សុខ ពីសី បង្ហាញមូលហេតុ ត្រូវបង្ខំចិត្តនៅតែ​ក្នុងផ្ទះមិន​ចេញ​ក្រៅ

ខណៈពេលជំងឺកូវីដ-១៩ បានផ្ទុះឡើង​កំពុង​បង្ក​ក្ដី​ព្រួយបារម្ភ​ដល់មហាជន និងប្រ​ជាពលរដ្ឋខ្មែរ​ទូទាំង​ប្រ​ទេស​នោះ សម្រាប់តារាចម្រៀងស្រីកញ្ញា សុខ ពិសី ក៏បានបង្ហា​ញពីអា​រម្មណ៍ព្រួយចិត្តខ្លាំងចំពោះបញ្ហាជំងឺ​ដ៏កាចសាហាវមួយនេះ។ម្យ៉ាងទៀតនាងក៏បានបញ្ជា​ក់ថា ដើ​ម្បីការពារ និង សុវត្ថិភាពផ្ទាល់ខ្លួន គឺអំឡុង​ពេល​នេះ នាងត្រូវតែបង្ខំចិត្តនៅតែក្នុងផ្ទះដោយមិនចេ​ញទៅក្រៅឡើយ។

ប្រាប់កម្ពុជាថ្មី តាមរយៈសាអេឡិចត្រូនិក ​​កញ្ញា សុខ ពិសី បានឲ្យដឹងថា អំឡុងពេលផ្ទុះ​ឡើងជាថ្មីនូវជំងឺ​កូវីដ​-១៩នេះ សម្រាប់ការងារសិ​ល្បៈត្រូវបានផ្អាកជា​បណ្ដោះអាសន្ន​ទាំងលើ​ឆាក​ទូរទស្សន៍​និង​កម្មវិធី​ ប្រគំតន្ត្រី​នានា​នៅតាម​បណ្ដា​ខេត្តផងដែរ ប៉ុន្តែសព្វថ្ងៃក៏មានការមមាញឹកខ្លះៗ​ជាមួយការងារផ្ទាល់​ខ្លួនដែរ​(គ្រឿង​ស​ម្អា​ង)។

តារា​ចម្រៀង​កញ្ញា សុខ ពិសី បានបន្តទៀតថា ដើម្បីចូលរួមទប់ស្កាត់ជំងឺកូវីដ-១៩ តាមការណែរនាំរបស់​រាជរដ្ឋាភិបាល​កម្ពុជា និងក្រសួងសុខាភិបាល គឺរាល់ថ្ងៃនាងត្រូវតែប្រកាន់​ភ្ជាប់នូវអនាម័យគ្រប់ពេល​វេលា​ហើយជាពិសេសនោះត្រូវកាត់ផ្តាច់រាល់ការជួបជុំគ្នាច្រើន។ជាមួយគ្នានេះកញ្ញា សុខ ពិសី ក៏បានអំពាវ​នាវ​ឲ្យប្រជាពលរដ្ឋខ្មែរទាំងអស់ ត្រូវមានការ​ប្រុងប្រយ័ត្ន​ និងការពារខ្លួនខ្ពស់ពីការឆ្លងជំងឺកូវីដ-១៩។

សូមបញ្ជាក់ថា តារាស្រីកញ្ញា សុខ ពិសី ដើម្បីតបតាមការអំពាវនាវរបស់ប្រមុខរាជរដ្ឋាភិបាល​កម្ពុ​ជា សម្តេច​តេជោ ហ៊ុន សែន នាយករដ្ឋមន្រ្តី នាងក៏បានចូលរួម​បរិច្ចាគ​ថវិកា​ផ្ទាល់ខ្លួន​ចំនួន៣ពាន់ដុល្លារ​ក្នុងការទិញ​វ៉ាក់​សាំងការពារជំងឺ-១៩ ចាក់ជូនប្រជាពលរដ្ឋខ្មែរផងដែរ៕

អត្ថបទ ៖ ចាន់រ៉ា