តារាភាពយន្ត​​ទសវត្សរ៍​៨០-៩០,​អម្ពរ ទេវី រម្លឹក​អនុស្សាវរីយ៍​កាលពីក្មេង​ – Kampuchea Thmey Daily
Connect with us
Helistar Cambodia - Helicopter Charter Services

ជីវិតកម្សាន្ដ

តារាភាពយន្ត​​ទសវត្សរ៍​៨០-៩០,​អម្ពរ ទេវី រម្លឹក​អនុស្សាវរីយ៍​កាលពីក្មេង​

Published

on

អតីត​តារាភាពយន្ត​ស្រី​ល្បីឈ្មោះ​និង​មាន​ភាព​លេចធ្លោ​លើ​វិថី​សិល្បៈ​ក្នុង​ទសវត្សរ៍​ឆ្នាំ​៨០​និង៩០​អ្នក នាង អម្ពរ ទេវី បាន​បាត់​វត្តមាន​អស់​រយៈ​ពេល​ជាង​ពីរ​ទសវត្សរ៍​មកហើយ ​បន្ទាប់ពី​បាន​ដកខ្លួន​ពី​វិថី​សិល្បៈ​ទៅសម្ងំ​រស់នៅ​លើទឹក​ដី​សហរដ្ឋអាមេរិក។​

ជាការ​ពិត​ថ្វី​ត្បិត​តារា​ស្រី​ជើងចាស់​សម្បូរ​បទ​ពិសោធ​សម្ដែង​អ្នកនាង អម្ពរ ទេវី បានសម្រេច​ចិត្ត​ដើរ​ចេញ​ពី​សិល្បៈ​អស់​រយៈកាល​ជាង​ពីរ​ទសវត្សរ៍​ហើយ​ក្តី តែ​កេរ្តិ៍ឈ្មោះ​របស់​នាង​នៅតែ​ដិតដាម​ជាប់​នៅក្នុង​ក្រអៅបេះដូង​ទស្សនិកជន​គ្រប់​ស្រទាប់វណ្ណៈ​ដោយ​ពេលខ្លះ​ពួកគេ​នៅតែ​បង្ហាញ​អារម្មណ៍​ចង់​ទស្សនា​ទេពកោសល្យ​សម្ដែង​របស់​អ្នកនាង​ឡើងវិញ​ និង​ចង់​ឲ្យ​វិល​មក​ចូលរួម​សម្ដែង​ជាមួយ​តារា​រួម​ជំនាន់​របស់ខ្លួន ដែលជា​ផ្នែក​មួយ​ចូលរួម​លើកស្ទួយ​វិស័យ​ភាពយន្ដ​នៅ​កម្ពុជា​។​

គេ​ចាំបាន​ថា ​ការចូល​ខ្លួន​ប្រឡូក​ក្នុង​សិល្បៈ​សម្តែង​របស់​អ្នកនាង អម្ពរ ទេវី ដំបូង​ឡើយ​នាង​បាន​ចាប់​ដៃគូ​សម្តែង​ជាមួយ​លោក សម វិទ្យា នៅ​ឆ្នាំ​១៩៨៨​។ ប៉ុន្តែ​ក្រោយមក​ការសម្តែង​របស់​អ្នកនាង​ក៏​ចាប់ផ្តើម​លេចធ្លោ​និង​ទទួលបាន​ការគាំទ្រ​ខ្លាំង​ជាមួយ​ដៃគូ​ប្រុស​លោក ទេព រិន​ដារ៉ូ។​ យ៉ាងណាមិញ​ក្រោយ​ពី​មានការ​ទន្ទឹងរង់ចាំរ​បស់​អ្នកគាំទ្រ​តារា​សម្ដែង​ជើងចាស់​អ្នកនាង អម្ពរ​ទេវី បានបង្ហាញ​ខ្លួន​ជាថ្មី​ម្ដងទៀត លើ​លើ​ទឹកដី​ប្រទេស​កម្ពុជា​កាលពី​អំឡុង​ពាក់កណ្តាល​ឆ្នាំ​២០១៨​ផងដែរ​។​

ចំពោះ​ការបង្ហាញ​ខ្លួន​ដោយ​វិល​ត្រលប់មក​កម្ពុជា​លើក​នោះ ​គឺ​ត្រូវបាន​គេ​ដឹងថា​ អ្នកនាង ​អម្ពរ ទេវី​មក​ដើម្បី​ថត​ភាពយន្ត​ឲ្យ​ស្ថានីយទូរទស្សន៍​មួយ​។​ ទ​ន្ទឹម​គ្នា​ដែល​ការវិលត្រឡប់​ទៅ​រស់​នៅក្រៅប្រ​ទេស​វិញ​អស់​រយៈពេល​យូរ​ខែ​របស់ អម្ពរ ទេវី នោះដែរ ​ថ្មីៗ​នេះ​នៅលើ​បណ្តាញ​សង្គម​ហ្វេ​ស​ប៊ុ​ក​អ្នកនាង​បា​នបង្ហោះ​រម្លឹក​អនុស្សាវរីយ៍​អតីតកាល​គ្រា​ពី​ក្មេង​រួម​សម្តែ​ង​ជាមួយ​លោក ទេព រិ​ន​ដា​រ៉ូ និង យុត្ថា រ៉ា​ឆា​នី បង្ក​ការចាប់អារម្មណ៍​ខ្លាំង​ដល់​មហាជន​គ្រប់គ្នា​។​

ជាមួយគ្នា​នៃ​ការ​បង្ហោះ​រូបភាព​នេះដែរ​អ្នកនាង អម្ពរ ទេវី ​ក្រៅពីរម្លឹក​គ្រា​អតីតកាល អ្នក​នាង​ក៏បាន​​រំលេច​សារ​ខ្លី​មួយ​ដោយបាន​លើកឡើងថា​ សួស្ដីអ៊ុំ​ពូ​មីង​បងប្អូន​ទាំងអស់គ្នា​ខាន​ផុស​យូរហើយ​សុំ​រម្លឹក​រឿង​អនុស្សាវរីយ៍​ចាស់​កាល​នៅ​ពី​ក្មេង​។ ​សូម​ប្រិយមិត្ត​ទស្សនា​រូបភាព​អនុស្សាវរីយ៍​របស់​អ្នក​នាង អម្ព រ ទេវី ខាងក្រោម​នេះ​៕

អត្ថបទ ៖ ចាន់​រ៉ា​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services