មេដឹកនាំសភាឥណ្ឌា ហៅការសម្អាតផ្នូរនៅតាមដងទន្លេគង្គា ថាជា “អំពើសាងបាបកម្ម”
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មេដឹកនាំសភាឥណ្ឌា ហៅការសម្អាតផ្នូរនៅតាមដងទន្លេគង្គា ថាជា “អំពើសាងបាបកម្ម”

បានផុស

នៅ

មេដឹកនាំសភាលោកស្រី Priyanka Gandhi Vadra បានហៅ ការដកយកក្រណាត់គ្របសព ជនរងគ្រោះដោយសារជំងឺកូវីដ-១៩ នៅតាមបណ្តោយដងទន្លេ គង្គារ ថាជា “អំពើបាប”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Priyanka Gandhi Vadra to Centre: 'Cancel class 10, 12 board exams' - The  Week
មេដឹកនាំសភាលោកស្រី Priyanka Gandhi Vadra

ក្នុងរយៈពេលជាច្រើនសប្តាហ៍កន្លងមកនេះ សពជនរងគ្រោះកូវីដអណ្តែតទឹក នៅក្នុងទន្លេគង្គា បានបង្កជាក្តីព្រួយបារម្ភយ៉ាងខ្លាំងចំពោះអាជ្ញាធរនិងប្រជាជនដែលរស់នៅខ្សែទឹកខាងក្រោមក្នុងរដ្ឋ Uttar Pradesh និង Bihar។ ក៏មានរបាយការណ៍អំពីការបញ្ចុះសពទ្រង់ទ្រាយធំ នៅតាមដងទន្លេផងដែរ។ សពទាំងនោះ ត្រូវបានគេគ្របជាមួយក្រណាត់ពណ៌ទឹកក្រូច នៅក្រោមវាលខ្សាច់ពណ៌ស។

Bodies found buried in sand on banks of Ganga in UP's Prayagraj | Latest  News India - Hindustan Times

ឥឡូវនេះ មានវីដេអូឃ្លីបជាច្រើនបានលេចឡើងចេញពីទីក្រុង Prayagraj នៃរដ្ឋ Uttar Pradesh ដែលនៅទីនោះ កម្មករក្រុងត្រូវបានគេមើលឃើញ កំពុងទាញក្រណាត់ពណ៌លឿងដែលគ្របពីលើផ្នូរ។ ការអនុវត្តប្រហាក់ប្រហែលគ្នានេះ ក៏ត្រូវបានធ្វើឡើងនៅឯទីក្រុង Unnao ផងដែរ។ ពួកគេក៏បានយកឬស្សីដែលប្រើសម្រាប់ការខណ្ឌចែកផ្នូរ ចេញផងដែរ។

លោកស្រី Priyanka Gandhi បានបង្ហោះ Twitter ថា “ពួកគេមិនបានទទួលការព្យាបាលត្រឹមត្រូវទេ ពេលនៅរស់។ ដូច្នេះ ពួកគេជាច្រើន មិនបានទទួលពិធីសាសនាចុងក្រោយត្រឹមត្រូវឡើយ។ ហើយឥឡូវនេះ សូម្បីក្រណាត់គ្របសព ក៏ត្រូវបានគេយកចេញពីផ្នូររបស់ពួកគេដែរ”។

This image has an empty alt attribute; its file name is river-1024x668.jpg

លោកស្រី Gandhi សរសេរថា “ឥឡូវនេះ រដ្ឋាភិបាល កំពុងធ្វើទង្វើមានបាបកម្ម”។

របាយការណ៍បានលើកឡើងថា អ្នកស្លាប់ត្រូវបានគេបោះចូលទៅក្នុងទឹកទន្លេ ដោយសារតែហេតុផលជាច្រើនរួមមាន សាច់ញាតិគ្មានលុយរៀបចំពិធីបូជា, ខ្វះឧស និងកន្លែងបូជាមានសពច្រើនពេកដោយសារតែអ្នកស្លាប់មានកម្រិតខ្ពស់បំផុត ក្នុងរលកទី២នៃជំងឺកូវីដ-១៩៕

ប្រែសម្រួល៖ Vann Vann

ប្រភព៖ NDTV

ចុចអាន៖ ឥណ្ឌា ផ្ទុះជំងឺមួយប្រភេទទៀត សាហាវជាងមេរោគ “ផ្សិតខ្មៅ”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services