ចូលរោងការស្អែក កូនក្រមុំ Weir បញ្ចេញរូប Pre-Wedding បន្ថែម

ស្របពេលដែលថ្ងៃពិសេសឈានមកដល់ស្អែកនេះ កូនក្រមុំរបស់ Weir បញ្ចេញរូបថត Pre-Wedding ជាច្រើនសន្លឹកបន្ថែម ភ្ជាប់ជាមួយខេបសិនបង្ហាញពីក្ដីរំភើប និងភាពសប្បាយរីករាយរបស់ខ្លួន មហាជនឃើញហើយ នាំគ្នាជួយអបអរសាទរព្រោងព្រាត។

ប្រិយមិត្តតាមដានសារព័ត៌មាន កម្ពុជាថ្មី បានដឹងរួចមកហើយថា ថ្ងៃមង្គលរបស់កូនក្រមុំអភិជន Vicky និងតារាប្រុស Weir Sukolwat នឹងចាប់ផ្ដើមនៅទីអាទិត្យ ទី១៧ ខែកក្កដា ឆ្នាំ២០២២នេះ នៅឯសណ្ឋាគារ Kha Pella Bangkok ក្នុងរាជធានីបាងកក ក្រោយគូស្នេហ៍នេះ បានភ្ជាប់ពាក្យកាលពីប៉ុន្មានសប្ដាហ៍មុន។

ខណៈអាពាហ៍អាពាហ៍នឹងប្រារព្ធនៅថ្ងៃស្អែក កូនក្រមុំរបស់ Weir បានបង្ហាញពីអារម្មណ៍រំភើបរបស់ខ្លួន ដោយបង្ហោះរូបថត Pre-Wedding យ៉ាងផ្អែមល្ហែម ធ្វើឱ្យអ្នក​ប្រើ​បណ្ដាញ​សង្គម​ថៃ នាំគ្នាសម្រុក​ចុច Like រាប់សិបពាន់នាក់ និងផ្ញើពាក្យជូនពរយ៉ាងច្រើនកុះករ។

ក្នុងខេបសិន Vicky Peemonya បានសរសេរជាភាសាអង់គ្លេសថា “R U Reddy? (តើអ្នកត្រៀមខ្លួនឬនៅ?)។ តាមរយៈខេបសិនមួយឃ្លានេះ អ្នកគាំទ្រអាចស្មានដឹងថា កូនក្រមុំរំភើបចិត្តប៉ុនណា ព្រោះថាពិធីនេះជាពិធីដ៏មានអត្ថន័យចំពោះមនុស្សស្រីជាច្រើន ក្នុងនោះរួមទាំង Vicky ផងដែរ៕

ប្រែសម្រួល៖ សន្យា

ចុចអាន៖ Weir ដឹកដៃ Vicky និងម្តាយទៅធ្វើបុណ្យ មុនថ្ងៃអាពាហ៍ពិពាហ៍ជិតមកដល់

ចុចអាន៖​ កៀកថ្ងៃរៀបការ អនាគតកូនក្រមុំ Vicki ដាក់ Pre Wedding មួយសន្លឹក អមខេបសិនមិនធម្មតា