Song JoongKi និងមិត្តស្រីចុះសំបុត្រអាពាហ៍ពិពាហ៍ ខណៈនាងមានផ្ទៃពោះ ២ ខែហើយ

តារាសម្តែង Song JoongKi និងមិត្តស្រីរបស់លោក Katy Louise Saunders ទើបតែប្រកាសថា ពួកគេបានចុះសំបុត្រអាពាហ៍ពិពាហ៍ ហើយតារាសម្ដែងរូបនេះបានបន្ថែមទៀតថា ភរិយារបស់លោកកំពុងមានផ្ទៃពោះពីរខែហើយ។

នៅថ្ងៃទី ៣០ ខែ មករា តារាសម្តែង Song Joong-ki បានប្រកាសនៅលើបណ្តាញសង្គម fancafe ផ្លូវការរបស់លោកថា “ខ្ញុំបានស្បថថានឹងចំណាយជីវិតរបស់ខ្ញុំជាមួយ Katy Louise Saunders ដែលបាននៅក្បែរខ្ញុំ គាំទ្រខ្ញុំ យកចិត្តទុកដាក់ខ្ញុំ និងចំណាយពេលដ៏មានតម្លៃជាមួយខ្ញុំ” ។

ជាពិសេសនៅក្នុងសំបុត្រអាពាហ៌ពិពាហ៌នោះមិត្តស្រីរបស់ Song JoongKi បាននិយាយ ” តាមធម្មតា យើងមានក្តីសុបិននៃការ បង្កើតគ្រួសារដ៏មានសុភមង្គលជាមួយគ្នា យើងបានប្រឹងប្រែងយ៉ាងខ្លាំងដើម្បីរក្សាការសន្យារបស់យើងចំពោះគ្នាដោយក្តីស្មោះត្រង់ ហើយយើងបានស្វាគមន៍កូនដំបូងរបស់យើងទាំងពីរ។ ដូច្នេះថ្ងៃនេះ យើងបានចុះបញ្ជីអាពាហ៍ពិពាហ៍របស់យើងជាប្តីប្រពន្ធ ដោយផ្អែកលើសេចក្តីស្រឡាញ់ និងទំនុកចិត្តដ៏ជ្រាលជ្រៅបំផុតរបស់យើង។

ជាមួយគ្នានេះ បន្ទាប់ពីអាពាហ៌ពិពាហ៌បានចេញផ្សាយ ខាងភ្នាក់ងារផលិតកម្ម HighZium Studio របស់ Song Joong Ki បានបញ្ជាក់ពីសំបុត្ររបស់តារាសម្តែងថាជាការពិត ហើយគូស្នេហ៍គ្រោងនឹងរៀបចំពិធីមង្គលការនៅពេលអនាគតថែមទៀតផង៕

ប្រែសម្រួល ៖នាងតូច

ចុចអាន៖ក្រោយចប់កុងត្រា Park Bo Gum ហក់ចូលផលិតកម្មល្បី ពញ្ញាក់អារម្មណ៍អ្នកគាំទ្រ