Lydia ដេញ Matthew ឱ្យឆាប់ក្រៀវ ក្រោយប្រកាសឈប់យកកូន

តារាចម្រៀង Lydia Saranrat បានប្រកាសឈប់យកកូនជាសាធារណៈ និងនិយាយចំៗទៅស្វាមីឱ្យលោកប្រញាប់ទៅក្រៀវជាបន្ទាន់ ពុំនោះទេទំនាក់ទំនងប្ដីប្រពន្ធនឹងត្រូវផ្អាក លើកលែងវះកាត់រួចរាល់។

ក្រោយទទួលបានកូនប្រុសស្រី ៣នាក់ជាចំណងដៃនៃអាពាហ៍ពាហ៍ តារាស្រី Lydia បានប្រកាសក្ដែងៗនៅលើបណ្ដាញសង្គម IG ទៅកាន់តារាសម្ដែង និងពិធីករលោក Matthew Dean ដែលជាស្វាមីឱ្យឆាប់ក្រៀវ ដើម្បីពន្យាកំណើត។

បន្ថែមពីលើនេះ នាងថែមពាក្យលេងសើចទៀតថា ​បើ Matthew មិនព្រមវះកាត់ នាងមានតែដូរស្វាមីចេញប៉ុណ្ណោះ។ ជាមួយគ្នានោះ Matthew បានចេញមកតបតខម្មិន (Comment) ដោយលើកឡើងថា មានរឿងខ្លះគួរពិភាក្សាជាលក្ខណៈឯកជនវិញ។

យ៉ាងណាមិញ សារទាំងនេះពុំមែនជាពាក្យឈ្លោះប្រកែករវាងស្វាមីភរិយាទាំងពីរឡើយ វាគ្រាន់តែជាយុទ្ធសាស្ត្រផ្សព្វផ្សាយគ្លីនិកផ្ដល់សេវាពន្យាកំណើតប៉ុណ្ណោះ​ ជាពិសេសសេវាក្រៀវបុរស៕

ប្រែសម្រួល៖ ​សន្យា

ចុចអាន៖ រូបរាងចុងក្រោយរបស់ Janie ស្គមខ្លាំងពេក រហូតអ្នកលេងលេងអ៊ីនធឺណិតលាន់មាត់​​