ជីវិតកម្សាន្ដ

អំណោយដែលប៉ុស្តិ៍លេខ ៧ ផ្ញើដល់ផ្ទះ ដល់ថ្នាក់ត្រូវ Weir ថតបង្អួតអ្នកគាំទ្រ

បានផុស

១១ ខែ មុន

នៅ

ថ្ងៃអង្គារ ២៥ មេសា ២០២៣

ដោយ

Weir Sukollawat ជាតារាប្រុសដែលស្ថិតក្នុងទ្រនំនៃប៉ុស្តិ៍លេខ៧ថៃអស់រយៈពេលជាយូរណាស់មកហើយ បើទោះបីជាពេលនេះលោកបានរៀបការមានភរិយា ប៉ុន្តែប្រជាប្រិយភាពមិនបានបាត់ទៅណានោះទេ មានតែអ្នកគាំទ្រជាច្រើនតាមដាននិងលើកទឹកចិត្តជានិច្ច។

ដោយឡែកកាលពីព្រឹកមិញនេះ តារាប្រុស Weir បានបង្ហាញអំណោយដែលប៉ុស្តិ៍លេខ៧ ផ្ញើជូនដល់គេហដ្ឋានរបស់លោក ខណៈវាគឺជានំខេកមានការតុបតែងជាច្រើនមុខ មានទាំងរូបភាពមុខរបស់កូនស្រី និងភរិយាសំណព្វចិត្តរបស់លោក ផងដែរ។ តាមរយៈការបង្ហោះនេះ Weir បានសរសេរ caption យ៉ាងផ្អែមល្ហែមថា “សូមអរគុណ Channel 7HD ដែលបានផ្ញើអំណោយដ៏គួរឲ្យស្រឡាញ់ដល់ផ្ទះរបស់ខ្ញុំ គ្រួសាររបស់យើងកក់ក្តៅបំផុត”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកក៏មានអ្នកគាំទ្រជាច្រើនបានបញ្ចេញមតិថា នេះគឺជាអំណោយដ៏គួរឲ្យស្រលាញ់ណាស់! មានទាំងភរិយា Vicky និងកូនស្រីជាទីស្រលាញ់ថែមទៀត។ ស្របពេលដែលមហាជនខ្លះបានថា ប៉ុស្ដិ៍លេខ៧ គួរឲ្យស្រលាញ់ណាស់មានអំណោយដ៏ឃ្យូតៗផ្ញើរមកកាន់លោក ត្បិតថាខានសម្ដែងជាមួយប៉ុស្ដិ៍យូរក្ដី។ នេះបង្ហាញពីការយកចិត្តទុកដាក់ខ្លាំងចំពោះតារាប្រុស Weir ណាស់៕