ជីវិតកម្សាន្ដ

អឿន ម៉ូលីកា ប្រកាសក្ស័យធន ក្រោយកូនតុងទីន បោក និងរត់ចោល

បានផុស

១ year មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

តារាចម្រៀង និងជាមេតុងទីនដ៏ល្បីឈ្មោះអ្នកនាង អឿន ម៉ូលីកា មួយរយៈចុងក្រោយនេះ ហាក់ជួបរឿងរ៉ាវផ្ទួនៗគ្នាតែម្ដង ពោលគឺអស់ពីបញ្ហាមួយចូលដល់មួយទៀត។ ខណៈមុននេះ នាងបានប្រកាសពីដំណឹងដ៏ភ្ញាក់ផ្អើល គឺការក្ស័យធន ក្រោយកូនតុងទីនបោក និងរត់ចោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញបញ្ហានេះក៏ត្រូវបានសាមីខ្លួន ម៉ូលីកា រៀបរាប់ជាសាធារណៈថា ទោះកូនរត់ កូនបោក កូនបន្លំ កូនមិនមានទំនួលខុសត្រូវសងលុយខ្ញុំមកវិញ ខ្ញុំនៅតែនិយាយពាក្យដដែលថា នឹងនៅរកលុយសងកូនៗរងគ្រោះទាំងអស់មិនឲ្យបាត់សូម្បី ១ ដុល្លារឡើយ ខ្ញុំសុខចិត្តលក់ឡានលក់របស់របរសងទាល់តែអស់ ហើយនៅថាខ្ញុំបោកទៀតមែនទេ ហើយខ្ញុំមិនសុំអ្វីច្រើនពីបងប្អូនឡើយ សុំត្រឹមទុកពេលឲ្យខ្ញុំរកពីចំណុចសូន្យមកវិញ ដើម្បីសងបងប្អូនដែលមិនទាន់បានលុយ ហើយបងប្អូនអាចមកធ្វើឯកសារបានដើម្បីទំនុកចិត្ត។

អ្នកនាង អឿន ម៉ូលីកា បានបន្តទៀតថា មនុស្សណាដែលចង់បានជីវិតធ្លាក់មកដល់ចំណុចនឹង គឺគ្មានទេ មនុស្សណាដែលចង់ឲ្យគេបោក មនុស្សណាដែលខំសាងកេរ្តិ៍ឈ្មោះបានដល់ចំណុចនេះហើយ ក៏ត្រូវមកក្លាយជាបែបនេះ គ្មាននរណាចង់បានជីវិតបែបនេះទេ គ្មាននរណាចង់ខុសទេ អ៊ីចឹងសូមបងប្អូនអនុគ្រោះឈប់បន្តការជេរ ការវាយប្រហារ ការផុសចំពោះរូបខ្ញុំទៀតផងចុះ។ ខ្ញុំក្ស័យធននិងតុងទីននឹងអស់ហើយ ហើយមិនបានបោកបងប្អូនណាទេ បើមិនជឿ អាចមកឆែកកុង ABA និងឆែកមើលបានថា ខ្ញុំសល់អីខ្លះនៅពេលនេះ បាត់បង់អ្វីខ្លះនៅពេលនេះ។

តារាស្រីរូបនេះលើកឡើងដោយអះអាងថា នាងក៏ជាជនរងគ្រោះម្នាក់ដែរ ក្នុងនោះនាងសង្កត់ធ្ងន់ដូច្នេះថា សួរថាលុយបាត់ទៅណាអស់ គឺលុយកូនដេញហើយរត់មិនបង់ កូនបន្លំABA edit ABA ហើយនាងនឹងមិនឲ្យពួកគេរួចខ្លួនដែរ ព្រោះនាងនឹងចាត់ការតាមច្បាប់ទារពួកគេឲ្យបាន ឲ្យអស់ ដើម្បីបានលុយមកឲ្យកូនតុងទីនលឿន។