ប៉ូលិសប្តឹងទូរទស្សន៍ KBS2 ដែលបំផ្លាញតំបន់បេតិកភណ្ឌវប្បធម៌ ដើម្បីតែថតរឿងមួយ

របាយការណ៍របស់ប៉ូលិសត្រូវបានគេប្តឹងប្រឆាំងនឹងរឿងភាគរបស់ស្ថានីយ៍ទូរទស្សន៍ KBS2 ដែលមានចំណងជើងថា «The First Night With the Duke» សម្តែងដោយតារាស្រី Seohyun និងតារាប្រុស Taecyeon ពីបទបំផ្លាញតំបន់បេតិកភណ្ឌវប្បធម៌។

កាលពីថ្ងៃទី ០២ ខែមករា ប្រព័ន្ធផ្សព្វផ្សាយបានរាយការណ៍ថាការថតរឿង «The First Night With the Duke» ថ្មីៗនេះត្រូវបានផ្អាកដោយសារតែពាក្យបណ្តឹងទៅសាលាក្រុង Andong។ ស្ថាបត្យករម្នាក់ដែលកំពុងទៅទស្សនាកន្លែងនោះ បានប្រទះឃើញក្រុមអ្នកសំដែងរឿងដែលដំដែកគោលចូលទៅក្នុងផ្នែកខាងក្រៅនៃ Byeongsanseowon Confucian Academy នៅ Andong ដែលជាតំបន់បេតិកភណ្ឌរបស់អង្គការយូណេស្កូតាំងពីឆ្នាំ ២០១៩ ហើយបានត្អូញត្អែរអំពីឧប្បត្តិហេតុនេះភ្លាមៗ។ ក្រោយមក KBS បានចេញការសុំទោស និងសន្យាថា នឹងធ្វើការជាមួយទីក្រុងក្នុងកិច្ចខិតខំប្រឹងប្រែងស្តារទីតាំងឡើងវិញ។

ទោះជាយ៉ាងណាក៏ដោយ ការសុំទោសរបស់ KBS មិនបានឆ្លើយតបនឹងការខឹងសម្បាររបស់សាធារណជនចំពោះឧបទ្ទវហេតុនេះ ក្រោយមកនៅថ្ងៃទី ០៣ ខែមករា យោងតាមរបាយការណ៍បានបង្ហាញថា មានជនស៊ីវិលម្នាក់បានរាយការណ៍ទៅប៉ុស្តិ៍នគរបាល Andong​ ប្រឆាំងនឹង KBS ពីបទបំពានច្បាប់បេតិកភណ្ឌជាតិដោយទាមទារឲ្យមានការដាក់ទណ្ឌកម្មយ៉ាងធ្ងន់ធ្ងរទៅលើស្ថានីយ៍ទូរទស្សន៍ KBS2 ។

យោងតាមស្ថាបត្យករដែលបានផ្សព្វផ្សាយឧប្បត្តិហេតុនេះនៅលើបណ្ដាញ SNS ក្រុមអ្នកថតភាពយន្ត បានដំដែកគោលជាច្រើនទៅផ្នែកខាងក្រៅនៃអគារប្រវត្តិសាស្ត្រដើម្បីដំឡើងភ្លើងជុំវិញឲ្យដូចទៅនឹងរឿងដែលពួកគេកំពុងតែឲ្យតួសម្ដែង៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖បង្ហាញខ្លួន៤ថ្ងៃ «Squid Game» វគ្គ២ មានតួសុទ្ធតែតារាជួរមុខ ពេលនេះជាប់លេខ១នៅគ្រប់ប្រទេស