ជីវិតកម្សាន្ដ

ងិន ម៉ារ៉ាឌី ដាច់ចិត្តទម្លាយជំងឺម្យ៉ាងគួរឲ្យបារម្ភ អំឡុងពពោះ

បានផុស

៣ years មុន

នៅ

ថ្ងៃចន្ទ ៣ កក្កដា ២០២៣

ដោយ

មុននេះបន្តិច ធ្វើឲ្យអ្នកគាំទ្រជាច្រើន ពិសេសអ្នកនិយមតាមដានវិស័យដើរម៉ូដនៅកម្ពុជា បានបង្ហាញការភ្ញាក់ផ្អើលស្ទើរគ្រប់គ្នា បន្ទាប់ពីឃើញការបង្ហោះរូបភាពរបស់អ្នកនាង ងិន ម៉ារ៉ាឌី ដែលជាម្ចាស់មកុដ Miss Universe Cambodia2021 បង្ហាញពីស្ថានភាពជំងឺម្យ៉ាងគួរឲ្យបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សង្កេតតាមរយៈវីដេអូបវរកញ្ញា ងិន ម៉ារ៉ាឌី ចែករំលែកលើបណ្ដាញសង្គមហ្វេសប៊ុកផ្ទាល់ខ្លួន គឺ ស្រីស្អាតរូបនេះកើតជំងឺម្យ៉ាងដែលចេញកន្ទួលៗពេញនៅលើផ្ទៃមុខ ខណៈអ្នកគាំទ្រមួយចំនួនយល់ថា នេះជាជំងឺអុតស្វាយ។ ជំងឺនេះ បានកើតលើបវរកញ្ញា ងិន ម៉ារ៉ាឌី ដែលកំពុងតែពពោះមានកូនក្នុងផ្ទៃផងដែរ។

អ្នកនាង ងិន ម៉ារ៉ាឌី បានបញ្ជាក់ភ្ជាប់វីដេអូនោះថា «មុនដំបូងមានតែអ្នកជិតដិត និងក្រុមគ្រួសារទេ ដែលដឹង តែឥឡូវដាច់ចិត្តផុសឲ្យបងប្អូនដឹងតែម្ដង មិនហ៊ានដាក់រូបណាខ្លាំងៗ ពេកទេ ខ្លាចបងប្អូនញញើត បង្ហាញត្រឹមរូបកាលដែលខ្ញុំជាបាន ៨០ ភាគរយ»។ ងិន ម៉ារ៉ាឌី និយាយទៀតថា «នេះជាជំងឺ Chicken Pox ដែលកើតលើខ្ញុំកាលពីខែមុន គឺអំឡុងពេលពពោះ តែពេលនេះគឺខ្ញុំជាបាន ៩៩ ភាគរយហើយ កូនក៏មានសុវត្ថិភាពដែរ»។

បវរកញ្ញា ងិន ម៉ារ៉ាឌី បាននិយាយបន្តថា ដោយសារជំងឺខាងលើនេះ ទើបធ្វើឲ្យនាងបាត់មុខមួយរយៈពីការចេញថតកម្មវិធីផ្សេងៗ និងនៅលើបណ្ដាញសង្គមនានា។ ជាមួយនោះ ធ្វើឲ្យមានអ្នកគាំទ្រ ព្រមទាំងមិត្តភ័ក្ដិ អ្នកដែលស្គាល់មួយចំនួនមានចម្ងល់ ហើយឆាត ឬផ្ញើសារមកសួរនាំជុំវិញរឿងនេះ។ ដូច្នេះនាងដាច់ចិត្តទម្លាយឲ្យដឹងថា អំឡុងពេលស្ងាត់មួយរយៈនោះ ដោយសារនាងមានជំងឺខាងលើ៕

អត្ថបទ ៖ ចាន់រ៉ា