ជីវិតកម្សាន្ដ

ប៉ាច គីមមួយ ទម្លាយរឿងអាថ៌កំបាំងជាមួយរៀមច្បង សុខ ពិសី

បានផុស

១ year មុន

នៅ

ថ្ងៃសុក្រ ២១ មេសា ២០២៣

ដោយ

រឿងធ្លាប់លាក់ទុកក្នុងចិត្តជាយូរមកហើយត្រូវបានតារាចម្រៀងវ័យក្មេង ប៉ាច គីមមួយ ចេញមកទម្លាយពាក់ព័ន្ធតារាចម្រៀងរៀមច្បងកញ្ញា សុខ ពិសី ធ្វើឲ្យអ្នកគាំទ្រចាប់អារម្មណ៍គ្រប់គ្នា។ ប៉ាច គីមមួយ គឺជាតារាចម្រៀងស្រករក្រោយដែលកំពុងក្រសោបបានទីផ្សារសិល្បៈច្រើនគួរសម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់កន្លងមករវាងតារាចម្រៀង ប៉ាច គីមមួយ និងរៀមច្បង សុខ ពិសី មិនធ្លាប់ត្រូវបានអ្នកគាំទ្រ ឬមហាជន បានដឹងពីទំនាក់ទំនងរបស់ពួកគេទេ ប៉ុន្តែស្រាប់តែថ្មីៗនេះ ប៉ាច គីមមួយ បានចេញមកទម្លាយខ្លះៗនូវរឿងដ៏រំជួលចិត្តទៅកាន់អ្នកគាំទ្ររបស់ខ្លួនយ៉ាងភ្ញាក់ផ្អើល។ ក្នុងនោះបានចាត់ទុក សុខ ពិសី ជាគ្រូផង និងជារៀមច្បងផងដែរ។

រូបភាពមួយសន្លឹកដែលត្រូវបានតារាស្រី ប៉ាច គីមមួយ បង្ហោះនៅលើបណ្ដាញសង្គមហ្វេសប៊ុក ដោយភ្ជាប់ខ្លឹមសារថា «ធ្លាប់អត់? កាលពីក្មេងទៅណាមកណាគេថា ស្អាតដូចបង សុខ ពិសី និយាយពីថារំភើបណាស់។ គាត់ Idol តាំងខ្ញុំនៅក្មេង ដល់ឥឡូវខ្ញុំចាស់ តែគាត់នៅក្មេងដដែល ស្រលាញ់ណាស់ Sok Pisey»។

រឿងដែលអាថ៌កំបាំងមួយទៀតពុំធ្លាប់ដឹងត្រូវបានស្រីស្អាត ប៉ាច គីមមួយ និយាយថា «ចង់ប្រាប់ថា កាលពីក្មេង ខ្ញុំឈ្មោះ ពិសី ដែរ»។ នាងបន្ថែមថា «អារម្មណ៍ជា Fan រំភើបចង់ហោះ»។