CL ចូលទ្រនំថ្មី ជាមួយតារាល្បីៗដូចជា Dua Lipa

តាមរបាយការណ៍មួយបានបញ្ជាក់ថា តារាចម្រៀងស្រីកូរ៉េខាងត្បូង CL បានចុះកុងត្រាជាមួយទីភ្នាក់ងារគ្រប់គ្រងថ្មី របស់នាង នៅថ្ងៃទី ២១ ខែតុលា ម្សិលមិញ (ម៉ោងក្នុងស្រុក) ។ ការ​ប្រកាស​ជា​ផ្លូវការ​ថា​នេះ គឺ​បញ្ជាក់​ថា CL បាន​ចុះហត្ថលេខា​ជាមួយ TaP Music សម្រាប់​ការគ្រប់គ្រង​ការផ្សព្វផ្សាយ​ទូទាំង​ពិភពលោក​របស់​នាង។

លោក Wendy Ong ដែលជាសហប្រធានសកលរបស់ TaP Music បានកត់សម្គាល់ថា “CL គឺជាកំពូលតារាដ៏គួរ​ឲ្យ​ទាក់ទាញបំផុតមួយរបស់ពិភពលោក ជាមួយនឹងផ្នែកការងារចម្រុះ ដែលធ្វើឲ្យយើងទាំងអស់គ្នា​ចង់បានកាន់តែច្រើន និង​មានស្មារតី​ឯករាជ្យយ៉ាងខ្លាំងក្លា ដែល​សក្ដិសម​នឹង​ខ្លួនយើង។ ខ្ញុំពិតជាមានមោទនភាពណាស់ ហើយមានកិត្តិយសក្នុងការ​ស្វាគមន៍ CL មក​កាន់តន្ត្រី TaP ​យើងទន្ទឹងរង់ចាំជួយនាង ពង្រីក​អ្នកគាំទ្រ​ទូទាំង​ពិភពលោករបស់នាងផងដែរ។

ទន្ទឹមនឹងនោះ CL បាន​បញ្ចេញ​មតិ​ថា “ខ្ញុំ និងក្រុមរបស់ខ្ញុំ Very Cherry និង​រំភើប​ចិត្តដែល​បានចាប់ដៃគូជាមួយ TaP ។ ខ្ញុំពិតជារំភើបក្នុងការចែករំលែកគំនិតជាមួយ Wendy Ong ហើយទន្ទឹង​រង់ចាំការជំរុញព្រំដែន​ជាមួយគ្នា” ។

គួរ​បញ្ជាក់​ផង​ដែរ​ថា​ បញ្ជីឈ្មោះតារារបស់ TaP Music បច្ចុប្បន្ន​រួមមាន​សិល្បករ​ល្បីៗ​ដូចជា Dua Lipa, Lana Del Rey, Ellie Goul ding, Hailee Steinfeld និង​តារា​ច្រើន​ទៀត។

កាលពីដើម​សប្តាហ៍​នេះ CL បានចេញអាល់ប៊ុមពេញប្រវែង​ដំបូងរបស់​នាង ដែលទន្ទឹងរង់ចាំ​ជាយូរមកហើយ “ALPHA” និង​បទដែលមានចំណងជើងថា “Tie a Cherry” ។

ទស្សនាវីដេអូចម្រៀងថ្មីនៅទីនេះ!

ប្រែសម្រួល៖ សាង ស្រីល័ក្ខ

ចុចអាន៖“ SPICY” បទចម្រៀងថ្មី CL ឈរនៅលើចំណាត់ថ្នាក់កំពូលរបស់ iTunes នៅក្នុងប្រទេស កម្ពុជា
​