ព័ត៌មានអន្ដរជាតិ
ឥណ្ឌាលេចចេញការធ្វើតេស្តកូវីដក្លែងក្លាយរាប់ម៉ឺននាក់ពេលពិធីងូតទឹកលាងបាប
អាជ្ញាធរនៅរដ្ឋ Uttarakhand ភាគខាងជើងប្រទេសឥណ្ឌាបានបញ្ជាឲ្យប៉ូលិសធ្វើការស៊ើបង្កេតជុំវិញការចោទប្រកាន់ដែលមន្ទីរពិសោធឯកជនបានបំពេញរបាយការណ៍ធ្វើតេស្តកូវីដ-១៩ក្លែងក្លាយ។
សារព័ត៌មានបានផ្សាយថា ឈ្មោះ លេខទូរសព្ទ និងអាសយដ្ឋានក្លែងក្លាយត្រូវបានប្រើប្រាស់លើមនុស្សជាង១០ម៉ឺននាក់ដែលបានធ្វើតេស្តកូវីដ-១៩កំឡុងពេលពិធីសាសនាមុជទឹកលាងបាប Kumbh Mela កាលពីខែមេសា។
មន្ទីរពេទ្យឯកជនត្រូវបានអាជ្ញាធររដ្ឋជួលដើម្បីធ្វើតេស្តរកកូវីដ-១៩។ រដ្ឋ Uttarakhand រងការរិះគន់យ៉ាងខ្លាំងចំពោះការប្រារព្ធពិធីងូតទឹកលាងបាប Kumbh Mela ដែលបានទាក់ទាញមនុស្សរាប់លាននាក់កំឡុងពេលរាតត្បាតកូវីដ-១៩ខ្លាំង។
របាយការណ៍ពីរដ្ឋផ្សេងៗបានលើកឡើងថា មនុស្សទាំងនោះដែលវិលត្រឡប់មកពីពិធីងូតទឹកលាងបាបវិញបានឆ្លងកូវីដ-១៩ភាគច្រើន។
ហ្វូងមនុស្សច្រើនកុះករមិនពាក់ម៉ាស់ការពារខ្លួនបានចូលរួមពិធីបុណ្យ Kumbh ក្នុងខែមេសា នៅចំពេលដែលរដ្ឋជាច្រើននៅក្នុងប្រទេសឥណ្ឌាកំពុងប្រយុទ្ធនឹងកូវីដ-១៩ដែលមន្ទីរពេទ្យពោរពេញដោយអ្នកជំងឺ ខ្វះអ៊ុកស៊ីសែន និងគ្រែសង្គ្រោះបន្ទាន់។
នៅពេលនោះ មន្ត្រីបាននិយាយថា មនុស្សទាំងអស់តម្រូវឲ្យធ្វើតេស្តកូវីដ-១៩នៅមន្ទីរពិសោធឯកជនដែលស្ថិតនៅរដ្ឋហារីយ៉ាណា និងញូវដេលីដែលត្រូវជួលធ្វើតេស្តកូវីដ-១៩មួយភាគធំ។
ប៉ុន្តែសារព័ត៌មានបានផ្សាយកាលពីសប្តាហ៍មុនពីការចោទប្រកាន់ថា មន្ទីរពិសោធឯកជនទាំងនោះបានធ្វើរបាយការណ៍ក្លែងក្លាយដើម្បីបំពេញតម្រូវការកូតាតេស្តរបស់ពួកគេ។
តាមសារព័ត៌មានថា លេខទូរសព្ទ និងអាសយដ្ឋានដដែលៗត្រូវបានប្រើប្រាស់នៅក្នុងរបាយការណ៍តេស្តកូវីដ-១៩រាប់ពាន់នាក់។
អ្នកនាំពាក្យរដ្ឋាភិបាលរដ្ឋ Uttarakhand លោក Subodh Uniyal បានប្រាប់ទីភ្នាក់ងារសារព័ត៌មាន ANI ថា ៖«បទបញ្ជាឲ្យស៊ើបអង្កេតត្រូវបានដាក់រួចរាល់ហើយដើម្បីប្រឆាំងនឹងមន្ទីរពិសោធនៅទីក្រុងដេលី និងហារីយ៉ាណា ដែលមានទីតាំងធ្វើតេស្ត៥កន្លែងនៅទីក្រុង Haridwar កំឡុងពេលពិធីបុណ្យ Kumbh Mela»។
ពិធីបុណ្យ Kumbh Mela ជាពិធីសាសនាហិណ្ឌូធំបំផុតមួយដែលទាក់ទាញមនុស្សរាប់លាននាក់ពីគ្រប់តំបន់នៅក្នុងប្រទេសឥណ្ឌា និងពិភពលោក។ ពេលនោះ ក្រុមអ្នកជំនាញបានព្រមាននៅក្នុងខែមីនាថា ពិធីបុណ្យនេះគួរតែលុបចោល ដោយសារភ័យខ្លាចរលកូវីដ-១៩ផ្ទុះលើកទី២។ ប៉ុន្តែរដ្ឋាភិបាលបានសម្រេចបន្តរៀបចំពិធីនេះដោយបានអនុញ្ញាតមនុស្សមកពីទូទាំងប្រទេសឥណ្ឌាចូលរួម។
របាយការណ៍ពីការធ្វើតេស្តក្លែងក្លាយក៏បានលេចចេញនៅរដ្ឋ Bihar ភាគខាងជើងប្រទេសឥណ្ឌាដែលមណ្ឌលសុខភាពបឋមមួយចំនួនត្រូវបានចោទប្រកាន់ពីការលួចបន្លំទិន្នន័យដែរ៕
ប្រែសម្រួល៖ វីរបុត្រ
ប្រភព៖ BBC
មកស្គាល់ស្នាដៃនិងចម្រៀងល្បីៗជាច្រើនរបស់កវីដ៏ឆ្នើម ហ៊ុយ ពុធ នៅក្នុងវិស័យសិល្បៈខ្មែរ
ចេតិយដែលជាបំណងចុងក្រោយព្រឹទ្ធាចារ្យ គង់ ណៃ សម្រេចការសាងសង់រួចរាល់ជាស្ថាពរ
គ្រឿងចក្ររបស់ក្រុមហ៊ុនកំពតផត កំពុងឈូសឆាយលើដីរបស់ប្រជាពលរដ្ឋតាមអំពើចិត្ត
អាជ្ញាធរសម្រេចបិទខ្ទប់ទីតាំងផ្ទះ ដែលមានការពាក់ព័ន្ធនឹងអ្នកវិជ្ជមានកូវីដ.១៩ ចំនួន០៣ផ្ទះ នៅក្នុងក្រុងសំរោង
ប្រមុខការទូតកម្ពុជា ប្រាប់អង្គប្រជុំរដ្ឋមន្ត្រីការបរទេសមេគង្គ-អាមេរិកថា បានត្រៀមខ្លួនរួចហើយ ដើម្បីបន្តកិច្ចខិតខំប្រឹងប្រែងរួមគ្នាប្រយុទ្ធប្រឆាំងនឹងជំងឺកូវីដ-១៩
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានខ្លីៗ១ សប្តាហ៍ មុនការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ
-
ព័ត៌មានខ្លីៗ៦ ថ្ងៃ មុនផ្លូវប្រវត្តិសាស្រ្តថ្មី ៤ ខ្សែ កាត់ពីខេត្តមួយទៅខេត្តមួយ ចំណេញផ្លូវរាប់រយគីឡូម៉ែត្រ
-
សុខភាព២ ថ្ងៃ មុនតើការចាក់វ៉ាក់សាំងដូសទី៣ នឹងត្រូវឃ្លាតយូរប៉ុណ្ណា ក្រោយចាក់ដូសទី២រួចរាល់?
-
សុខភាព១៣ ម៉ោង មុនប្រុងប្រយ័ត្ន! មនុស្ស៤ប្រភេទនេះ ងាយឆ្លងវីរុស Delta ខ្លាំងបំផុត
-
ព័ត៌មានខ្លីៗ១ សប្តាហ៍ មុនសមត្ថកិច្ចឃាត់ខ្លួន ម្ចាស់ទំព័រហ្វេសប៊ុកឈ្មោះ «ស្លាបប៉ាកកាទេវរាជ» បានហើយ!
-
ព័ត៌មានខ្លីៗ១ សប្តាហ៍ មុនប្រកាសបន្ទាន់ កម្ពុជារកឃើញមេរោគបំប្លែងថ្មីលើជនជាតិកម្ពុជា ៣៩ នាក់ទៀត
-
ព័ត៌មានខ្លីៗ១ សប្តាហ៍ មុនភាពខុសគ្នានៃរោគសញ្ញាវីរុស Delta ចំពោះអ្នកចាក់វ៉ាក់សាំងរួច និងអ្នកមិនទាន់ចាក់
-
KPT+៥ ថ្ងៃ មុនមុនចង់បង្ហោះកាតចាក់វ៉ាក់សាំងកូវីដ-១៩ នៅលើបណ្ដាញសង្គម អានផលពិបាកទាំងនេះសិន
