កូវីដ-១៩
មេ WHO ព្រមានថា ពិភពលោកនឹងបន្តជួប “វីរុសដែលសាហាវជាងនេះ” ទាំងការឆ្លង និងស្លាប់ នាពេលខាងមុខ
អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បានចេញការព្រមានយ៉ាងខ្លាំងដល់ប្រទេសនានា នៅពេលថ្លែងទៅកាន់សន្និបាតប្រចាំឆ្នាំ ដែលមានការចូលរួម ពីរដ្ឋជាសមាជិកចំនួន ១៩៤ របស់ខ្លួនថា “ពិភពលោកនៅតែស្ថិតក្នុងស្ថានភាពគ្រោះថ្នាក់ខ្លាំង ហើយកំពុងប្រឈមបញ្ហាដូចភ្លើងឆេះព្រៃ ទោះបីជាអត្រាទទួលការចាក់វ៉ាក់សាំង របស់ពួកគេជោគជ័យក៏ដោយ” ។
ទន្ទឹមនោះ លោកក៏បានសាទរ ចំពោះកិច្ចខិតខំប្រឹងប្រែងជាសកល របស់បុគ្គលិកពេទ្យដែលកំពុងប្រយុទ្ធ នៅជួរមុខនៃវិបត្តិសុខភាពមួយនេះ ប៉ុន្តែលោកបានសង្កត់ធ្ងន់ថា ដរាបណាវីរុស SARS-CoV-2 និងវីរុសបំប្លែងខ្លួននៅតែបន្តរីករាលដាលនោះ គ្មានកន្លែងសម្រាប់ភាពរីករាយឡើយ ។
លោកបាននិយាយថា “សូមកុំធ្វើឲ្យមានកំហុសអ្វីបន្ថែមទៀត នេះមិនមែនជាលើកចុងក្រោយទេ ដែលពិភពលោកប្រឈមមុខនឹង ការគំរាមកំហែងនៃជំងឺរាតត្បាត ។ វាជាការវិវត្តដ៏ប្រាកដប្រជាមួយ ដែលថានឹងមាន វីរុសមួយផ្សេងទៀត ដែលមានសក្តានុពលក្នុងការចម្លង និងស្លាប់ច្រើនជាងមេរោគនេះ” ។
លោក Tedros បានកត់សម្គាល់ថា ជាង ៧៥ ភាគរយនៃវ៉ាក់សាំងទាំងអស់ ត្រូវបានចាក់ក្នុងប្រទេសចំនួន ១០ ប៉ុណ្ណោះ ។ លោកបានហៅបញ្ហានេះថាជា “វិសមភាពដ៏គួរឲ្យស្អប់ខ្ពើម” ហើយបាននិយាយថា វាកំពុងតែបង្កឲ្យមានជំងឺរាតត្បាត រហូតមកដល់ពេលនេះ ។
ស្របពេលជាមួយគ្នានេះ លោក Tedros បានគូសបញ្ជាក់ពីគោលដៅថ្មី ដែលត្រូវបានកំណត់សម្រាប់ការពារប្រជាជន នៅក្នុងប្រទេសក្រីក្របំផុត ពីរោគរាតត្បាតជាសកលមួយនេះ ។ លោកក៏បានជំរុញឲ្យបណ្តាប្រទេសនានា បរិច្ចាគវ៉ាក់សាំងទៅឲ្យគម្រោង COVAX ដែលគ្រប់គ្រងដោយ WHO និងសម្ព័ន្ធវ៉ាក់សាំង GAVI ជាដើម ។
ជាចុងក្រោយមេ WHO រូបនេះបានបន្ថែមថា “ការបរិច្ចាគ ឬការចែកចាយវ៉ាក់សាំង គឺពិតជាមានសារៈសំខាន់ណាស់ ដើម្បីបញ្ឈប់ការឆ្លងរាតត្បាត និងការស្លាប់ ជួយសង្គ្រោះបុគ្គលិកថែទាំសុខភាពរបស់យើង ឲ្យមានសុវត្ថិភាព ក៏ដូចជាបើកសង្គម និងសេដ្ឋកិច្ចឡើងវិញ” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ