ប្រជាជនចិន រាប់ម៉ឺននាក់ ជម្លៀសចេញពីទឹកជំនន់ ខណៈព្យុះទីហ្វុងមួយទៀត ជិតមកដល់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រជាជនចិន រាប់ម៉ឺននាក់ ជម្លៀសចេញពីទឹកជំនន់ ខណៈព្យុះទីហ្វុងមួយទៀត ជិតមកដល់

បានផុស

នៅ

អ្នកភូមិត្រូវបានជម្លៀសទៅកាន់ទីទួលសុវត្ថិភាព កាលពីថ្ងៃសុក្រ ខណៈទឹកជំនន់បានជន់លិចតំបន់ភាគកណ្តាលប្រទេសចិន ហើយបានសម្លាប់មនុស្សយ៉ាងតិច ៣៣ នាក់ ខណៈព្យុះទីហ្វុងបានគំរាម នាំមកនូវទុក្ខវេទនាបន្ថែមទៀត នៅពេលវាឆ្ពោះទៅឆ្នេរសមុទ្រភាគខាងកើតរបស់ប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សរាប់លាននាក់ បានរងផលប៉ះពាល់ដោយសារទឹកជំនន់ ក្នុងខេត្ត Henan ធ្វើឲ្យមនុស្សជាប់គាំងជាច្រើនថ្ងៃដោយគ្មានអាហារឬទឹកស្អាត ផ្លូវថ្នល់ត្រូវរងការខូចខាត ហើយកប់តំបន់ទាំងមូលនៅក្នុងភក់ក្រាស់។

នៅក្នុងទីក្រុង Zhengzhou ដែលរងការវាយប្រហារខ្លាំងជាងគេ, កាលពីថ្ងៃសុក្រ ក្រុមអ្នកពន្លត់អគ្គិភ័យ បានបន្តបូមទឹកភក់ចេញពីផ្លូវក្រោមដី ដែលជាទីមានមនុស្សរាប់សិបនាក់បានលង់ទឹកស្លាប់ ដោយសារភ្លៀងធ្លាក់ខ្លាំងក្នុងរយៈពេលបីថ្ងៃ។

ភ្លៀងធ្លាក់ខ្លាំងពេញមួយយប់ បានជន់លិចភាគខាងជើងទៅដល់តំបន់ Xinxiang និងតំបន់ជុំវិញនោះ។ ដីស្រែចម្ការដ៏ធំល្វឹងល្វើយនិងទីប្រជុំជន ត្រូវបានកាត់ផ្តាច់ នៅពេលទឹកទន្លេឡើងផុតច្រាំង។

ទូរទស្សន៍រដ្ឋ CCTV បានផ្សាយថា “បច្ចុប្បន្ន ប្រជាជនជិត ៩,០០០ នាក់ ត្រូវបានផ្ទេរជម្លៀសដោយសុវត្ថិភាព ហើយអាជ្ញាធរកំពុងជម្លៀសប្រជាជនចំនួន ១៩,០០០ នាក់ទៀត ដែលនៅសេសសល់”។

ស្របពេលជាមួយគ្នានោះដែរ ភ្នាក់ងារឧតុនិយម កំពុងឃ្លាំមើលការវិវត្តរបស់ព្យុះទីហ្វុង In Fa ដែលបានបង្កឲ្យមានភ្លៀងធ្លាក់ខ្លាំងរួចទៅហើយ នៅកោះតៃវ៉ាន់និងឆ្នេរសមុទ្រខាងកើត ប្រទេសចិន ហើយត្រូវបានគេរំពឹងថា នឹងធ្វើឲ្យមានការបាក់ដី ចាប់ពីថ្ងៃអាទិត្យទៅ នៅក្នុងតំបន់មួយដែលមានប្រជាជនរាប់សិបលាននាក់។

មជ្ឈមណ្ឌលឧតុនិយមជាតិបាននិយាយថា “នៅពេលមកដល់ ព្យុះ In Fa អាចនឹងវាយប្រហារភាគខាងកើតប្រទេសចិន ដែលនាំមកនូវភ្លៀងធ្លាក់យ៉ាងខ្លាំង”។

សេចក្តីរាយការណ៍បានបន្ថែមទៀតថា នៅថ្ងៃសៅរ៍និងថ្ងៃអាទិត្យ តំបន់ឆ្នេរ គួរតែត្រៀមខ្លួនការពារប្រឆាំងនឹងផលប៉ះពាល់រួមនៃខ្យល់បក់ ភ្លៀងធ្លាក់និងជំនោរ ហើយសាធារណជនត្រូវបានគេព្រមានឲ្យត្រៀមខ្លួន ទប់ទល់នឹងព្រឹត្តិការណ៍អាកាសធាតុដ៏អាក្រក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ភ្លៀង ធ្លាក់ អាក្រក់ បំផុត ជាប់ កំណត់ ត្រា វាយ ប្រហារ ចិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤៨ នាទី មុន

តារា​សិច​ស៊ី សេង សូ​ណា បញ្ជាក់​អាការៈ​ជំងឺ​ក្រោយ​ឆ្លង​កូ​វីដ​-១៩​បាន​១៨​ថ្ងៃ​

ព័ត៌មានជាតិ២ ម៉ោង មុន

រដ្ឋមន្ត្រី​ក្រសួង​ព័ត៌មាន​ ៖​ ចំពោះ​រាជរដ្ឋាភិបាល​កម្ពុជា​សិទ្ធិ​ទទួល​បាន​ព័ត៌មាន​ជា​សាកល​គឺជា​សិទ្ធិ​មួយ​ដែល​មិន​អាច​ខ្វះ​បាន​នៅ​ក្នុង​សង្គម​ប្រជាធិបតេយ្យ​

ព័ត៌មានជាតិ២ ម៉ោង មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ៣ ម៉ោង មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៣ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

Sokha Hotels

ព័ត៌មានពេញនិយម

Helistar Cambodia - Helicopter Charter Services