ជីវិតកម្សាន្ដ
ស្រ្តីដែលជំរិតទារលុយពីតារាសម្តែងកូរ៉េ Lee Sun-kyun អាចជាប់ទោស៧ឆ្នាំ
ក្នុងសវនាការសាលាឧទ្ធរណ៍ កាលពីថ្ងៃទី ២១ឧសភា អយ្យការនៅសាលាឧទ្ធរណ៍ផ្នែកព្រហ្មទណ្ឌនៃតុលាការស្រុក Incheon ទី៣ បានស្នើដំកល់សាលក្រមសាលាដំបូង ពោលគឺដាក់ពន្ធនាគារ ៧ឆ្នាំ សម្រាប់ស្ត្រីដែលគេស្គាល់ឈ្មោះហៅក្រៅថា A អាយុ ៣១ឆ្នាំ ក្រោមបទចោទប្រកាន់ពីបទបង្ខូចកេរ្តិ៍ឈ្មោះ និងជំរិតទារប្រាក់ពីតារាសម្ដែង Lee Sun-kyun។
មេធាវីរបស់ជនជាប់ចោទ (អ្នកស្រី A) បានអង្វរសុំការបន្ធូរបន្ថយដោយបញ្ជាក់ថា នាងបានប្រព្រឹត្តដោយការភ័យខ្លាចជាខ្លាំង បន្ទាប់ពីទទួលបានការគំរាមកំហែងពីជនមិនស្គាល់មុខ។ នាងពិតជាមានការសោកស្តាយចំពោះទង្វើរបស់ខ្លួនយ៉ាងខ្លាំង។ ក្រុមអ្នកច្បាប់របស់នាង ក៏បានសម្តែងនូវវិប្បដិសារីចំពោះគ្រួសារដែលបានបាត់បង់សមាជិក គឺលោក Lee Sun-kyun ហើយថានាងនឹងចំណាយជីវិត ដើម្បីលុបលាងទោសមួយនេះ ដោយសូមអភ័យទោសយ៉ាងស្មោះស្ម័គ្រទៅកាន់គ្រួសារសពម្តងទៀត។
ស្រ្តីដែលគេហៅថា A ត្រូវបានចាប់ខ្លួន និងចោទប្រកាន់ក្នុងខែកញ្ញា ឆ្នាំ ២០២៣ ពីបទហៅទូរសព្ទទៅកាន់តារាសម្ដែង Lee Sun-kyun និងក្លែងបន្លំថាទូរសព្ទរបស់នាងត្រូវបាន Hack ហើយនាងត្រូវការប្រាក់ដើម្បីរក្សាភាពស្ងប់ស្ងាត់ ដោយដកប្រាក់ពីគាត់ចំនួន ៣០០ លានវ៉ុន (៧៤,៨៦៦ដុល្លារ)។
ក្រោយការស៊ើបអង្កេតរបស់ប៉ូលិស បានបង្ហាញថា អ្នកដែលគំរាមនាង A គឺពិតជានាង B អាយុ ៣០ឆ្នាំ ជាអតីតតារាសម្តែង ដែលរស់នៅក្នុងអគារផ្ទះល្វែងជាមួយគ្នា និងជិតស្និទ្ធនឹងនាង។ នាង B បានដឹងពីការប្រើប្រាស់គ្រឿងញៀនរបស់ A និងទំនាក់ទំនង ជាមួយ Lee Sun-kyun ហើយបានក្លែងខ្លួនជាអ្នក Hacker ដើម្បីប្រើ Black Mail នាង A។ នៅពេលដែលបរាជ័យ នាងបានទាក់ទង Lee Sun-kyun ដោយផ្ទាល់ក្នុងខែតុលា ឆ្នាំ ២០២៣ ដោយទាមទារ នូវទឹកប្រាកចំនួន១០០ លានវ៉ុន(២៤,៩៦៧ដុល្លារ) ហើយបានជំរិតទារបន្ថែមចំនួន៥០លានវ៉ុន(១២,៤៧៧ដុល្លារ)។
ដោយឡែក ក្នុងរឿងក្តីរបស់ស្រ្តីឈ្មោះ B តំណាងអយ្យការមិនបានបន្តការកាត់ទោសក្នុងពេលប្តឹងឧទ្ធរណ៍ទេ ដោយសារអវត្តមានមេធាវីរបស់នាង។
នៅខែធ្នូ ឆ្នាំ ២០២៣ តុលាការជាន់ទាបបានកាត់ទោសអ្នកស្រី A ឲ្យជាប់គុក ៣ ឆ្នាំ ៦ ខែ ចំណែកអ្នកស្រី B ទទួលបាន ៤ ឆ្នាំ ២ ខែ។ ក្រោយមក អ្នកស្រី A បានប្តឹងឧទ្ធរណ៍ចំពោះសាលក្រមភ្លាមៗ។
ដោយឡែកកញ្ញា A មានប្រវត្តិព្រហ្មទណ្ឌមានការផ្ដន្ទាទោសចំនួន ៦លើកកន្លងមក រួមទាំងបទចោទប្រកាន់គ្រឿងញៀន។ នាងត្រូវបានកាត់ទោសឲ្យជាប់ពន្ធនាគាររយៈពេល ១ ឆ្នាំក្នុងខែតុលា ឆ្នាំ ២០២៣ ពីបទទទួល និងប្រើប្រាស់ ប្រភេទថ្នាំ កេតាមីន និង មេតំហ្វេតាមីន ចំនួន ៣ដងក្នុងចន្លោះខែធ្នូ ឆ្នាំ ២០២២ ដល់ខែសីហា ឆ្នាំ ២០២៣៕
អត្ថបទ៖ សាង ស្រីល័ក្ខ
ស្រ្តីដែលជំរិតទារលុយពីតារាសម្តែងកូរ៉េ Lee Sun-kyun អាចជាប់ទោស៧ឆ្នាំ
Lavrov៖ រុស្ស៊ីមិនអាចបំពេញកាតព្វកិច្ចការពារអាមេនីទាន់ពេល ដោយសារជាប់ប្រយុទ្ធប្រឆាំងអឺរ៉ុបនៅអ៊ុយក្រែន
ក្រសួងអប់រំថៃ បណ្តេញគ្រូបង្រៀនម្នាក់ចេញពីការងារ ព្រោះពាក់របាំងមុខ ថតវីដេអូអាក្រាតកាយក្នុងសាលារៀន
SEA Games 2025 ប្រទេសថៃ ប្រើប្រាស់ ខេត្ត-ក្រុង ចំនួន៣ សម្រាប់ប្រកួតលើ ៥០ប្រភេទកីឡា
ស្ថិតិដ៏ល្អរបស់លោក Pep Munoz ដឹកនាំក្លិបព្រះខ័នរាជស្វាយរៀង ២ រដូវកាល
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
នាវាចម្បាំងកូរ៉េខាងជើង លិចនៅថ្ងៃសម្ពោធ ចំពោះមុខលោក គីម ជុងអ៊ុន តែម្តង
ត្រាំ ឆ្លើយតបទៅ ហ្សេលេនស្គី៖ «រឿងដាក់ទណ្ឌកម្មរុស្ស៊ីឬមិនដាក់ ខ្ញុំជាអ្នកសម្រេច មិនមែនអ្នកផ្សេងទេ»
ជំនន់ទឹកភ្លៀងនៅអូរព្រំដែនកម្ពុជា-ថៃ បានឆក់យកជីវិតក្មេងស្រីអាយុ៣ឆ្នាំម្នាក់
មេបញ្ជាការរងអាវុធហត្ថខណ្ឌចំការមនទទួលមរណភាពក្នុងវ័យ៥៣ឆ្នាំ
-
ចរាចរណ៍៥ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៣ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម២២ ម៉ោង agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍៧ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៧ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ២ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៤ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម២ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច