លេងមែនទែនហើយ! អាមេរិក កំពុងពន្លឿនការដាក់ពង្រាយអាវុធល្បឿនលឿនជាងសំលេង

បើតាមសម្ដីរបស់លោក Mike White អនុរដ្ឋមន្រ្តីក្រសួងការពារជាតិ ដើម្បីស្រាវជ្រាវ និងវិស្វកម្មអាមេរិក បានឲ្យដឹងថា សហរដ្ឋអាមេរិកកំពុងពន្លឿន ការដាក់ពង្រាយអាវុធល្បឿនលឿនជាងសំលេង នាឆ្នាំក្រោយនេះ ។

កាលពីឆ្នាំ ២០២០ សេវាកម្មស្រាវជ្រាវសភា បានប្រកាសថា កងកម្លាំងប្រដាប់អាវុធអាមេរិក កំពុងធ្វើការក្នុងវិស័យចំនួន ៣ ទាក់ទងទៅនឹងអាវុធល្បឿនលឿនជាងសំលេងនេះ ។

លោក White បាននិយាយក្នុងអំឡុងកិច្ចពិភាក្សា ដែលរៀបចំដោយមជ្ឈមណ្ឌលយុទ្ធសាស្ត្រ និងការសិក្សាអន្តរជាតិថា “ថវិកាដែលបានទម្លាក់សម្រាប់ឆ្នាំ ២០២២ គឺជាសេចក្តីថ្លែងដ៏សំខាន់មួយពីក្រសួង អំពីសារៈសំខាន់នៃអាវុធល្បឿនលឿនជាងសំលេង និងជាការសម្រេចចិត្តរបស់ក្រសួង ក្នុងការផ្តល់មូលនិធិដល់យុទ្ធសាស្ត្រ បង្កើនល្បឿនរបស់យើងសម្រាប់អាវុធបែបនេះ” ។

អាវុធល្បឿនលឿនជាងសំលេង ធ្វើដំណើរក្នុងល្បឿនពី ៥ ទៅ ២៧ ដងនៃសំលេង ដែលផ្តល់ទៅឲ្យមេបញ្ជាការយោធានូវជម្រើស និងសមត្ថភាពកាន់តែទូលំទូលាយ ដើម្បីដាក់គោលដៅនៅចំនុចខ្សោយមួយ សម្រាប់ស្ទាក់ចាប់មីស៊ីល ក្នុងពេលវេលាឆ្លើយតបដ៏ត្រឹមត្រូវ ។

សហរដ្ឋអាមេរិកបានចាត់ទុកការអភិវឌ្ឍមីស៊ីលល្បឿនលឿនជាងសម្លេង ជាអាទិភាព បន្ទាប់ពីប្រទេសរុស្ស៊ី និងចិន បានអភិវឌ្ឍអាវុធប្រភេទនេះដូចគ្នា ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ប្រើទណ្ឌកម្មហាមប្រទេសផ្សេងមិនឲ្យទិញប្រេងពី អ៊ីរ៉ង់ តែខ្លួនឯងនាំចូលប្រហែល ១ លានបារ៉ែល

ចុចអាន ៖ បារាំង ត្រៀមបញ្ជូន “រូបសំណាកសេរីភាព” ទី ២ ទៅ អាមេរិក ក្នុងរយៈពេល ១៣៥ ឆ្នាំ