ព័ត៌មានអន្ដរជាតិ
មេ UN ថា “យើងកំពុងធ្វើសង្គ្រាមប្រឆាំងកូវីដ” ហើយត្រូវប្រកាន់ខ្ជាប់ក្បួនសឹកបញ្ឈប់រោគរាតត្បាតមួយនេះ
អគ្គលេខាធិការអង្គការសហប្រជាជាតិ (UN) លោក Antonio Guterres បាននិយាយនៅក្នុងពិធីបើកកិច្ចប្រជុំប្រចាំឆ្នាំ របស់រដ្ឋជាសមាជិកនៃអង្គការសុខភាពពិភពលោក (WHO) ថា “យើងកំពុងធ្វើសង្គ្រាម ប្រឆាំងនឹងជំងឺកូវីដ ១៩” ។
ក្នុងកិច្ចប្រជុំនោះ ប្រមុខ UN បានទទូចដល់សហគមន៍អន្តរជាតិ ឲ្យប្រកាន់ខ្ជាប់នូវក្បួនសឹកធ្វើសង្គ្រាម ដើម្បីបញ្ឈប់រោគរាតត្បាតមួយនេះ ។
លោក Guterres បាននិយាយថា “យើងកំពុងធ្វើសង្គ្រាមជាមួយវីរុស ។ យើងត្រូវការក្បួន និងភាពបន្ទាន់នៃសេដ្ឋកិច្ចសង្គ្រាម ដើម្បីបង្កើនសមត្ថភាពអាវុធរបស់យើង” ។
ទន្ទឹមនឹងនេះដែរ លោក Tedros Adhanom Ghebreyesus អគ្គនាយកអង្គការសុខភាពពិភពលោក (WHO) ក៏បានអំពាវនាវនៅក្នុងសន្ទរកថារបស់លោកផងដែរថា “យ៉ាងហោចណាស់ ១០ ភាគរយនៃប្រជាជនប្រទេសនីមួយៗ ត្រូវបានចាក់វ៉ាក់សាំងការពារជំងឺកូវីដ ១៩ នៅត្រឹមខែកញ្ញា” ។
បន្ថែមពីនេះ លោក Tedros ក៏បានសម្ដែងការគោរព ចំពោះការលះបង់របស់បុគ្គលិកសុខាភិបាល នៅជុំវិញពិភពលោក ដើម្បីប្រយុទ្ធប្រឆាំងនឹងរោគរាតត្បាតមួយនេះ ដោយកត់សម្គាល់ថា យ៉ាងហោចណាស់មានគ្រូពេទ្យចំនួន ១១៥,០០០ នាក់បានស្លាប់ ដោយសារជំងឺកូវីដ ១៩ ចាប់តាំងពីការចាប់ផ្តើមរោគរាតត្បាត ។
លោកបាននិយាយថា “អស់រយៈពេលជិត ១៨ ខែ បុគ្គលិកសុខាភិបាល និងថែទាំទូទាំងពិភពលោក ស្ថិតក្នុងស្ថានភាពប៉ះពាល់ដល់អាយុជីវិត និងសេចក្តីស្លាប់ជាដើម ។ ពួកគេបានជួយសង្គ្រោះជីវិតមនុស្សរាប់មិនអស់ និងបានប្រឹងប្រែងអស់ពីសមត្ថភាព ក្នុងការប្រយុទ្ធប្រឆាំងដើម្បីអ្នកផ្សេងទៀត រហូតដល់ពួកគេស្លាប់បាត់បង់ជីវិត” ។
លោក Tedros បានកត់សម្គាល់ថា ជាង ៧៥ ភាគរយនៃវ៉ាក់សាំងទាំងអស់ ត្រូវបានចាក់ក្នុងប្រទេសចំនួន ១០ ប៉ុណ្ណោះ ។ លោកបានហៅបញ្ហានេះថាជា “វិសមភាពដ៏គួរឲ្យស្អប់ខ្ពើម” ហើយបាននិយាយថា វាកំពុងតែបង្កឲ្យមានជំងឺរាតត្បាត រហូតមកដល់ពេលនេះ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ មេ WHO ព្រមានថា ពិភពលោកនឹងបន្តជួប “វីរុសដែលសាហាវជាងនេះ” ទាំងការឆ្លង និងស្លាប់ នាពេលខាងមុខ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ