ជីវិតកម្សាន្ដ

ទើបលក់វត្ថុប្រេនៗថ្ងៃមុន ឥលូវ Due ប្រកាសជួលហាងធ្វើក្រចក យកលុយសងបំណុល

បានផុស

៤ ខែ មុន

នៅ

ថ្ងៃអង្គារ ២៥ មីនា ២០២៥

ដោយ

តារាសម្ដែងថៃនាង Due Arisara កាលពីប៉ុន្មានថ្ងៃមុននេះនាងទើបតែប្រកាសលក់របស់ប្រេនៗសំណព្វចិត្តតាមរយៈ Instagram ដើម្បីយកលុយទៅសងបំណុលអ្នកជំនួញស្រី Maynie Minimay ចំនួន ៦២ លានបាតមក។ ឥលូវនេះ ឈានចូលថ្ងៃទី២៥ ខែមីនា នាងស្រាប់តែប្រកាសជាថ្មី ដាក់ជួលហាងធ្វើក្រចក មួយកន្លែងស្ថិតនៅកណ្តាលក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហាងធ្វើក្រចកនេះដែរ តួឆ្នាសឆ្នើមរូបនេះបានបានបញ្ចាក់ថា នាងដាក់ជួលក្នុងតម្លៃ ១.៥លានបាតប៉ុណ្ណោះ! ហើយរូបនាងក៏បញ្ចាក់ឲ្យដឹងថាសែនស្រលាញ់ហាងខ្លាំងតែពុំមានលិទ្ធភាពអាចបន្តអាជីវកម្មមួយនេះឲ្យជោគជ័យបាន។

បន្ថែមពីលើនេះ Due Arisara ក៏បានបង្ហាញពីចំណុចគួរឲ្យចាប់អារម្មណ៍របស់ហាងធ្វើក្រចកនេះដែរថាវាស្ថិតនៅក្នុងទីតាំងសំខាន់ៗនៅកណ្តាលទីក្រុង ក្នុងតំបន់ Thonglor Soi 13 ហើយក៏មានឧបករណ៍ធ្វើក្រចកគ្រប់គ្រាន់ និងផ្តល់ឱកាសឲ្យអ្នកជួលចរចាតម្លៃយ៉ាងសមរម្យដែរ។

យ៉ាងណាមិញ ការប្រកាសរបស់តារាស្រីស្របពេលដែលនាងទើបតែលក់ទំនិញៗយីហោប្រេនៗក្នុងតំលៃថោកៗដើម្បីយកលុយមកដោះស្រាយទាល់ច្រកមួយគ្រានេះ។ ដំណឹងនៃការលក់របស់នេះទៀតសោទ បានធ្វើឲ្យអ្នកប្រើប្រព័ន្ធផ្សព្វផ្សាយសង្គមមានការភ្ញាក់ផ្អើលខ្លាំង បើទោះជាដឹងថានាងកំពុងជួបបញ្ហាប្រឈមនឹងបំណុលរាប់លានដុល្លារ។

ទោះជានាងពុំបានចេញមុខបកស្រាយលម្អិតទាក់ទិននឹងការលក់របស់ហៃសូយ៉ាងណាក្ដី ប៉ុន្តែមហាជនជាច្រើនបានចូលទៅបញ្ចេញមតិថានេះគឺជាសញ្ញាល្អមួយដែលបង្ហាញថា Due នាងមិនបានរត់ទៅណាទេ ទោះបីជាប្រឈមនឹងព្យុះនៃពាក្យចចាមអារ៉ាមជាច្រើន ជាពិសេសត្រូវបញ្ចប់ដោយម៉ាកជាច្រើនក៏ដោយ៕