នាយ ក្តឹប ទទួលបាន​ថវិកា​ឧបត្ថម្ភ​ពីស​ម្តេច​តេ​ជោ ហ៊ុន សែន ដើម្បី​ដោះបំណុល​ជំពាក់​គេ​

តារា​កំប្លែង​ជើងចាស់​មាន​ប្រជាប្រិយភាព​នាយ ក្តឹប និង​ភរិយា​ពេលនេះ​ត្រូវ​បាន​សម្ដេច​តេ ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន​រ៉ានី ហ៊ុន សែន ឧបត្ថម្ភ​ថវិកា​ប្រមាណ​ជាង​៣​ពាន់​ដុល្លារ​ដើម្បី​សងបំណុល​គេ​។​

ការឧបត្ថម្ភ​ពី​សំណាក់​ស​ម្តេច​ទាំង​ទ្វេរ ​គឺ​ធ្វើឡើង​បន្ទា​ប់​ពី​មើល​ឃើញ​ក្តី​អាណិតអាសូរ​និង​ការ​លំបាក​របស់​ក្រុម​គ្រួសារ​នាយ ក្តឹប ដែល​កំពុង​ខ្វះខាត​ ហើយ​ជំពាក់​បំណុល​ថ្លៃ​ទិញ​កង់​បី​ឲ្យ​កូនប្រុស ​ប៉ុន្តែ​ជា អកុសល​ក៏​ត្រូវ​ជួប​គ្រោះថ្នាក់​ចរាចរណ៍​(​កូនប្រុស​) បណ្តា​ល​ឲ្យ​ស្លាប់​កាលពី​ថ្មីៗ​កន្លង​ទៅនេះ​។​ចំពោះ​ថវិ​ការ​ឧបត្ថម្ភ​របស់​ស​ម្តេច​តេ​ជោ ហ៊ុន សែន ដល់​ក្រុម​គ្រួសារ​នាយ ក្តឹប នេះ​ បាន​ធ្វើឡើង​តាមរយះ​សមាគម​សិល្បករ​ខ្មែរ​។​

អ្នកនាង ច​ន ច័ន្ទ​លក្ខិណា បាន​ថ្លែង​បញ្ជាក់​ថា ​សូម​គោរព​ថ្លែង​អំ​ណរ​គុណ​សម្ដេច​តេ​ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន បាន​ឧបត្ថម្ភ​ថវិកា“៣, ៤៧៤​ដុល្លារ​” តាមរយៈ “​មូល​និធិ​សិល្បករ​ចាស់​ជរា​” ដើម្បី​សងបំណុល​ជំនួស​តារា​កំប្លែង នាយ​ក្ដឹប ដែល​កូនប្រុស​គាត់​បាន​ខ្ចី​ទិញ​កង់​បី​រត់​ដើម្បី​ផ្គត់ ផ្គង់​ជីវភាព តែ​ជា​អកុសល​កូនប្រុស​របស់​គាត់​ក៏ បាន​ជួប​គ្រោះថ្នាក់​ចរាចរណ៍​រហូត​ស្លាប់​បាត់បង់ជីវិត​ហើយ​បន្ទុក​ធ្លាក់​ម​កលើ នាយ​ក្ដឹប វិញ​។​

អ្នកនាង ច​ន ច័ន្ទ​ល​ក្ខិណា បាន​ប​ន្ថែមទៀតថា ​សូម​បួងសួង​ទេវតា​និង​វត្ថុ​ស័ក្ដិ​សិទ្ធ​តាម​ជួយ​ថែរក្សា​«​សម្តេច​ទាំងពីរ​ដ៏​ខ្ពង់ខ្ពស់​» និង​ក្រុម​គ្រួសារ​ឲ្យ​មាន​សុខ​ភា​ពល្អ ជន្មាយុ​យឺនយូរ ដើម្បី​ជា​ម្លប់​ដល់​កូន​ចៅ​សិល្បករ​សិ​ល្បការិនី និង​ប្រជាពលរដ្ឋ​ខ្មែរ​ទាំង​អស់ ។

សមាគម​ក៏​សូម​គោរព​ថ្លែងអំណរគុណ​ដល់​ស​ប្បុរ​សជន​ទាំងអស់​ដែល​បាន​ជួយឧបត្ថម្ភ​ដល់ «​មូល​និធិ​សិល្បករ​ចាស់ជរា​» ជាពិសេស​សូម​គោរព​ថ្លែងអំណរគុណ​ដល់​ស​ម្តេច​តេ​ជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ដែល​បាន​ឧ​ប ត្ថ​ម្ភ​ថវិកា៥​ម៉ឺន​ដុល្លារ ក្នុង​១​ឆ្នាំ ក្នុង​រយ​:​ពេល ៥​ឆ្នាំ​៕

អត្ថបទ ៖ ចាន់​រ៉ា​

​