ជីវិតកម្សាន្ដ

«Love Next Door» ក្លាយជាភាពយន្ត Friendzone ផ្ទុះខ្លាំងលើលោក និងជាប់លេខ១ក្នុងប្រទេស ៨

បានផុស

២ years មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

ភាពយន្តប្រភេទ K-drama ដែលមានចំណងជើងថា Love Next Door និងដំណើរការដោយ Netflix នាពេលនេះ វាត្រូវបានប្រព័ន្ធផ្សព្វផ្សាយកូរ៉េខាងត្បូងចាត់ទុកជារឿង Queen Of Tears ថ្មីមួយទៀត ក្រោយជាប់ចំណាត់ថ្នាក់ Global Top 5 លេី Netflix ជុំវិញពិភពលោក។

មិនត្រឹមតែប៉ុណ្ណឹងទេ សាច់រឿងបែប Friendzone កូរ៉េមួយនេះ ក៏ដណ្តើមបានចំណាត់ថ្នាក់លេខ១ នៅក្នុងប្រទេសចំនួន ៨ រួមមាន ប្រេស៊ីល, ហុងកុង, អារ៉ាប៊ីសាអូឌីត, សិង្ហបុរី, វៀតណាម, ម៉ាឡេស៊ី ឥណ្ឌូនេស៊ី និងនីហ្សេរីយ៉ា ព្រមទាំងជាប់ក្នុងតារាង Top10 នៅ ៦៥ ប្រទេសនៅជុំវិញពិភពលោកថែមទៀត ។

Love Next Door កំពុងទទួលបានការសរសើរពីប្រព័ន្ធផ្សព្វផ្សាយអន្តរជាតិជាច្រើនដូចជា The American entertainment outlet Screen Rant និងកាសែត The Straits Times បានសរសេរដូចៗគ្នាថា រឿងភាគកូរ៉េមួយនេះបានបង្ហាញពីភាពខ្លាំងខាងកំប្លែងរបស់តារាស្រី Jung So Min ដែលធ្វើឲ្យជម្លោះរវាងតួអង្គ Seung Hyo និង Seok Ryoo ក្លាយជាឈុតឆាកដ៏ល្អបំផុតនៅសាច់រឿង។ ជាមួយគ្នានេះដែរ វាមិនត្រឹមតែបង្ហាញពីស្នេហាប៉ុណ្ណោះទេ ប៉ុន្តែជាប្រធានបទនៃគ្រួសារ និងចំណងមិត្តភាព រួមជាមួយនឹងការនិទានរឿងរហ័ស និងជាក់ស្តែង ជាហេតុផលសំខាន់ៗសម្រាប់ការទាក់ទាញអ្នកទស្សនាកាន់តែភ្លូកទឹកភ្លូកដី។

ភាពយន្តកូរ៉េ Love Next Door ដែលបានចេញផ្សាយកាលពីថ្ងៃទី ១៧ ខែសីហា បានបរិយាយអំពីចំណងមិត្តភាពកាលពីកុមារភាពដែលមិនអាចបំបែកបានរវាងតួង្គ Choi Seung-hyo (Jung Hae-in) និង Bae Seok-ryu (Jung So-min) ដែលម្តាយរបស់ពួកគេគឺជាមិត្តល្អបំផុត។ សាច់រឿងនេះផងដែរ ក៏បានបង្ហាញពីភាពស្រស់ស្រាយពេលឃើញចំណងមិត្តភាពរវាងម្តាយរបស់ Seok-ryu និង Seung-hyo ។ ឪពុកម្តាយដែលមានមោទនភាព មិនដែលអួតអាង និងប្រៀបធៀបសមិទ្ធផលរបស់កូនពួកគេទេ ប៉ុន្តែនៅក្រោមការឈ្លោះប្រកែកគ្នាឥតឈប់ឈររបស់ពួកគេ គឺការជួយគ្នាទៅវិញទៅមក និងគ្រួសាររបស់ពួកគេដែលមិនផ្លាស់ប្តូរ។

លើសពីនេះទៀតដែរ ទំនាក់ទំនងមិត្តភាពដ៏យូរអង្វែងរបស់ Seok-ryu និង Seung-hyo ត្រូវបានប្រាប់តាមរយៈការរំលឹកឡើងវិញ មិនត្រឹមតែតាមទស្សនៈរបស់ពួកគេប៉ុណ្ណោះទេ ប៉ុន្តែក៏មកពីទស្សនៈរបស់ម្តាយពួកគេផងដែរ។ រឿងនេះក៏និយាយអំពីបញ្ហាសុខភាពផ្លូវចិត្តនៃភាពឯកកោ ភាពតានតឹងក្នុងការងារ សម្ពាធនៃការរស់នៅតាមការរំពឹងទុករបស់ឪពុកម្តាយ ការទទួលយកសង្គម និងការស្វែងរកក្តីសុបិនរបស់នរណាម្នាក់៕