ជីវិតកម្សាន្ដ

Due ដាក់លក់របស់របរផ្ទាល់ខ្លួនឡៃឡុង យកលុយសងបំណុលគេ

បានផុស

២ ខែ មុន

នៅ

ថ្ងៃចន្ទ ២៤ មីនា ២០២៥

ដោយ

Due Arisara បានវិលចូលមកបណ្ដាញសង្គមជាថ្មីទៀតដោយលើកនេះនាងប្រកាសលក់របស់របរផ្ទាល់ខ្លួនក្រោមម៉ាកយីហោប្រណិតៗ តាមរយៈ Instagram ធ្វើឲ្យអ្នកលេងអ៊ីនធឺណិតមានការភ្ញាក់ផ្អើលជាខ្លាំង ព្រោះចាប់តាំងពីរឿងរឿងខ្ចីលុយ លោកជំទាវឬអ្នកជំនួញស្រី Maynie Minimay ៦២ លានបាតមក នាងស្រាប់តែបាត់មុខពីហ្វេន ដោយមិនមានការធ្វើបច្ចុប្បន្នភាពចាប់តាំងពីខែមករាឆ្នាំ ២០២៥មកម៉្លេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ តារាថៃនិយមតួឆ្នាសរូបនេះបានបង្ហោះរូបភាពអំពីទ្រព្យប្រណិតៗផ្ទាល់ខ្លួន តាមរយៈ Instagram Stories បណ្តុំនៃម៉ាកយីហោដែលនាងស្រឡាញ់មានដូចជា៖ ស្បែកជើង ក្រវិល និងខ្សែដៃពីម៉ាកល្បីៗដូចជា Chanel, Dior និង Alexanderwang របស់នីមួយៗត្រូវបានលក់ក្នុងតម្លៃទាបជាងតម្លៃទីផ្សារ ចាប់ផ្តើមត្រឹមតែពីពីរបីពាន់បាតប៉ុណ្ណោះ។

យ៉ាងណាមិញ ដោយសារតែទំនិញប្រណិតៗរបស់ Due Arisara មានតម្លៃធូថ្លៃបំផុតទើបត្រឹមតែមួយភ្លែតសោះនាងអាចលក់អស់គ្មានសល់សូម្បីតែមួយ។ ប៉ុន្តែក្នុងពេលទន្ទឹមគ្នានោះដែរ អ្នកគាំទ្រគិតស្មានថា តារាស្រីដាក់ចិត្តលក់របស់សំណព្បឡៃឡុងខាតដើមបែបនេះប្រាកដជាទាក់ទងនឹងបំណុលជាក់ជាមិនខានឡើយ។

បើទោះជានាងពុំបានចេញមុខបកស្រាយលម្អិតទាក់ទិននឹងការលក់របស់ហៃសូយ៉ាងណាក្ដី ប៉ុន្តែមហាជនជាច្រើនបានចូលទៅបញ្ចេញមតិថានេះគឺជាសញ្ញាល្អមួយដែលបង្ហាញថា Due នាងមិនបានរត់ទៅណាទេ ទោះបីជាប្រឈមនឹងព្យុះនៃពាក្យចចាមអារ៉ាមជាច្រើន ជាពិសេសត្រូវបញ្ចប់ដោយម៉ាកជាច្រើនក៏ដោយ៕