នី រតនា សម្រេចបំណងធំនៅទឹកដីស្រុកកំណើតក្នុងរដូវភ្ជុំបិណ្ឌ

លោក នី រតនា ដែលជាតារាចម្រៀងវ័យក្មេងមានដើមកំណើតមកពីទឹកដីនៃខេត្តកំពង់ធំ បានបង្ហាញអារម្មណ៍រំភើបនិងសប្បាយរីករាយខ្លាំងបន្ទាប់ពីលោកព្រមទាំងក្រុមគ្រួសារបានសម្រេចបំណងធំរបស់ខ្លួននារដូវភ្ជុំបិណ្ឌឆ្នាំនេះ។

សម្រាប់បំណងធំដែលតារាចម្រៀងលោក នី រតនា បានសម្រេចនាពេលនេះ គឺការធ្វើបុណ្យចែកទានដល់បងប្អូនប្រជាពលរដ្ឋដែលរស់នៅឯស្រុកកំណើតរបស់ខ្លួន។ លោក នី រតនា បានបញ្ជាក់ថា បំណងនេះលោកធ្លាប់សន្យាខ្លួនឯងថាពេលរកស៊ីបានធូធារពេលណាលោកនឹងធ្វើបុណ្យចែកទានដល់អ្នកស្រុកដែលជួបការខ្វះខាត និងចាស់ៗជាដើម។

បង្ហោះភ្ជាប់រូបភាពជាច្រើនសន្លឹកនៅលើទំព័រហ្វេសប៊ុករបស់ខ្លួនលោក នី រតនា បានរៀបរាប់ខ្លឹមសារដូច្នេះថា «បំណងប្រាថ្នាថាបើបានធូរធារពេលណា ជួយដល់អ្នកស្រុករបស់ខ្ញុំ។ ឆ្នាំនេះធ្វើបានសម្រេចហើយ! ថ្ងៃ២០-០៩-២០២២ បានទាំងកាន់វេនបិណ្ឌនៅវត្តបន្ទាយស្ទោង បានទាំងចែកទានដល់ទុរគតជន៥០គ្រួសារ។ ទឹកចិត្តបន្តិចបន្តួចនេះសង្ឃឹមថាអាចសម្រាលបន្ទុករបស់ពួកគាត់បានខ្លះ។ សូមជូនបុណ្យកុសលដល់បងប្អូនទាំងអស់គ្នាស្មើៗគ្នាផង»។

តាមរយ:សកម្មភាពសប្បុរសធម៌នារដូវបុណ្យភ្ជុំបិ ណ្ឌនេះតារាចម្រៀងលោក នី រតនាកាន់តែបង្ហាញឲ្យមហាជននាំគ្នាទ្រនិងសរសើរចំពោះសកម្មភាពរបស់លោកព្រមទាំងភរិយា។ជាការពិតតារាចម្រៀ ង នី រតនា  គេកត់សម្គាល់ឃើញថាក្នុងឱកាសបុ ណ្យភ្ជុំបិណ្ឌឆ្នាំនេះលោកនិងភរិយាព្រមទាំងកូន ស្រីបណ្តូលចិត្តតែងបង្ហាញពីសកម្មភាពធ្វើបុណ្យនៅតាមទីវត្តអារាមមួយចំនួនជួបជុំក្រុមគ្រួសារដោ យចិត្តជ្រះថ្លាផងដែរ៕

អត្ថបទ៖ ចាន់រ៉ា