ជីវិតកម្សាន្ដ

ទីបំផុតអតីតស្វាមីរបស់ Pat Napapa ត្រូវតុលាការសម្រេចកាត់ទោស ៣៦ឆ្នាំ

បានផុស

៤ years មុន

នៅ

ថ្ងៃចន្ទ ២២ កុម្ភៈ ២០២១

ដោយ

តារាសំដែង Pat Napapa បានយំយ៉ាងខ្លាំង បន្ទាប់ពីតុលាការសម្រេចឲ្យ Benz ដែលជាអតីតស្វាមីរបស់នាង ជាប់ពន្ធនាគាររយៈពេល ៣៦ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រំលឹកពីករណីរបស់លោក Worarot Charoendej ឬ Benz មានអាយុ ៣៤ឆ្នាំ ដែលអតីតអ្នកប្រណាំងឡានដ៏ល្បី និងជាអតីតស្វាមីរបស់តារាសម្ដែងស្រី Pat Napapa ត្រូវបានតុលាការកាត់ទោសពីបទរួមគំនិតជំនួញដូរគ្រឿងញៀន និងការលាងលុយកខ្វក់ដោយផ្តន្ទាទោសដាក់ពន្ធនាគារ ៣៦ ឆ្នាំ ៨ ខែ និងពិន័យជាទឹកប្រាក់ចំនួន ៣,៣ លាន។

រហូតមកដល់ចុងក្រោយនេះ កាលពីថ្ងៃទី ២០ ខែកុម្ភៈ ឆ្នាំ២០២១ អ្នកនាង Pat Napapa បានទម្លាយរឿងក្នុងចិត្តរបស់ខ្លួន តាមរយៈ One Entertainment ដោយបាននិយាយថា បន្ទាប់ពីនាងបានដឹងរឿងនេះ នាងស្ទើរតែគាំងបេះដូង មិនអាចទប់ទឹកភ្នែកបាននោះឡើយ។ នៅពេលដែលអ្នកនាង បានដឹងថាតុលាការបានសម្រេចកាត់ទោសឲ្យអតីតស្វាមីរបស់ខ្លួន ជាប់ទោសរយៈពេល ៣៦ឆ្នាំ ៨ខែ ពេលនោះនាងបានយំយ៉ាងខ្លាំង ព្រោះគាត់ជាអ្វីៗទាំងអស់របស់នាង ហើយយើងត្រូវតែគិតអ្វីបន្តទៀត ប៉ុន្តែនាងនៅតែមិនចង់ឲ្យគាត់ទទួលប្រឈមមុខនឹងរឿងបែបនេះ។

ក្នុងកំឡុងពេលនោះ អ្នកនាង និងស្វាមីយំយ៉ាងខ្លាំង ហើយពួកគាត់បានប្រាប់គ្នាថា យើងមិនបាច់យំទៀតទេ។ មិនមានវិធីអ្វីដើម្បីឲ្យគាត់ចាកចេញបានទេ។ វិធីតែមួយគត់ គឺបន្តមើលថែនឹងចិញ្ចឹមបីបាច់កូនរបស់យើងទាំងពីរឲ្យធំដឹងក្តីឲ្យបានល្អ តែនាងមិនដឹងថាប្រាប់កូនយ៉ាងណានៅពេលគេធំពេញវ័យ។ ហើយគាត់យល់ព្រមទទួលកាត់ទោសជាប់ពន្ធនាគាររយៈពេល ៨ឆ្នាំ ដោយប្រាប់អ្នកផ្ទះមិនឲ្យធ្វើការធានាខ្លួនចេញពីក្រៅឃុំនោះទេ គាត់អាចស្នាក់នៅក្នុងកន្លែងឃុំឃាំងបាន។ ប៉ុន្តែគ្មាននរណាម្នាក់យល់ស្របឡើយ៕