ខន សូរិយា ទម្លាយរឿង Director ម្នាក់ ល្បួងអ្នកសិល្ប:ចាស់-ក្មេង មិនរើសភេទ ធ្វើរឿងមិនគប្បី ជាថ្នូរនឹងការសម្ដែង

មហាជនអ្នកគាំទ្រកំពុងតែមានការចាប់អារម្មណ៍ និងភ្ញាក់ផ្អើលបន្ទាប់ពីតារាសម្តែងរូបស្រស់កញ្ញា ខន សូរិយា បានដាច់ចិត្តចេញមុខទម្លាយរឿងដ៏ហួសចិត្ត ជុំវិញករណីផលិតករម្នាក់ល្បួងអ្នកសិល្ប:ចាស់-ក្មេង មិនរើសភេទ ដើម្បីធ្វើរឿងមិនគម្បីជាថ្នូរនឹងការបានចូលសម្ដែង។

តារាស្រី ខន សូរិយា បានរៀបរាប់នៅលើបណ្តាញសង្គមហ្វេសប៊ុករបស់ខ្លួនថាមកដល់ពេលនេះមាន​ជនរងគ្រោះ​ជិត១០នាក់ ហើយ​ដែលបាននិយាយរឿងដែលបុគ្គលនោះបានធ្វើ។

ទន្ទឹមនឹងសំណេរទម្លាយអាថ៌កំបាំងនេះ តារាស្រីរូបនេះ ក៏រំពឹងដែរថា ជនរងគ្រោះ​ផ្សេង​ទៀត នឹង​មានភាពក្លាហាន​ហានដូចជានាង ទម្លាយរឿងខ្មៅងងឹតនេះ ដេីម្បី​ខ្លួន​ឯង​ក៏​ដូច​ដេីម្បី​ការពារ​កុំ​ឱ្យ​មាន​ក្មេងៗ​ស្រី​ៗ​ផ្សេង​ទៀតជួប​រឿងបែបនេះ ដោយ​សារ​តែ​ director រូបនោះទៀត​ ដោយសង្កត់ធ្ងន់ថា ជននោះត្រូវ​ទទួល​ខុសត្រូវ​តាម​ផ្លូវ​ច្បាប់​។

កញ្ញា ខន សូរិយា បញ្ជាក់ថា អ្នកដឹកនាំសម្តែងរឿងម្នាក់នេះបានល្បួងទាំងភេទទី៣ ក្មេងប្រុស ក្មេងស្រីមិនថាចាស់ ឬក្មេងទេគឺ director ម្នាក់ល្បួងទៅដេកជាមួយទាំងអស់ ខណៈបច្ចុប្បន្ន ជនរងគ្រោះទាំងនោះ ក៏កំពុងរៀបចំភស្តុតាងដើម្បីប្តឹងតាមផ្លូវច្បាប់។

តារាស្រីរូបនេះ បាននិយាយទៀតថា ច្បាប់បង្កេីតឡេីងមកដេីម្បីឱ្យមនុស្សចេះគោរពសិទ្ធរបស់មនុស្ស​ ដេីម្បីឱ្យមនុស្សមានសីលធម៌ល្អនៅក្នុងសង្គម​ ដេីម្បីឱ្យមនុស្សដឹងអំពីបន្ទាត់របស់ខ្លួន ដេីម្បីឱ្យដឹងថាអ្នកណាល្អអ្នកណាមិនល្អ​ ដេីម្បីកុំអោយបំពុលសង្គម (ច្បាប់មិនមែចេះតែនិយាយថាយកមកបាំងថា ខ្លួនស្អាតស្អំទេ​ មនុស្សមួយចំនួនអេីយសូមឈប់គិតបែបនេះទៅ)។

តារាសម្តែង ខន សូរិយា ដាក់ចំៗថា “សារធាតុមនុស្សដែលមិនចេះគិតរក្សាតម្លៃកិត្តិយសខ្លួន និងគ្រួសារនាំមកនៅវិប្បដិសារី ច្បាប់គ្រួសារនិងច្បាប់សង្គម កុំចេះតែដើរបរិហារកេ្តរ៍គេប្រយ័ត្នវ័កកខ្លួនឯង”។ យ៉ាណា ទោះបីនាងទម្លាយរឿងផលិតករខាងបែបនេះក្តីប៉ុន្តែស្រីស្អាត សូរិយា មិនទាន់បង្ហើបឱ្យដឹងទេថា director ម្នាក់នោះគឺជានណានៅឡើយទេ៕ ចាន់រ៉ា