ព័ត៌មានអន្ដរជាតិ
កូវីដ១៩៖ ថ្ងៃនេះ ឥណ្ឌា បំបែកកំណត់ត្រាពិភពលោកទៀតហើយ
នៅថ្ងៃសុក្រទី២៣ខែមេសានេះ ប្រទេសឥណ្ឌាបានបំបែកកំណត់ត្រាពិភពលោក មានអ្នកឆ្លងជំងឺកូវីដ-១៩ថ្មីខ្ពស់បំផុត ២ថ្ងៃជាប់គ្នា ខណៈចំនួនអ្នកស្លាប់ក្នុងរយៈពេល២៤ម៉ោងចុងក្រោយដោយសារជំងឺនេះ ក៏ស្ថិតក្នុងកម្រិតកំណត់ត្រាផងដែរ។
ជាមួយនឹងករណីថ្មីចំនួន៣៣២,៧៣០នាក់ ចំនួនករណីសរុបរបស់ប្រទេសឥណ្ឌា ឥឡូវបានកើនដល់១៦លាននាក់ហើយ។ ការស្លាប់បានកើនឡើងចំនួន២,២៦៣នាក់ទៀត ពោលគឺឈានដល់ ១៨៦,៩២០នាក់។ នេះបើយោងតាមទិន្នន័យរបស់ក្រសួងសុខាភិបាល។
ការផ្ទុះឡើងនៃជំងឺនេះ ត្រូវបានគេស្តីបន្ទោសទៅលើវីរុសបំប្លែងខ្លួនប្រភេទថ្មី និងច្បាប់ដ៏ធូររលុងរបស់រដ្ឋាភិបាល ដែលអនុញ្ញាតឲ្យមានការប្រមូលផ្តុំខាងសាសនានិងនយោបាយ ជាទ្រង់ទ្រាយធំនៅក្នុងរយៈពេលប៉ុន្មានខែថ្មីៗនេះ។
ប្រព័ន្ធថែរក្សាសុខភាពរបស់ប្រទេសឥណ្ឌា បានជួបប្រទះបញ្ហាដូចជាការខ្វះខាតថវិកាជាយូរមកហើយ ហើយការផ្ទុះជំងឺកូវីដ-១៩រលកថ្មីនេះ បាននាំឲ្យមានកង្វះខាតអុកស៊ីសែន ថ្នាំនិងគ្រែមន្ទីរពេទ្យយ៉ាងខ្លាំង ដែលជាហេតុធ្វើឲ្យមានការទទូចអង្វរសុំជំនួយ ទាំងគ្មានសង្ឃឹម។
យ៉ាងហោចណាស់មានមន្ទីរពេទ្យចំនួន៦ បានអស់អុកស៊ីសែនសម្រាប់ការផ្គត់ផ្គង់ ក្នុងរដ្ឋធានីឥណ្ឌាកាលពីយប់ថ្ងៃព្រហស្បតិ៍។
ប្រទេសឥណ្ឌា បានកត់ត្រានូវការឆ្លងថ្មីប្រហែល៤លានករណី ក្នុងរយៈពេលត្រឹមតែមួយខែនេះ។
ប្រទេសកាណាដា រួមជាមួយចក្រភពអង់គ្លេស អារ៉ាប់រួមនិងសិង្ហបុរី បានហាមឃាត់ជើងហោះហើរមកពីប្រទេសឥណ្ឌា ដោយសារតែភាពភ័យខ្លាចអំពីវីរុសបំប្លែងខ្លួនប្រភេទថ្មី៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ ត្រឹម១ថ្ងៃ ឥណ្ឌាឆ្លងកូវីដ-១៩បំបែកកំណត់ត្រាពិភពលោកជាង៣០ម៉ឺននាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង