មិនគួរឲ្យជឿ! ងងឹតភ្នែក៩ឆ្នាំហើយ តែលោកយាយម្នាក់ អាចមើលឃើញវិញ ក្រោយចាក់វ៉ាក់សាំងកូវីដ

យុទ្ធនាការចាក់វ៉ាក់សាំងការពារជំងឺកូវីដ-១៩ កំពុងបង្កើនល្បឿននៅទូទាំងប្រទេសឥណ្ឌា ហើយប្រជាពលរដ្ឋ ត្រូវបានលើកទឹកចិត្តឲ្យទៅចាក់ ដើម្បីប្រយុទ្ធប្រឆាំងនឹងជំងឺដ៏កាចសាហាវមួយនេះ។

ទោះបីជាប្រជាជនខ្លះ មានប្រតិកម្មមួយចំនួនដូចជាគ្រុនក្តៅនិងឈឺចាប់រាងកាយបន្ទាប់ពីចាក់វ៉ាក់សាំងក៏ដោយ ប៉ុន្តែលោកយាយម្នាក់មកពីរដ្ឋ Maharashtra បានអះអាងថា គាត់ជួបប្រទះអព្ភូតហេតុបន្ទាប់ពី ចាក់វ៉ាក់សាំងកូវីដ ដូសទី១។

លោកយាយ Mathurabai Bidve អាយុ៧០ឆ្នាំ មកពីតំបន់ Benderwadi ក្នុងស្រុក Washim នៃរដ្ឋ Maharashtra បានងងឹតភ្នែកអស់រយៈពេល៩ឆ្នាំមកហើយ ដោយសារតែជំងឺភ្នែកឡើងបាយ។ លោកយាយអះអាងថា លោកយាយអាចមើលឃើញវិញ បន្ទាប់ពីចាក់វ៉ាក់សាំង ដូសទី១ កាលពីខែមុន។

យោងតាមការចុះផ្សាយរបស់គេហទំព័រ Zee News បានឲ្យដឹងថា លោកយាយ Bidve បានទទួលវ៉ាក់សាំង Covishield ដូសទី១ កាលពីថ្ងៃទី២៦ខែមិថុនា។ លោកយាយអះអាងថា​ ភ្នែកម្ខាងរបស់លោកយាយ អាចមើលឃើញបានវិញពី ៣០ទៅ៤០ភាគរយ មួយថ្ងៃបន្ទាប់ពីបានចាក់វ៉ាក់សាំងដូសទី១៕

ប្រែសម្រួល៖ Vann Vann

ប្រភព៖ Times Now News

ចុចអាន៖ រដ្ឋមួយរបស់ឥណ្ឌា ប្រកាសអាសន្ន បន្ទាប់ពីផ្ទុះជំងឺឆ្លងតាមសត្វមូស