អ្នកណានឹងចូលរួមកិច្ចប្រជុំកំពូលអាស៊ានឆ្នាំនេះតំណាងប្រទេស មីយ៉ាន់ម៉ា?
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកណានឹងចូលរួមកិច្ចប្រជុំកំពូលអាស៊ានឆ្នាំនេះតំណាងប្រទេស មីយ៉ាន់ម៉ា?

បានផុស

នៅ

រដ្ឋមន្រ្តីក្រសួងការបរទេសថៃបាននិយាយនៅថ្ងៃសៅរ៍នេះថា មេដឹកនាំយោធាមីយ៉ាន់ម៉ាគឺលោកឧត្តមសេនីយ៍ Min Aung Hlaing នឹងចូលរួមជាមួយមេដឹកនាំអាស៊ីអាគ្នេយ៍នៅក្នុងកិច្ចប្រជុំកំពូលពិសេសមួយនៅទីក្រុងហ្សាកាតានៅសប្តាហ៍ក្រោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីរដ្ឋប្រហារថ្ងៃទី ១ ខែកុម្ភៈ ប្រទេសមីយ៉ាន់ម៉ាបានស្ថិតក្នុងភាពច្របូកច្របល់ដោយមានក្រុមបាតុកររាប់រយរាប់ពាន់នាក់បានធ្វើដំណើរតាមដងផ្លូវដើម្បីទាមទារឲ្យមានលទ្ធិប្រជាធិបតេយ្យឡើងវិញ ។ ក្រុមឃ្លាំមើលក្នុងតំបន់បាននិយាយថា ពួកយោធាបានព្យាយាមបង្ក្រាបចលនាប្រឆាំងរដ្ឋប្រហារដោយកម្លាំងដ៍សាហាវដោយបានសម្លាប់មនុស្សជាង ៧២០ នាក់ និងឃុំឃាំងសកម្មជន អ្នកកាសែត និងអ្នកប្រឆាំងប្រមាណ ៣,១០០ នាក់ ។

ទន្ទឹមនោះសហគមន៍អន្តរជាតិបានថ្កោលទោសយ៉ាងខ្លាំងចំពោះរបបយោធាដែលបានប្រើកម្លាំងរបស់ខ្លួនប្រឆាំងនឹងជនស៊ីវិលដែលគ្មានអាវុធ ដាក់ទណ្ឌកម្មជាគោលដៅប្រឆាំងនឹងយោធាជាន់ខ្ពស់ ក្រុមគ្រួសាររបស់ពួកគេ និងអាជីវកម្មដែលទាក់ទងនឹងកងទ័ពជាដើម ។

ប៉ុន្តែមេដឹកនាំក្នុងតំបន់បានព្យាយាមបើកការប្រាស្រ័យទាក់ទងជាមួយរបបនេះ ហើយនៅថ្ងៃសៅរ៍នេះក្រសួងការបរទេសថៃបានបញ្ជាក់ពីកិច្ចប្រជុំកំពូលមួយនៅទីក្រុងហ្សាកាតាស្តីពីស្ថានភាពរបស់មីយ៉ាន់ម៉ាដែលនឹងរួមបញ្ចូលទាំងលោក Min Aung Hlaing ផងដែរ ។ អ្នកនាំពាក្យលោក Tanee Sangrat បាននិយាយនៅក្នុងសារទៅកាន់អ្នកសារព័ត៌មានថា “មេដឹកនាំមួយចំនួនបានបញ្ជាក់ពីការចូលរួមរបស់ខ្លួនរួមទាំងលោក Min Aung Hlaing របស់មីយ៉ាន់ម៉ាផងដែរ” ។

កិច្ចប្រជុំនៃប្លុកប្រទេសទាំង ១០ នៃសមាគមប្រជាជាតិអាស៊ីអាគ្នេយ៍ (អាស៊ាន) ត្រូវបានគេរំពឹងថា នឹងដោះស្រាយវិបត្តិដែលកំពុងកើតមាននៅក្នុងប្រទេសមីយ៉ាន់ម៉ា ក្រោយរដ្ឋប្រហារ ហើយនឹងត្រូវធ្វើឡើងនៅថ្ងៃទី ២៤ ខែមេសា នៅទីក្រុងហ្សាការតា ។ របបយោធាបានបង្ហាញភាពត្រឹមត្រូវនៃការផ្ដួលរំលំរដ្ឋាភិបាលដោយកម្លាំងយោធា ដោយចោទប្រកាន់ពីការក្លែងបន្លំសន្លឹកឆ្នោតនៅក្នុងការបោះឆ្នោតខែវិច្ឆិកា ដែលគណបក្សរបស់លោកស្រី ស៊ូជី បានឈ្នះយ៉ាងភ្លូកទឹកភ្លូកដី ។

យោធាបាននិយាយថា ខ្លួននឹងប្រគល់អំណាចទៅឲ្យរដ្ឋបាលស៊ីវិល បន្ទាប់ពីការបោះឆ្នោតត្រូវបានធ្វើឡើងក្នុងរយៈពេលប្រហែលមួយឆ្នាំ ទោះបីជាថ្មីៗនេះពួកគេបានពន្យារពេលកំណត់រយៈពេលពីរឆ្នាំទៀតក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ The New Indian Express

ចុចអាន ៖ យោធាមីយ៉ាន់ម៉ាដោះលែងអ្នក ទោស ជាង ២៣,០០០ នាក់ តែគ្មានសកម្មជនដែលចាប់ខ្លួន អំឡុងរដ្ឋប្រហារ ១ កុម្ភៈ នោះទេ

ចុចអាន ៖ បាញ់សម្លាប់បាតុករហើយ យោធាមីយ៉ាន់ម៉ា ទារប្រាក់៨៥ដុល្លារពីសាច់ញាតិទៀត បើចង់យកសពទៅផ្ទះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខ្យល់​និរតី​ដែល​បក់​ពី​ឈូង​សមុទ្រ​ថៃ ​នឹង​មាន​ឥទ្ធិពល​ខ្លាំង​មក​លើ​កម្ពុជា​ ចាប់​ពី​ថ្ងៃទី១៤-១៦​ឧសភា

ព័ត៌មានខ្លីៗ៣ ម៉ោង មុន

៣​ខែ​ឆ្នាំនេះ​កំពង់ផែ​ស្វយ័ត​ក្រុងព្រះសីហនុចំណេញ​ជាង​ ៩​លាន​ដុល្លារ ​កើនឡើង​ ៩៧​ភាគរយ

ព័ត៌មានជាតិ៣ ម៉ោង មុន

កញ្ញា មាន​ ពេជ្រវីតា​​​​ បានចេញ​ពី​ពន្ធនាគារ​ជាបណ្តោះអាសន្ន​ហើយ

ព័ត៌មានជាតិ៣ ម៉ោង មុន

ក្រុមហ៊ុន​ឯកជន​២​ក្រុម​ ប្រគល់​ស្បៀងអាហារ​ជាច្រើន​មុខ ជូន​រដ្ឋបាល​រាជធានី​ភ្នំពេញ ដើម្បី​ជួយឧបត្ថម្ភ​​ជូន​ប្រជាពលរដ្ឋ រង​ផល​ប៉ះពាល់​ធ្ងន់ធ្ងរ​ពី​កូ​វីដ​-១៩

ព័ត៌មានជាតិ៣ ម៉ោង មុន

៣​ខែ​ឆ្នាំនេះ​កំពង់ផែ​ស្វយ័ត​ក្រុងព្រះសីហនុ​ទទួល​បាន​ប្រាក់ចំណេញ​ជាង​៩​លាន​ដុល្លារ ​កើនឡើង​៩៧​ភាគរយ

Sokha Hotels

ព័ត៌មានពេញនិយម

Helistar Cambodia - Helicopter Charter Services