ជីវិតកម្សាន្ដ

ក្រោយធ្លាយថា Weir ត្រៀមនឹងរៀបការឆាប់ៗ អ្នកគ្រប់គ្រងចេញមុខឆ្លើយតបភ្លាម

បានផុស

៣ years មុន

នៅ

ថ្ងៃសុក្រ ២៤ មិថុនា ២០២២

ដោយ

ក្រោយម្ដាយរបស់ Weir Sukollawat បានបង្ហោះមុខគូស្នេហ៍កូនប្រុសជាសាធារៈរួចមក វាបានក្លាយជាប្រធានបទក្ដៅមួយទៀតដែល កំពុងពេញនិយមខ្លាំងក្នុងពិភពបណ្ដាញសង្គម។ ខណៈមានពាក្យចចាមអារ៉ាមថា តារាប្រុសរូបនេះមានគម្រោងរៀបការក្នុងពេលឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ Nine Entertainment ដែលមានអ្នកគ្រប់គ្រងផ្ទាល់ខ្លួនរបស់ Weir ចេញមកឆ្លើយតបនឹងពាក្យចចាមអារ៉ាមដែលថា លោកកំពុងត្រៀមការមែនឬអត់? ប៉ុន្តែអ្នកគ្រប់គ្រងមិនបានទទួលយក ឬបដិសេធ គ្រាន់តែនិយាយថា យើងមិនបាននិយាយពីរឿងផ្ទាល់ខ្លួនរបស់ Weir នោះទេ។ យើងគិតតែពីការងារ ចំពោះរឿងផ្ទាល់ខ្លួន វាជាការប្រសើរសម្រាប់ Weir ឆ្លើយដោយខ្លួនឯង។

ទន្ទឹមនោះពេលសួរថា តើ Weir ដឹងព័ត៌មានបច្ចុប្បន្នអំពីខ្លួននិងមិត្តស្រីឬអត់? អ្នកគ្រប់គ្រងដដែលនេះបាននិយាយថាគាត់មិនដឹងទេ ព្រោះមិនបាននិយាយពីរឿងផ្ទាល់ខ្លួន ហើយបញ្ជាក់ថា ចាំ Weir ឆ្លើយខ្លួនឯងសិនទើបប្រសើរ។

លើសពីនេះ ក្នុងពេលដែលកំពុងតែមានពាក្យចចាមអារ៉ាម អ្នកគាំទ្របាននាំគ្នាជីកកកាយពីមនុស្សស្រីដែលម្ដាយរបស់ Weir បានបើកបង្ហាញថា នាងមានឈ្មោះ Vicki បានបញ្ចប់ថ្នាក់អនុបណ្ឌិតពីក្រៅប្រទេស និងជាអតីតពិធីការនីអាកាសចរពហុភាសា។ ចំណែកបច្ចុប្បន្ននេះ នាងជានាយកប្រតិបិត្តក្រុមហ៊ុនឯកជនមួយផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ទីបំផុត មិត្តប្រុសតួឯកស្រីក្នុងរឿង “សត្រូវមិត្ត” ប្រកាសសុំនាងរៀបការជាសាធារណៈ

ចុចអាន៖ក្រោយផ្ទុះការរិះគន់ដដែលៗ តារាសិចស៊ី ថៃ ចេញមុខបកស្រាយលើបទ “MAKE IT RAIN ( MONEY )”