ព័ត៌មានអន្ដរជាតិ
ក្តៅគគុក! អ៊ីស្រាអែល វាយប្រហារអាកាសដាក់ ហ្គាហ្សា សម្លាប់មនុស្ស៣៥នាក់ មានទាំងកុមារផងដែរ
នៅព្រឹកថ្ងៃពុធទី១២ខែឧសភានេះ យោធាអ៊ីស្រាអែល បានបន្តទម្លាក់គ្រាប់បែកទៅលើជ្រោយហ្គាហ្សា ដោយផ្តោតគោលដៅលើតំបន់ជាច្រើន បន្ទាប់ពីគ្រាប់រ៉ុកកែតត្រូវបានបាញ់ចេញពីទឹកដីនេះ។
វាជាការវាយប្រហារពីអាកាសខ្លាំងបំផុតនៅហ្គាហ្សា ចាប់តាំងពីមានការទម្លាក់គ្រាប់បែកកាលពីឆ្នាំ២០១៤។
អាជ្ញាធរសុខាភិបាលនៅហ្គាហ្សាបាននិយាយថា ប្រជាជនប៉ាឡេស្ទីនចំនួន៣៥នាក់ ដោយក្នុងនោះមានកុមារ១០នាក់ផងដែរ ត្រូវបានសម្លាប់ក្នុងការវាយប្រហារពីអាកាសរបស់អ៊ីស្រាអែល លើជ្រោយហ្គាហ្សាចាប់តាំងពីយប់ថ្ងៃចន្ទមក បន្ទាប់ពីក្រុមហាម៉ាសបានបាញ់រ៉ុកកែតចេញពីទឹកដីឆ្នេរសមុទ្រសំដៅទៅប្រទេសអ៊ីស្រាអែល។
ជនជាតិអ៊ីស្រាអែល៣នាក់ ក៏ត្រូវបានសម្លាប់ផងដែរ។
ការបាញ់រ៉ុកកែតនេះ បានកើតឡើងបន្ទាប់ពីក្រុមហាម៉ាស់ដែលគ្រប់គ្រងតំបន់ហ្គាហ្សា បានចេញឱសានវាទមួយ ទាមទារឲ្យអ៊ីស្រាអែលដកកងកម្លាំងសន្តិសុខរបស់ខ្លួនចេញពីបរិវេណនៃវិហារឥស្លាម Al-Aqsa ក្នុងទីក្រុងយេរូសាឡឹមខាងកើត បន្ទាប់ពីមានអំពើហិង្សាជាច្រើនលើកប្រឆាំងនឹងប្រជាជនប៉ាឡេស្ទីន។
ប៉ូលិសអ៊ីស្រាអែល បានសម្រុកចូលបរិវេណនោះបីថ្ងៃជាប់ៗគ្នា ដោយបាញ់គ្រាប់កាំភ្លើងជ័រនិងឧស្ម័នបង្ហូរទឹកភ្នែកទៅលើអ្នកគោរពបូជាប៉ាឡេស្ទីន នៅខាងក្នុងវិហារនៅថ្ងៃចុងក្រោយនៃខែបុណ្យ Ramadan។
ជនជាតិប៉ាឡេស្ទីនជាង៧០០នាក់បានរងរបួសនៅក្នុងទីក្រុងយេរូសាឡឹម និងនៅទូទាំងតំបន់ West Bank ក្នុងរយៈពេលប៉ុន្មានថ្ងៃថ្មីៗនេះ៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ អាមេរិក បើកការវាយប្រហារអាកាសលើកងកម្លាំងគាំទ្រដោយអ៊ីរ៉ង់ នៅស៊ីរី
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)