ជីវិតកម្សាន្ដ

តារាចម្រៀង ពេជ្រ ថាណា ជួបទុក្ខធំខណៈប្រពន្ធស្លាប់ចោលទាំងវ័យក្មេង

បានផុស

៣ years មុន

នៅ

ថ្ងៃចន្ទ ២៥ មករា ២០២១

ដោយ

តារាចម្រៀងរបស់ផលិតកម្មថោន លោក ពេជ្រ ថាណា និងក្រុមគ្រួសារពេលនេះកំពុងមានទុក្ខដ៏ក្រៀមក្រំហើយសោកសៅបំផុត បន្ទាប់ពីមានការបង្ហើបថាភរិយារបស់លោកបានទទួលមរណភាពទាំងវ័យក្មេង។

បើតាមការបញ្ជាក់ ភរិយារបស់តារាប្រុសលោក ពេជ្រ ថាណា បានទទួលមរណភាពកាលពីថ្ងៃទី២៤ ខែមករា ឆ្នាំ២០២១ម្សិលមិញនេះ ដោយសារបញ្ហាជំងឺក្រពះធ្ងន់ធ្ងរ ដែលចំណាយពេលព្យាបាល២ឆ្នាំមកហើយ ប៉ុន្តែពុំមានសភាពធូរស្រាល និងសង្គ្រោះជីវិតបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ ថាណា បាននិយាយដោយអារម្មណ៍ក្រៀមក្រំថា ពេលនេះខ្ញុំកំពុងមានទុក្ខ ហើយបងប្អូនដែលស្រលាញ់រាប់អានគាត់និងស្រលាញ់រាប់អានខ្ញុំពេលនេះគាត់លាបងប្អូនទាំងអស់គ្នារហូតហើយ។ បងប្អូនអាចចូលរួមបច្ច័យតាមរយៈខ្ញុំបា ន។

តារាចម្រៀង ពេជ្រ ថាណា បានបញ្ជាក់បន្ថែមថា សម្រាប់ពិធីបុណ្យ ធ្វើនៅតំបន់ស្រុកអូដំបង១ ខេត្ត បាត់ដំបង ហើយត្រូវបូជានាវេលាម៉ោង៨យប់ថ្ងៃទី២៥ ខែមករា ឆ្នាំ២០២១នេះ។ជាមួយគ្នានៃដំណឹងមរណទុក្ខដ៏ក្រៀមក្រំនេះ បានធ្វើឲ្យមហាជននិងមិត្តភក្តិរួមអាជីពសិល្បៈជាច្រើនបង្ហាញការសោកស្តាយនិងផ្ញើសារចូលរួមរំលែកទុក្ខជាមួយលោកនិងក្រុមគ្រួសារផងដែរ៕

អត្ថបទ ៖ ចាន់រ៉ា