ព័ត៌មានអន្ដរជាតិ
អ៊ីរ៉ង់ ប្រកាសប្រើប្រាស់វ៉ាក់សាំងការពារកូវីដ ផលិតក្នុងស្រុកទី ២
ទីភ្នាក់ងារព័ត៌មាន Tasnim បានរាយការណ៍កាលពីថ្ងៃពុធថា ក្រសួងសុខាភិបាលអ៊ីរ៉ង់បានអនុញ្ញាតឲ្យប្រើប្រាស់ជាបន្ទាន់ នូវវ៉ាក់សាំងប្រឆាំងនឹងជំងឺកូវីដ ១៩ ផលិតក្នុងស្រុកទី ២ ។
រដ្ឋមន្រ្តីក្រសួងសុខាភិបាលលោក Saeed Namaki បាននិយាយថា ដំណាក់កាលទី ៣ នៃការសាកល្បងព្យាបាលសម្រាប់វ៉ាក់សាំង Pasteur ដែលត្រូវបានបង្កើតឡើងដោយវិទ្យាស្ថាន Pasteur អ៊ីរ៉ង់ ត្រូវបានអនុវត្ត និងអនុម័តឲ្យប្រើប្រាស់ ។
លោក Namaki បានបន្ថែមថា វ៉ាក់សាំង Pasteur គឺជាវ៉ាក់សាំងអ៊ីរ៉ង់ទី ២ ហើយដែលត្រូវបានអនុម័តសម្រាប់ចាក់ ប្រឆាំងនឹងជំងឺកូវីដ ១៩ ។
គួររំឭកថា នៅថ្ងៃទី ១៤ ខែមិថុនា អ៊ីរ៉ង់ ក៏បានប្រកាសអំពីការប្រើប្រាស់ជាបន្ទាន់ នៃវ៉ាក់សាំង COVIran Barekat ដែលផ្តល់ថវិកាដោយមូលនិធិ Barakat ហើយជាវ៉ាក់សាំងផលិតក្នុងស្រុកលើកដំបូង ត្រូវបានអនុម័ត ។
ទន្ទឹមនោះ ប្រទេសអ៊ីរ៉ង់ ក៏បានណែនាំឲ្យប្រើប្រាស់វ៉ាក់សាំងការពារជំងឺកូវីដ ១៩ រួចហើយពីប្រទេសរុស្ស៊ី ឥណ្ឌា ចិន និងសាធារណរដ្ឋកូរ៉េ សម្រាប់ចាក់ដល់ប្រជាជនជាង ៥ លាននាក់នៅទូទាំងប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ អ៊ីរ៉ង់ ផលិតបានវ៉ាក់សាំងកូវីដខ្លួនឯង មេដឹកនាំកំពូលចាក់មុនគេ រីឯប្រសិទ្ធភាពជាង ៩០ ភាគរយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត