បវរកញ្ញា ​Engfa យំសស្រាក់ ​ពេលនិយាយដល់រឿងខ្លួនឯង អត់ចេះភាសាអង់គ្លេស

បន្ទាប់ពី Engfa Waraha បវរកញ្ញា Miss Grand ថៃ ឆ្នាំ២០២២ បានទៅដល់ប្រទេសឥណ្ឌូនេស៊ី ដើម្បីចូលរួមកម្មវិធីប្រកួត Miss Grand International 2022 នាងមានឱកាសទទួលទានអាហារល្ងាចពិសេស ក្រោយពេលជាប់ជាបេក្ខភាពកំពូលទាំង១០ ឬ “Top 10 Pre-Arrival” ដែលបោះឆ្នោតគាំទ្រពីប្រជាជនថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយញ៉ាំអាហាររួច គ្រប់គ្នាត្រូវបានផ្ដល់ឱកាសឱ្យនិយាយពីចំណាប់របស់ខ្លួនប៉ុន្មាននាទី​ ដែលពេលនោះ Engfa បាននិយាយពីទេពកោលសល្យរបស់នាង ហើយក៏រំឭកដល់ការនិយាយភាសាអង់គ្លេស ស្រាប់តែនាងយំសស្រាក់តែម្ដង។

បវរកញ្ញា Engfa ប្រាប់ថា នាងជាមនុស្សមានទេពកោសល្យខាងចម្រៀងតាំងពីកុមារភាព ហើយនាងសុបិនចង់ក្លាយជាតារាចម្រៀងមួយរូប ព្រមទាំងចង់ក្លាយជាបវរកញ្ញាផងដែរ។ យ៉ាងណាមិញសម្រាប់ក្ដីស្រមៃជាបវរកញ្ញា ​នាង​គ្មានភាពជឿជាក់​គ្រប់គ្រាន់ឡើយ ហើយវាមិនមែនដោយសារសម្រស់នោះទេ ប៉ុន្តែដោយសារភាសាអង់គ្លេសរបស់នាងមិនល្អ។

ទោះយ៉ាងណា បវរកញ្ញាវ័យ ២៤ឆ្នាំរូបនេះបានផ្លាស់ប្តូរការគំនិត ដោយព្យាយាមគិតវិជ្ជមានថាខ្លួនអាចធ្វើបាន រហូតដល់ថ្ងៃដែលនាងចូលប្រឡង Miss Grand Thailand នាងក៏អាចដណ្ដើមជយលាភីលើបេក្ខភាពបវរកញ្ញាជាច្រើនរូបទៀត។

និយាយដល់ត្រឹមណេះ Engfa ស្រាប់តែយំខ្លាំងៗ សម្រួលអារម្មណ៍បន្តិចទើបនាងបន្តអរគុណបវរកញ្ញាមកពីបណ្ដាប្រទេសផ្សេងៗដែលតែងតែលើកទឹកចិត្តនាង និងប្រាប់នាងកុំឱ្យបារម្ភ ព្រោះអាចនិយាយភាសាអង់គ្លេសបាន ហើយទីបំផុតនាងក៏ព្យាយាមនិយាយជាមួយពួកគេ បើទោះបីជារដាក់រដុបបន្តិច តែនាងមានមោទកភាពលើខ្លួនឯង៕

ប្រែសម្រួល៖ សន្យា

ចុចអាន៖ មុនទៅប្រកួតលើឆាកអន្តរជាតិ បវរកញ្ញា Engfa ឈ្នះពានរង្វាន់ពិសេសមួយ

ចុចអាន៖ មិនធ្លាប់មានក្នុងវិស័យម៉ូដ ប្រើស្ព្រៃយ៍បាញ់លើរាងកាយ បង្កើតជារ៉ូបយ៉ាងស្រស់ស្អាត (មានវីដេអូ)