សមាជិកសភាបក្សសាធារណរដ្ឋ អាមេរិក ស្ថិតក្រោមការចាប់ខ្លួន ក្រោយតវ៉ាច្បាប់ពាក់ម៉ាសដាក់ដោយប្រធានសភា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សមាជិកសភាបក្សសាធារណរដ្ឋ អាមេរិក ស្ថិតក្រោមការចាប់ខ្លួន ក្រោយតវ៉ាច្បាប់ពាក់ម៉ាសដាក់ដោយប្រធានសភា

បានផុស

នៅ

សមាជិកសភាមកពីគណបក្សសាធារណរដ្ឋមួយក្រុម ដែលបានដើរទៅខាងព្រឹទ្ធសភានៃវិមានកាពីតូលក្នុងការតវ៉ាអំពីច្បាប់ពាក់ម៉ាស់ ដាក់ដោយប្រធានសភាអាមេរិកលោកស្រី Nancy Pelosi ស្ថិតក្រោមការគំរាមកំហែងចាប់ខ្លួន និងការពិន័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយបដិសេធមិនពាក់ម៉ាស ក្រុមនេះបានប្រមូលផ្តុំគ្នានៅវិមានកាពីតូល ដើម្បីថតរូបជុំគ្នានៅរសៀលថ្ងៃព្រហស្បតិ៍ មុននឹងបន្តទៅបន្ទប់ព្រឹទ្ធសភាដើម្បីស្តាប់សុន្ទរកថារបស់សមាជិកព្រឹទ្ធសភាលោក Mike Lee ដោយរិះគន់ច្បាប់ពាក់ម៉ាសថ្មីថា មិនស្របតាមរដ្ឋធម្មនុញ្ញ និងមិនមានលក្ខណៈវិទ្យាសាស្ត្រ ។

ក្នុងចំណោមអ្នកបះបោរមកពីគណបក្សសាធារណរដ្ឋទាំងនោះរួមមានលោក Madison Cawthorn មកពីរដ្ឋ North Carolina, លោក Lauren Boebert មកពីរដ្ឋ Colorado, លោកស្រី Marjorie Taylor-Greene មកពីរដ្ឋ Georgia, លោក Matt Gaetz នៃរដ្ឋ Florida រួមជាមួយលោក Louie Gohmert និងលោក Chip Roy នៃរដ្ឋ Texas ។

ដំបូងឡើយ សមាជិកសភាមកពីគណបក្សសាធារណរដ្ឋ លោក Thomas Massie ក៏បានចូលទៅខាងព្រឹទ្ធសភាក្នុងការតវ៉ាអំពីច្បាប់ថ្មីដែលដាក់ដោយប្រធានសភាលោកស្រី Pelosi  ។

ទន្ទឹមនោះ លិខិតមួយដែលចេញដោយមេប៉ូលិសវិមានកាពីតូលលោក J. Thomas Manger កាលពីថ្ងៃពុធបានណែនាំដល់មន្រ្តីឲ្យបណ្ដេញអ្នកទេសចរ និងបុគ្គលិកណាដែលមិនព្រមពាក់ម៉ាសចេញពីអគារ ហើយចាប់ខ្លួនពួកគេពីបទចូលដោយខុសច្បាប់ ប្រសិនបើពួកគេបដិសេធ ។

បន្ថែមពីនេះ មន្រ្តីប៉ូលលិសវិមានកាពីតូល ក៏ត្រូវបានគេបញ្ជាឲ្យធ្វើរបាយការណ៍ជាមួយមន្ត្រីប៉ូលិសវិមានសភាផងដែរ ប្រសិនបើសមាជិកសភាណាម្នាក់មិនព្រមធ្វើតាម ហើយពួកគេនឹងត្រូវពិន័យ ។

គួររំឭកថា លោកស្រី Pelosi បានដាក់ច្បាប់ពាក់ម៉ាសលើកដំបូងក្នុងសភាកាលពីឆ្នាំមុន ដោយលើកឡើងពីរោគរាតត្បាតកូវីដ ១៩ ហើយទីបំផុតបានពង្រីកច្បាប់នោះដល់សមាជិកនៅខាងក្នុងបន្ទប់ព្រឹទ្ធសភា ។

ក្រោយមក ការរឹតត្បិតនេះត្រូវបានដកចេញនៅក្នុងខែឧសភា ដែលជាផ្នែកមួយនៃការជំរុញរបស់រដ្ឋបាលលោក Biden ដើម្បីលើកទឹកចិត្តដល់ការចាក់វ៉ាក់សាំង ប៉ុន្តែត្រូវបានដាក់សាជាថ្មីនៅសប្តាហ៍នេះ ចំពេលមានការរីករាលដាលនៃវីរុសបំប្លែងខ្លួនឥណ្ឌា “Delta” ដែលកំពុងគ្របដណ្ដប់ករណីឆ្លងនៅទូទាំងសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោក Blinken ព្រមានឥតលាក់លៀម អំពីសិទ្ធិមនុស្ស និងលទ្ធិប្រជាធិបតេយ្យរបស់ ឥណ្ឌា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ ម៉ោង មុន

តារា​សិច​ស៊ី សេង សូ​ណា បញ្ជាក់​អាការៈ​ជំងឺ​ក្រោយ​ឆ្លង​កូ​វីដ​-១៩​បាន​១៨​ថ្ងៃ​

ព័ត៌មានជាតិ២ ម៉ោង មុន

រដ្ឋមន្ត្រី​ក្រសួង​ព័ត៌មាន​ ៖​ ចំពោះ​រាជរដ្ឋាភិបាល​កម្ពុជា​សិទ្ធិ​ទទួល​បាន​ព័ត៌មាន​ជា​សាកល​គឺជា​សិទ្ធិ​មួយ​ដែល​មិន​អាច​ខ្វះ​បាន​នៅ​ក្នុង​សង្គម​ប្រជាធិបតេយ្យ​

ព័ត៌មានជាតិ៣ ម៉ោង មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ៣ ម៉ោង មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៤ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

Sokha Hotels

ព័ត៌មានពេញនិយម

Helistar Cambodia - Helicopter Charter Services