ទ្រាំនឹងការប្រមាថមិនបាន! វ៉ាន់ នីឡា អង្គុយយំគគ្រូក ទាមទារយុត្តិធម៌ឱ្យខ្លួន

អ្នកគាំទ្រនិងមហាជនមានការភ្ញាក់ផ្អើល ខណ:សុខៗស្រាប់តែឃើញតារាចម្រៀងកញ្ញា វ៉ាន់ នីឡា បានផ្ទុះប្រតិកម្មខ្លាំងៗបន្ទាប់រងការប្រមាថមាក់ងាយពីសំណាក់បុគ្គលដែលខ្លួនជាមនុស្សប្រុស បែរជាប្រើពាក្យពេចន៍មិនសមរម្យមកលើនាងជានារី។

កញ្ញា វ៉ាន នីឡា បានរៀបរាប់ទាំងទឹកភ្នែកថា បងប្អូនស្គាល់ផេកនេះហើយមែនទេ? ខ្ញុំទើបតែបានឃើញខ្លឹមសាររបស់ admin ផេកនេះ ខ្ញុំពិតជាទទួលយកមិនបានដាច់ខាតនៅពាក្យសម្តីបែបនេះ តើខ្ញុំគួរធ្វើយ៉ាងណា?

តារាចម្រៀង វ៉ាន់ នីឡា បាននិយាយបន្ថែមថា តើខ្ញុំបានខុសអី្វខ្ញុំធ្វើអី្វលោកឯងក្រុមលោកឯង ឬ ខ្ញុំបានថាឱ្យអ្នកណាគេ? បងប្អូនខ្ញុំត្រូវតែរកយុត្តធម៌ឱ្យខ្លួនខ្ញុំឱ្យបាន…។ ទោះយ៉ាងណា ជុំវិញរឿងរ៉ាវនេះ ក៏បានធ្វើឱ្យសាធារណជនចាប់ អារម្មណ៍ជាថ្មីដែលឃើញតារាចម្រៀងស្រី វ៉ាន់ នីឡា អង្គុយឡាយវីដេអូស្រែកទ្រហ៊ោយំខ្លាំងៗ ចំពោះគណនីហ្វេសប៊ុកផេកមួយដែលបានដៀមដាមធ្វើឱ្យប៉ះបពាល់ផ្លូវចិត្តនាងខ្លាំង។

វ៉ាន់ នីឡា បាននិយាយទាំងទឹកភ្នែកហូររហាមថា ចំការប្រមាថយ៉ាងធ្ងន់ធ្ងរនេះគឺនាងទ្រាំទទួលយកទៀតអត់បានទេ ព្រោះកន្លងមកនាងមិនដែលបានទៅប៉ះពាល់អ្វីជាមួយនណាគេទេ សូម្បីតែម្ចាស់ផេកមួយនេះ។ នាងបន្តថា ប្រសិននាងមានធ្វើអ្វីមួយខុសគឺនាងព្រមទទួលតែនេះនាងមិនបានធ្វើអ្វីខុសឡើយ ហេតុអីមកជេរប្រមាថកិត្តិយសខ្លួនដូច្នេះ។

តារាចម្រៀង វ៉ាន់ នីឡា បាននិយាយថានេះមិនមែនតែមួយផេកទេគឺជាក្រុមតែម្តងដែលចូលខមមិនប្រើ ពាក្យពេចន៍ប្រមាថមាក់ងាយចំពោះកិត្តិយសនាងដោយមិនដែលមានរឿងអ្វីជាមួយគ្នាសោះតែម្តង ។ទោះយ៉ាងណាយ៉ាង វ៉ាន់ នីឡាបង្ហាញក្តីកើតទុកមិន សុខចិត្តទង្វើរដ៏អសីលធម៌ពីសំណាក់បុគ្គលខាងលើនេះដែលបានចូលខមមិនតេះដៀលនាងថា” វ៉ាន់ នីឡា បែកៗ…”។រីឯខមមិនមួយទៀតថា”រស់ជាតិភ្លាមៗរបស់Discount”។

សូមជម្រាបថា តារាចម្រៀងកញ្ញា វ៉ាន់ នីឡាកាលពីថ្មីៗនេះត្រូវបានលោកជំទាវ ញ៉ែ មរកត រដ្ឋលេខាធិការក្រសួងកិច្ចការនារីបង្ហាញបំណងក្នុងការជួយការពារផ្លូវច្បាប់ឱ្យនាងប្រសិនបើចង់ប្ដឹករណីរងការប្រមាថកិត្តិយសពីបុគ្គលណាម្នាក់ពិសេសបុរសៗតែម្តង៕ អត្ថបទ៖ ចាន់រ៉ា