ជីវិតកម្សាន្ដ
ម្ដាយចែកឋានជិត ២ ខែ ! សឿ សុធារ៉ា ទម្លាយការឈឺចាប់រយៈពេល ១១ ខែ មិនបានជួបមុខអ្នកម្ដាយ
បន្ទាប់ពីអ្នកម្ដាយជាទីស្រឡាញ់បានចែកឋានទៅរយៈពេលជិត ២ ខែកន្លងទៅនេះ តារាសម្ដែង សឿ សុធារ៉ា គេសង្កេតឃើញថា នាងហាក់នៅមានស្មារតីមិនប្រក្រតីនោះឡើយ ហើយបានទៅរស់ដោយស្ងប់ស្ងាត់នៅក្នុងវត្តដើម្បីកាន់ទុក្ខអ្នកម្ដាយ។ ម្យ៉ាងទៀតអ្វីដែលគេអាណិតថែមទៀតនោះ គឺអ្នកនាង សឿ សុធារ៉ា ក៏មានសុខភាពមិនល្អទេ។
អ្នកម្តាយតារាស្រីអ្នកនាង សឿ សុធារ៉ា បានទទួលមរណភាពកាលពីអំឡុងចុងខែតុលា ឆ្នាំ ២០២២ ខណៈដំណឹងមរណទុក្ខនេះដែរ គេឃើញមានអ្នកគាំទ្រ និងទស្សនិកជន ព្រមទាំងអ្នកសិល្បៈជាច្រើនបានសម្ដែងការចូលរួមរំលែកទុក្ខដ៏ក្រៀមក្រំ និងសោកសៅនេះជាមួយតារាសម្ដែងអ្នកនាង សឿ សុធារ៉ា និងក្រុមគ្រួសារផងដែរ។
ដោយឡែកនៅថ្ងៃទី ១៩ ខែធ្នូ ឆ្នាំ ២០២២ នេះ ពោលគឺបន្ទាប់ពីការប្រកាសកាត់បន្ថយថ្ងៃកាន់ទុក្ខជូនអ្នកម្ដាយជាទីស្រលាញ់ពី ១០០ ថ្ងៃ មកសល់ត្រឹម ៤៩ ថ្ងៃនោះ តារាសម្តែងអ្នកនាង សឿ សុធារ៉ា ក៏បានបង្ហោះរូបថត និងវីដេអូជាច្រើនឃ្លីប ហើយពោលពាក្យទៅកាន់អ្នកម្ដាយថា ម៉ែការរបូតម៉ែពីដៃកូន កូនមិនអាចបំភ្លេចបានទេ។ រយៈពេល ១១ ខែ ដែលកូនមិនបានជួបមុខម៉ែ ទុកថាជួបជាដង្ហើមចុងក្រោយរវាងម្តាយកូន។
តារាសម្តែងអ្នកនាង សឿ សុធារ៉ា បាននិយាយបន្ថែមទៀតថា ម៉ែយំនឹកមុខកូន កូនបារម្ភឈឺចាប់នឹកម្តាយ តែចាត់ទុកជាកម្មរបស់យើងម៉ែ សូមបងប្អូនទាំងអស់គ្នា និងពូមីងដែលនៅមានម្តាយ សូមជ្រះថ្លាធ្វើសេចក្ដីល្អចំពោះឪពុកម្ដាយជារៀងរាល់ថ្ងៃ កូនយុងចិត្តណាស់ម៉ែ។
ជាការកត់សម្គាល់អំឡុងមួយរយៈចុងក្រោយនេះ អ្នកគាំទ្រសង្កេតឃើញស្ថានភាពផ្លូវចិត្តរបស់តារាសម្ដែងអ្នកនាង សឿ សុធារ៉ា បានជួបរឿងរ៉ាវចាក់ស្រេះជាច្រើន រហូតធ្វើឲ្យកើតមានវិបត្តិផ្លូវចិត្តកាន់តែធ្ងន់ធ្ងរ ពោលគឺចាប់តាំងពីធ្លាយដំណឹងជំពាក់បំណុលរឿងលេងតុងទីន និងក្រោយមកទៀតដំណឹងបែកបាក់ស្វាមី ខណៈថ្មីៗនេះ អ្នកម្តាយក៏បានទទួលមរណភាពទៅចោលទៀតនោះ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង