Weir ប្រកាសវិលចូលសិល្បៈវិញ ក្រោយផ្អាកមើលថែប្រពន្ធកូនមួយឆ្នាំ

ឃ្លាតឆ្ងាយ​ពី​​វិស័យ​សិល្បៈ​មួយឆ្នាំ តារាសម្ដែង Weir Sukollawat ប្រកាសចូលវិលធ្វើការវិញហើយ ដែលព័ត៌មាននេះធ្វើឱ្យហ្វេនៗរបស់លោកសម្ដែងក្ដីរំភើប និងបញ្ចេញមតិស្វាគមន៍ប៉ាៗថ្មោងថ្មីព្រោងព្រាត។

បន្ទាប់ពីរៀបការជាមួយ Vicky Phimonya និងមានកូនស្រីច្បងជាមួយចំណងដៃអាយុជាង ៦ខែ តារាសម្ដែង Weir ត្រៀម​ត្រឡប់​ចូល​ប្រឡូក​ក្នុង​វិស័យ​សិល្បៈ​វិញ​ហើយ ត្បិតទាំងភរិយានិងកូនស្រី សុទ្ធតែមានសុខភាពរឹងទាំងអស់គ្នា។

តាមរយៈការចែករំលែកនៅលើគណនី Instagram តារាប្រុសប្រុសវ័យ ៣៨ឆ្នាំរូបនេះ បានបង្ហោះរូបភាពពេលកំពុងបើកបរ ភ្ជាប់នឹងការសរសេរសារដែលមានន័យថា លោកពុងត្រឡប់ចូលធ្វើការវិញឆាប់ៗខាងមុខ។ បន្ទាប់ពីទទួលដំណឹងនេះ អ្នកគាំទ្ររបស់លោកបានសម្ដែងក្ដីត្រេកអរ ព្រមទាំងនាំគ្នាអបអរសាទរ និងស្វាគមន៍ Weir ក្នុងការវិលចូលពិភពកម្សាន្តវិញ៕

ប្រែសម្រួល៖ សន្យា

ចុចអាន៖ មិនទាន់ធំផង Weir កំណត់អាយុឱ្យកូនស្រីមានមិត្តប្រុសបាត់

ចុចអាន៖ អ្នកគាំទ្រសរសើរ Bella ពេញៗមាត់ ក្រោយឃើញនាងជ្រះថ្លានឹងសីលទាន