ព័ត៌មានអន្ដរជាតិ
ក្រុមហ៊ុនអាមេរិក ពង្រីកការធ្វើតេស្តវ៉ាក់សាំងការពារកូវីដ លើកុមារអាយុក្រោម១២ឆ្នាំ
ក្រុមហ៊ុន Pfizer សហរដ្ឋអាមេរិក បាននិយាយថា ខ្លួននឹងចាប់ផ្តើមសាកល្បងវ៉ាក់សាំងកូវីដទ្រង់ទ្រាយធំលើកុមារ អាយុក្រោម១២ឆ្នាំ ដោយបន្ថយកម្រិតវ៉ាក់សាំង។
ក្រុមហ៊ុននេះនិយាយថា ការសិក្សានេះនឹងចុះឈ្មោះកុមាររហូតដល់ ៤,៥០០នាក់ នៅតាមគ្លីនិកជាង៩០ កន្លែងក្នុងសហរដ្ឋអាមេរិក ហ្វាំងឡង់ ប៉ូឡូញនិងអេស្ប៉ាញ។
វ៉ាក់សាំងដែលផលិតដោយក្រុមហ៊ុន Pfizer និងដៃគូអាល្លឺម៉ង់ BioNTech ត្រូវបានអនុញ្ញាតឲ្យប្រើប្រាស់ជាបន្ទាន់សម្រាប់អ្នកដែលមានអាយុចាប់ពី១២ឆ្នាំឡើងទៅ នៅសហរដ្ឋអាមេរិក កាណាដានិងសហភាពអឺរ៉ុប។ ពួកគេទទួលបានដូសដូចគ្នានឹងមនុស្សពេញវ័យដែរ ពោលគឺ ៣០ មីក្រូក្រាម។
ការចុះឈ្មោះកុមារអាយុពី ៥ ទៅ ១១ ឆ្នាំសម្រាប់ការសិក្សាថ្មីនេះ បានចាប់ផ្តើមនៅសប្តាហ៍នេះ។ ផ្អែកលើសុវត្ថិភាព ភាពស៊ូទ្រាំនិងភាពស៊ាំដែលបង្កើតដោយកុមារ ១៤៤ នាក់ក្នុងការសិក្សាដំណាក់កាលទី ១ នៃការចាក់វ៉ាក់សាំងពីរដូស, ក្រុមហ៊ុន Pfizer បាននិយាយថា ខ្លួននឹងធ្វើតេស្តវ៉ាក់សាំងកម្រិត ១០ មីក្រូក្រាមក្នុងកុមារដែលមានអាយុពី ៥ ទៅ ១១ ឆ្នាំនិង ៣ មីក្រូក្រាមសម្រាប់ ក្រុមអាយុពីប្រាំមួយខែទៅប្រាំឆ្នាំ។
អ្នកនាំពាក្យក្រុមហ៊ុន Pfizer បាននិយាយថា ក្រុមហ៊ុនរំពឹងថា ទិន្នន័យពីក្មេងអាយុពី ៥ ទៅ ១១ ឆ្នាំនឹងចេញក្នុងខែកញ្ញា ហើយទំនងជានឹងស្នើសុំនិយ័តករសម្រាប់ការអនុញ្ញាតឲ្យប្រើប្រាស់ជាបន្ទាន់នៅចុងខែនោះតែម្តង។
លោកបន្តថា ទិន្នន័យសម្រាប់ក្មេងអាយុពី ២ ទៅ ៥ ឆ្នាំអាចនឹងចេញភ្លាមៗបន្ទាប់ពីនោះ ហើយទិន្នន័យពីក្រុមអាយុពី ៦ ខែទៅ ២ ឆ្នាំនឹងចេញនៅពេលណាមួយក្នុងខែតុលាឬវិច្ឆិកា៕
ប្រែសម្រួល៖ Vann Vann
ប្រភព៖ Al Jazeera
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)