Connect with us

ព័ត៌មានអន្ដរជាតិ

ប្រទេសអ្នកមាន អារ៉ាប់រួម ហាមប្រជាជនដែលមិនចាក់វ៉ាក់សាំង កុំជួបជុំគ្នានៅកន្លែងសាធារណៈ

បានផុស

នៅ

មន្ត្រីសុខាភិបាលនៅទីក្រុង Abu Dhabi រដ្ឋធានីនៃប្រទេសអារ៉ាប់រួម បានប្រកាសកាលពីថ្ងៃចន្ទថា កន្លែងសាធារណៈភាគច្រើននឹងត្រូវបិទទ្វារ សម្រាប់អ្នកដែលមិនបានចាក់វ៉ាក់សាំងប្រឆាំងនឹងជំងឺកូវីដ ១៩ ពោលចាប់ផ្តើមពីខែសីហា តទៅ ។

គណៈកម្មាធិការដោះស្រាយវិបត្តិបន្ទាន់ និងគ្រោះមហន្តរាយទីក្រុង Abu Dhabi បាននិយាយថា វិធានការនេះគឺ សមស្របនឹងយុទ្ធសាស្រ្តរបស់អារ៉ាប់រួម ដើម្បីប្រយុទ្ធប្រឆាំងនឹងជំងឺរាតត្បាតដ៏កាចសាហាវនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្តើមនៅថ្ងៃទី ២០ ខែសីហា មជ្ឈមណ្ឌលផ្សារទំនើប ភោជនីយដ្ឋាន ហាងកាហ្វេ និងហាងលក់រាយដទៃទៀត នឹងត្រូវបានដាក់កម្រិតដល់អ្នកដែលមិនបានចាក់វ៉ាក់សាំង ក្រោមដំណាក់កាលដំបូងនៃច្បាប់នេះ ។

ចំណែកកន្លែងហាត់ប្រាណ កន្លែងកម្សាន្ត និងសកម្មភាពកីឡា ក្លឹបសុខភាព រមណីយដ្ឋាន សារមន្ទីរ មជ្ឈមណ្ឌលវប្បធម៌ និងសួនកម្សាន្ត ក៏ដូចជាសាកលវិទ្យាល័យ វិទ្យាស្ថានសាធារណៈ សាលាឯកជន និងសាលាមត្តេយ្យ ក៏នឹងត្រូវហាមឃាត់មិនឲ្យបើកដំណើរការ នៅដំណាក់កាលដំបូងនេះផងដែរ ។

ក្រុមមន្រ្តីបាននិយាយថា ការរឹតត្បិតនេះកើតឡើង បើទោះក្រុមគោលដៅជាង ៩៥ ភាគរយនៅទីក្រុង Abu Dhabi ត្រូវបានចាក់វ៉ាក់សាំងរួចហើយក៏ដោយ ។

គួរបញ្ជាក់ថា គិតត្រឹមពេលនេះ ប្រទេសអ្នកមានអារ៉ាប់រួម មានករណីឆ្លងជំងឺកូវីដ ១៩ ជាង ៦២៥,០០០ ករណី និងមានអ្នកស្លាប់ជិត ១,៨០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ អារ៉ាប់រួម ហាមអ្នកដំណើរមកពី វៀតណាម មិនឲ្យចូលប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម