ជីវិតកម្សាន្ដ
ផ្ទុះការចាប់អារម្មណ៍វែកញែកលើបណ្ដាញសង្គម តើក្មេងប្រុសម្នាក់នេះជានរណា?
តាមការកត់សម្គាល់នៅលើបណ្ដាញសង្គមហ្វេសប៊ុក និង TikTok មានការចាប់អារម្មណ៍វែកញែកក្រោយលេចវត្តមានក្មេងប្រុសសង្ហាស្រស់ស្អាតម្នាក់ដែលមើលទៅហាក់មានដុងសិល្បៈមកពីកំណើតគួរឲ្យស្រលាញ់។

រូបភាព និងវីដេអូជាច្រើនរបស់ក្មេងប្រុសតូចដ៏ស្រស់ស្អាតរូបនេះ កំពុងត្រូវបានចែករំលែកនៅលើបណ្ដាញសង្គមជាមួយការសរសើរតាមរយៈការតុបតែងកាយរៀបចំខ្លួនបានយ៉ាងល្អ មិនចាញ់មនុស្សធំឡើយ ព្រោះកុមារារូបនេះមើលទៅពិតជាឃ្យូត និងគួរឲ្យស្រលាញ់ ទាំងមុខមាត់ រូបរាងនិងសកម្មភាពសិល្បៈ ដែលពិតជាធ្វើឲ្យគ្រប់គ្នាចាប់អារម្មណ៍ខ្លាំង។

ក្មេងប្រុសគួរឲ្យស្រលាញ់រូបនេះមានឈ្មោះ ស៊ិន ច័ន្ទរ៉ូមីអូ (Romeo)។ បច្ចុប្បន្នរូបភាពជាច្រើនត្រូវបានចែករំលែកនៅលើបណ្ដាញសង្គមហ្វេសប៊ុក។ មានសំនួរជាច្រើនបានសួរថា តើក្មេងប្រុសរូបនេះជានរណា? តើមានជាប់ឈាមជ័រសិល្បៈដែរឬទេ?។ យ៉ាងណាមិញមិនទាន់មានប្រភពជាក់លាក់ណាមួយបញ្ជាក់ច្បាស់ទេថា Romeo មានឪពុកម្ដាយឈាមជ័រសិល្បៈបែបណានៅឡើយទេ?។

ដោយឡែកក៏មានប្រភពមួយចំនួនទៀតនាំគ្នាលើកឡើងវែកញែកដោយសង្ស័យថា Romeo អាចជាប់សាច់ឈាមមានឪពុក-ម្ដាយជាអ្នកសិល្បៈ ខណៈកំលោះតូចរូបនេះជារឿយៗ តែងបង្ហាញសកម្មភាពថតរូបស្និទ្ធស្នាលជាមួយតារាចម្រៀងប្រុស-ស្រី ៣ រូប ដែលមានប្រជាប្រិយភាព និង ការគាំទ្រនៅលើវិថីសិល្បៈបច្ចុប្បន្ន។

រូបភាពជាច្រើនត្រូវបានទម្លាយពីភាពស្និទ្ធស្នាលរវាងក្មេងប្រុស Romeo និងតារាកូនភ្លោះលោក ស៊ិន សភា-ស៊ិន សុភ័ក្ត្រ និងតារាស្រី គង់ ច័ន្ទរដ្ឋា។ អ្វីដែលកាន់តែចាប់អារម្មណ៍ថែមនោះ ដោយសារឈ្មោះក៏មានត្រកូល “ស៊ិន” គឺ ស៊ិន ច័ន្ទរ៉ូមីអូ។ ម្យ៉ាងទៀតបើតាមការបង្ហើប Romeo គិតមកដល់ឆ្នាំនេះមានអាយុជិត ៦ ឆ្នាំមកហើយ។ ពាក់ព័ន្ធរឿងរ៉ាវនេះដែរ លោក ស៊ិន សុភ័ក្ត្រ បានប្រាប់កម្ពុជាថ្មីដោយខ្លីថា «Romeo ត្រូវជាក្មួយ»។ នៅពេលសួរថា Romeo ជាកូនអ្នកណា? ចម្លើយមិនទាន់ត្រូវទម្លាយទេ។

យ៉ាងណាមិញគេរង់ចាំមើលថា តើក្មេងប្រុសរូបនេះអាចមានទំនាក់ទំនងជាប់សាច់ឈាមពិសេសជាមួយលោក ស៊ិន សុភា និង គង់ ច័ន្ទរដ្ឋា ដែរឬទេ ខណៈកន្លងមកអ្នកទាំងពីរធ្លាប់ប្រកាសពីចំណងស្នេហាផ្អែមល្ហែមជាមួយគ្នាយូរឆ្នាំមកហើយនោះ៕
អត្ថបទ ៖ ចាន់រ៉ា






-
KPT+៣ ថ្ងៃ មុន
សិស្សប្រលងបាក់ឌុបស្អែក គួរចៀសវាងអាហារ ៤ មុខនេះដាច់ខាត
-
ព័ត៌មានជាតិ៦ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានជាតិ២ ថ្ងៃ មុន
សម្ដេចតេជោ៖ បើមិនជឿព្រះអង្គច័ន្ទមុនី កុំប្រមាថ ទុកសេរីភាពខាងជំនឿ ជូនអ្នកដែលជឿ
-
ព័ត៌មានជាតិ៥ ថ្ងៃ មុន
អាជ្ញាធរ បញ្ចប់ករណីបុរសវាយសត្វឈ្លូស ត្រឹមការពិន័យជាប្រាក់
-
ព័ត៌មានជាតិ៦ ថ្ងៃ មុន
កីឡាករ ដាវ លឺដុឌ៖ ការប្រកួតជាមួយ ព្រំ សំណាង គឺជាព្រឹត្តិការណ៍ដ៏ធំប្រវត្តិសាស្ត្រនៅតំបន់អាស៊ីអាគ្នេយ៍
-
ព័ត៌មានជាតិ១ សប្តាហ៍ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង
-
ព័ត៌មានជាតិ២ ថ្ងៃ មុន
អ្នកនាំពាក្យ ៖ អាកាសយានដ្ឋានអន្តរជាតិសៀមរាបអង្គរកើនភ្ញៀវទេសចរដល់ ៣២០០នាក់ ក្នុងមួយថ្ងៃ
-
សន្តិសុខសង្គម៦ ថ្ងៃ មុន
ម្ចាស់ក្រុមហ៊ុនពិភពដីមាស ត្រូវបានដោះលែងឲ្យនៅក្រៅឃុំបណ្ដោះអាសន្ន