់សាច់រឿងនេះជាក់ជាមិនខាន។ ប៉ុន្តែហ្វេនៗយើងខ្លះទំនងមិនទាន់ដឹងការពិតមួយចំនួននៅពីក្រោយ Squid Game នៅឡើយទេ។
១. ចំណងជើងដើម ត្រូវបានក្រុមហ៊ុន Netflix ប្រកាសដំបូងកាលពីថ្ងៃទី ២ ខែកញ្ញា ឆ្នាំ២០១៩ ថានឹងបង្កើតរឿងភាគកូរ៉េមួយ ដែលមានចំណងជើង “Round Six” ជាស្នាដៃដឹកនាំ និងនិពន្ធដោយលោក Hwang Dong-hyuk ។ ប៉ុន្តែក្រោយមក រឿងនេះស្រាប់តែប្ដូរឈ្មោះមកជា Squid Game វិញ។
២. សាច់រឿងត្រូវបានបំផុសគំនិតមកពីល្បែងលកម្សាន្តកុមារដ៏ពេញនិយមរបស់កូរ៉េតាំងពីទសវត្សរ៍ឆ្នាំ ១៩៧០ និង ១៩៨០ ដែលគេស្គាល់ថា ល្បែងមឹក ឬលោតមឹក។ Squid Game ត្រូវបានតំណាងឱ្យល្បែងមឹក ខណៈឈ្មោះនេះមិនមានពិតឡើយនៅកូរ៉េខាងត្បូង។
៣. ទម្រាំចេញផ្សាយបាន ៩ភាគនេះ ផលិតករប្រើពេលសរសេរសាច់រឿងទាំងមូល ក៏ដូចជារៀបចំការថតពីដើមដល់ចប់រហូតដល់ ១០ឆ្នាំ។
៤. ចម្រៀងដែលបញ្ចូលទៅក្នុងរឿងទាំង ៩ភាគ មានរហូតទៅ ២០បទ មានទាំងភាសាកូរ៉េ និងអង់គ្លេស។ បើសរុបជាសាច់ភ្លេងសរុបមានរយៈពេល ១ម៉ោង ៩នាទី ៤៩វិនាទី។
៥. Squid Game ក្លាយជារឿងភាគកូរ៉េដំបូងគេដែលជាប់ចំណាត់ថ្នាក់លេខ១ នៅលើតារាងមានអ្នកចូលទស្សនាច្រើនបំផុតទាំង ១០ របស់ក្រុមហ៊ុន Netflix នៅសហរដ្ឋអាមេរិក សិង្ហបុរី ហ្វីលីពីន គុយវ៉ែត វៀតណាម និងបណ្ដាប្រទេសជាច្រើនទៀត។
៦. រឿងភាគនេះត្រូវបានគេសម្ភោធធំបំផុតនៅប្រទេសហ្វីលីពីន កាលថ្ងៃទី២២ ខែកញ្ញា ឆ្នាំ២០២១។ ចំណែកតុក្តតាស្រីទំហំយក្សដែលអ្នកបង្ហាញវត្តមានក្នុងភាពយន្តត្រូវបានគេដាក់ដង្ហែគ្នាតាមដងផ្លូវលើដងវិថីស្ទើរពាសពេញរដ្ឋធានីម៉ានី រហូតវាក្លាយជាប្រធានបទក្តៅពេញបណ្ដាញសង្គម។
៧. ចំណងជើង Squid Game បានបំបែកកំណត់ត្រាចំណាត់ថ្នាក់លេខ១ ដែលមានចំនួនអ្នកស្វែងរក (Search) លើវេបសាយច្រើនជាងគេលើពិភពលោកចំនួន ១៩ ៧៩៤ ដងត្រឹមរយៈពេល ១០ថ្ងៃ នៃការចេញផ្សាយ៕
ប្រែសម្រួល៖ សន្យា
ចុចអាន៖ Johnny Dang ជានរណា? មូលហេតុអី្វបទចម្រៀងរ៉េបសព្វថ្ងៃនេះ តែងមានឈ្មោះលោក?
ចុចអាន៖ K-pop ល្អឥតខ្ចោះគ្មានចំណុចទាស់ តែនៅពីក្រោយ គឺទុក្ខលំបាក ដែលគ្មានអ្នកណាដឹងឡើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង