ព័ត៌មានអន្ដរជាតិ
បាញ់សម្លាប់បាតុករហើយ យោធាមីយ៉ាន់ម៉ា ទារប្រាក់៨៥ដុល្លារពីសាច់ញាតិទៀត បើចង់យកសពទៅផ្ទះ
យោធាមីយ៉ាន់ម៉ាកំពុងទារប្រាក់ចំនួន៨៥ដុល្លារអាមេរិក ពីក្រុមគ្រួសារ បើចង់យកសាកសពរបស់សាច់ញាតិដែលត្រូវបានសម្លាប់ដោយកងកម្លាំងសន្តិសុខ នៅក្នុងការបង្ក្រាបបង្ហូរឈាមមួយកាលពីថ្ងៃសុក្រ។
ក្រុម Assistance Association for Political Prisoners (AAPP) បាននិយាយថា មនុស្សយ៉ាងតិច៨២នាក់ ត្រូវបានសម្លាប់កាលពីថ្ងៃសុក្រនៅក្នុងទីក្រុង Bago ដែលមានចម្ងាយ៩០គីឡូម៉ែត្រ ភាគឦសានទីក្រុងយ៉ាំងហ្គោនបន្ទាប់ពីទីក្រុង ត្រូវបានវាយឆ្មក់ដោយកងទ័ព។
AAPP បាននិយាយថា យោធាមីយ៉ាន់ម៉ាបានបាញ់ទៅលើក្រុមបាតុករប្រឆាំងរដ្ឋប្រហារដោយប្រើកាំភ្លើងរះ គ្រាប់ត្រយ៉ូងចេក និងគ្រាប់បែកដៃ។
សាក្សីឃើញផ្ទាល់ភ្នែកម្នាក់នៅក្នុងទីក្រុង Bago ដែលមិនហ៊ានបញ្ចេញឈ្មោះ បានប្រាប់ CNN កាលពីថ្ងៃអាទិត្យថា ប្រជាពលរដ្ឋជាច្រើនបានភៀសខ្លួនទៅកាន់ភូមិក្បែរនោះ ចាប់តាំងពីការវាយឆ្មក់កាលពីថ្ងៃសុក្រ។ អ៊ីនធើណិតត្រូវបានកាត់ផ្តាច់នៅក្នុងតំបន់នេះចាប់តាំងពីថ្ងៃសុក្រមក ហើយកងកម្លាំងសន្តិសុខកំពុងឆែកឆេរនៅតាមសង្កាត់នានា។
សាកសពត្រូវបានគេគរទុក នៅឯកន្លែងដាក់សពបន្ទាប់ពីការបាញ់ប្រហារ។
យោធាកំពុងទារប្រាក់ចំនួន១២០,០០០ គីយ៉ាត (៨៥ដុល្លារអាមេរិក) ពីក្រុមគ្រួសារណាដែលចង់យកសាកសពរបស់សាច់ញាតិ ដែលបានស្លាប់កាលពីថ្ងៃសុក្រ។ នេះបើយោងតាមការបង្ហោះ Facebook ពីសហភាពនិស្សិតនៃសកលវិទ្យាល័យ Bago។
ទោះបីជាយ៉ាងណាក៏ដោយ CNN មិនបានផ្ទៀងផ្ទាត់របាយការណ៍ ហើយមិនបានទាក់ទងទៅយោធាដើម្បីសុំការអត្ថាធិប្បាយទេ។
គួរបញ្ជាក់ថា មនុស្សជាង៧០០នាក់បានស្លាប់ ចាប់តាំងពីយោធាផ្តួលរំលំរដ្ឋាភិបាលជាប់ឆ្នោតរបស់មីយ៉ាន់ម៉ានៅក្នុងរដ្ឋប្រហារថ្ងៃទី១ខែកុម្ភៈ។
ចាប់តាំងពីពេលនោះមក កងទ័ពបានបើកការបង្ក្រាបជាលក្ខណៈប្រព័ន្ធប្រឆាំងនឹងក្រុមបាតុករដែលគ្មានអាវុធ ហើយបានឃុំខ្លួនមនុស្សប្រមាណ៣,០០០នាក់ និងបង្ខំឲ្យសកម្មជនជាច្រើននាក់សំងំលាក់ខ្លួន៕
ប្រែសម្រួលដោយ៖ Vann Vann
ប្រភព៖ CNN
ចុចអាន៖ អ្នកតវ៉ាមីយ៉ាន់ម៉ាត្រូវបានសម្លាប់ដល់ជាង៧០០នាក់ហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ