ជីវិតកម្សាន្ដ
អ៊ីវ៉ា រម្លឹកទាំងទឹកភ្នែកហូររហាមហើយផ្តាំផ្ញើដល់កូនៗទាំងអស់បើមានឱកាសត្រូវសងគុណឪពុក-ម្តាយ
ភ្នំពេញ ៖ ជាការពិតណាស់សម្រាប់តារាចម្រៀងស្រីសាច់សខ្ចីដូចពងមាន់បក កញ្ញា អ៊ី វ៉ា បើគិតរហូតមកដល់ពេលនេះនាងបានរស់នៅក្លាយជាកូនកំព្រាដោយបាត់បង់នូវភាពកក់ក្តៅពីអ្នកម្តាយជាទីស្រលាញ់មានរយៈប្រមាណជា៧ឆ្នាំមកហើយ ក្រោយពេលអ្នកម្តាយរបស់នាងបានចែកឋានទៅទាំងអាឡោះអាល័យជាពន់ពេក។
តាមការកត់សម្គាល់ថ្វីត្បិតតែសព្វថ្ងៃតារាចម្រៀង អ៊ីវ៉ា បានឃ្លាតចាកឆ្ងាយពីម្តាយមានរយៈពេលច្រើនឆ្នាំទៅហើយក្តី តែតារាស្រីរូបនេះនៅតែបង្ហាញពីអារម្មណ៍នឹកអាល័យចំពោះអ្នកមានគុណ(ម្តាយ)ជានិច្ច។ ម្យ៉ាងទៀតនាងតែងតែបង្ហាញចេញនូវអារម្មណ៍មិនសប្បាយចិត្តភ្ជាប់នឹងទឹកភ្នែកស្រក់ហូរដោយពុំដឹងខ្លួនឲ្យតែរម្លឹក ឬ នឹកឃើញដល់អ្នកម្តាយរបស់ខ្លួនពេលណាម្តងៗនោះ។
ស្របពេលជាមួយគ្នានេះ គ្រាដែលនិយាយឬរម្លឹកដល់អ្នកម្តាយតារាចម្រៀងមានដើមកំណើតមកពីទឹកដីខេត្តកំពង់ស្ពឺកញ្ញា អ៊ីវ៉ា បានពោលពាក្យទាំងទឹកភ្នែកហូរហាមថា សម្រាប់អ្នកមានគុណទាំងពីររបស់នាងគឺជាកម្លាំងចិត្តជាអ្នកមើលថែជាអ្នកផ្តល់ប្រឹក្សាជានិច្ច។ ប៉ុន្តែតាំងពីបាត់អ្នកម្តាយរួចមកប្រៀបដូចបាត់ដៃម្ខាងអញ្ចឹង អារម្មណ៍ពេលនេះពិតជានឹករឭកសោកស្តាយនិងអាណិតអ្នកម្តាយខ្លាំងណាស់។
លើកពីនេះទៅទៀត តារាស្រីកញ្ញា អ៊ីវ៉ា ក៏បានថ្លែងសារពីអារម្មណ៍របស់ខ្លួនដើម្បីដាស់ស្មារតីចំពោះកូនៗឯទៀតដែរថា បើអ្នកទាំងអស់គ្នានៅមានឱកាសចូលមើលថែ យកចិត្តទុកដាក់ជាមួយអ្នកមានគុណទាំងពីរចៀសវាងមានការសោកស្តាយដូចនាងខ្ញុំ មិនទាន់បានសងគុណគាត់នៅឡើយទេ។
គួររម្លឹកថា ម្តាយរបស់តារាចម្រៀងវ័យក្មេងប្រចាំផលិតកម្មសាន់ដេកញ្ញា អ៊ីវ៉ា មានឈ្មោះថា អ្នកស្រី ភួង សុខា បានទទួលមរណភាពនៅក្នុងអាយុ៤២ឆ្នាំទាំងមិននឹកស្មានដល់ដោយរោគាពាធកាលពីអំឡុងដើមខែធ្នូ ឆ្នាំ២០១៣ដែលធ្វើឲ្យតារាចម្រៀងរូបនេះ ក្រុមគ្រួសារ និងមិត្តភក្តិក្នុងសិល្បៈទួញសោកអាល័យយ៉ាងខ្លាំង៕
ដោយ ៖ ចាន់រ៉ា
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ