សុខ សោម៉ាវត្តី ប្រកាសត្រៀមបទពិសោធន៍ថ្មីៗក្នុងឆ្នាំ២០២៣នេះ

ខណ:ដែលឆ្លងឆ្នាំចាស់២០២២ចូលដល់ឆ្នាំ២០២៣ ពិធីការិនីរូបស្រស់អ្នកនាង សុខ សោម៉ាវត្តី បានបង្ហើបឲ្យដឹងថាអំឡុងពេល១ឆ្នាំពេញ គឺនាឆ្នាំ២០២២កន្លងទៅ នាងទទួលបានបទពិសោធន៍ថ្មីៗ និងការចងចាំល្អៗជាច្រើនពីមនុស្សជុំវិញខ្លួន។

ជាមួយគ្នានេះដែរអ្នកមេម៉ាយចាយសម្រស់ សុខ សោម៉ាវត្តី ក៏បានប្រកាសត្រៀមបញ្ចេញបទពិសោធន៍ថ្មីៗនាដើមឆ្នាំ​២០២៣​នេះដើម្បីឲ្យអ្នកគាំទ្របានឃើញ និងបានដឹងផងដែរ។ ផ្អែកតាមការបង្ហោះរូបភាពជាច្រលនសន្លឹកអ្នកនាង សុខ សោម៉ាវត្តី បានរៀបរាប់ថា រូបចុងក្រោយសំរាប់ឆ្នាំចាស់ជាឆ្នាំដែលទទួលបានទៅដោយបទពិសោធន៍ថ្មីៗ ការចងចាំល្អៗក៏ច្រើន ហត់ក៏ច្រើន ដឹងចិត្តមនុស្សក៏កាន់តែច្បាស់ថាអ្នកណាជាអ្នកណា។

ពិធីការិនីសម្តីចាក់ទឹកមិនលិចអ្នកនាង សុខ សោម៉ាវត្តី បាននិយាយទៀតថា នាងអរគុណសម្រាប់ឆ្នាំ២០២២ ដែលធ្វើអោយមនុស្សស្រីម្នាក់នេះកាន់តែរឹងមាំឡើង ហើយជួបគ្នានូវបទពិសោធន៍ថ្មីឆាប់ៗក្នុងឆ្នាំ២០២៣។ តាមរយ:ការបង្ហោះសំណេររបស់ សុខ សោម៉ាវត្តី បានធ្វើឲ្យអ្នកគាំទ្រនាំគ្នាទន្ទឹងរង់ចាំមើលការបង្ហាញបទពិសោធន៍ថ្មីៗ និងល្អៗសម្រាប់ឱកាសឆ្នាំថ្មីនេះ។

ទោះបីជាយ៉ាងណាគេមិនទាន់ដឹងទេថា តើអ្នកនាង សុខ សោម៉ាវត្តី នឹងត្រៀមមានអ្វីប្លែកៗហើយពិសេសជាងឆ្នាំ២០២២​ដើម្បីឲ្យទស្សនិកជនបានឃើញហើយប្លែកអារម្មណ៍នោះទេ៕

អត្ថបទ៖ ចាន់រ៉ា